影片
电话号码
24358772
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
招牌菜
佢最近係咁做廣告，安格斯牛扒包三十零蚊就有交易，咁就試一試啦，但係同廣告完全係兩回事，個包好扁，啲醬料亦都好少，就算幾平都唔覺得太抵食😮💨 同埋呢間嘅環境衛生都唔算太好，希望管理層可以改善吓😣
继续阅读
買個脆爆雞腿飽試下，一拆開包裝紙，仲以為俾錯第二個飽我，簡直無語。😑成個飽變形，塊雞好乾，搵番其他分店openrice comment，個飽唔係咁差，應該係青衣翠怡分店先係咁。😡
继续阅读
年三十朝跑完個青公21K內心一直用食物支持自己完成最後目標達成，跑完仲趕得切買早餐！衝入麥當勞，毫不猶豫：唔該，珍寶套餐🙆🏻♀️🙆🏻♀️🙆🏻♀️🙆🏻♀️有咩食唔駛多講，大家都好熟😆不過有一段時間無食麥當勞嘅早晨全餐嘅我比個早餐surprise咗，要讚吓個炒蛋好高質！係炒滑蛋嚟㗎😍😍😍落埋我最愛嘅黑椒成份早餐我秒清🤣🤣🤣另外想讚埋個熱香餅都煎得好靚夠圓夠大🫶🏼🫶🏼🫶🏼食完真係超滿足😌
继续阅读
成日食麥當勞覺得唔健康，今日就黎扮健康，叫左個凱撒沙律外賣，為免唔夠飽，再加雞排，埋單$3x幾抵。賣相：望落幾吸引，肉同醬都幾多，生菜都好滿下，仲有d到粒粒既脆麵包，成個沙律好豐富。味道：少少失望，首先因為沙律係凍既，所以連雞排都係凍，但係雞排係平時食包個隻板燒雞排，切開左一舊舊，諗都諗到凍既雞排係幾奇怪，自己就唔係食得好慣，至於其他配菜都正常，生菜夠爽口，脆麵包唔會俾沙律醬整到淋哂，依然夠脆。整體黎講：平，但唔太好食，唔會再食呢個沙律。
继续阅读
近排minions大熱，mcdonald推出了一系列相關食品，今日就貪得意走去試下。一盒六件嘅脆薯嘜造型非常趣緻可愛，不過炸得唔算好香脆，唔知係咪放得太耐，食落麻麻地，純粹賣相過癮。傻蛋孖牛漢堡上面有minions烙印，好得意，個包食落鬆軟微甜，中間夾著蛋、牛肉漢堡、芝士同切條洋蔥，口感豐富，醬汁係較稀嘅黑椒汁，都算惹味。香蕉批拎到上手果陣仲係熱辣辣，入面全部都係香蕉蓉，有很濃郁的香蕉味，味道唔會過甜，不錯。
继续阅读