麵之神車仔麵

营业中

休息中

今日入到元朗工作 有朋友知道我係元朗就專登帶我去食麵之神車仔麵 ～佢話黎到元朗一定要食車仔麵 🍜佢係日本風味既車仔麵😂 我見個餐牌都幾特別喎好多日本既野食 👹我叫左日本葛絲麵 豬血 肥牛 雞翼尖 配沙嗲汁 👹我都係第一次食日本葛絲～麵質好似粗身既粉絲甘～口感好彈牙又滑身🤤其他餸都好入味 沙嗲湯味道夠哂濃👹除左葛絲麵仲有大雜麵～九重麵 ～冷麵 ～九大簋雜錦麵 ～湯底仲好多比你揀 牛腩汁～咖喱汁～沙嗲汁～滷水汁 選擇多多👍🏻～車仔麵黎講呢間都算最特別～以日本食材為主 👍🏻價錢適中

今晚在YoHo看電影，看完電影都差不多十點YoHo的食店又關門了，於是老公就提議去雞地覓食啦！於是一路走過來雞地，走了一圈沒什麼店特別想吃，之後走回頭看到有間車仔麵，見到裡面的裝修不錯，人還很多，走進去差不多都坐滿了，但是還是非常乾淨，坐低點了兩個車仔麵牛腩汁加辣汁，我點了炸響鈴，咖喱魚蛋，午餐肉，個湯底好正，最好嘅係完全沒加味精，咖喱魚蛋非常入味，響鈴也是新鮮炸的，午餐肉夠大塊，米線份量也多。服務態度都非常好，下次會帶我那個麵王爸爸來吃的.

呢間位於雞地既車仔麵 價錢唔貴份量多 飽肚之餘食物高水準 適合一家大細或者成班學生哥去食 首選推介既餸一定係豬腸👍 非常入味 好耐未試過食咁入味既豬腸啦 咁多位朋友仔入元朗食野一定要試下😙

現在的元朗非常危險，有白衣人打人，又有警方嘅催淚彈，令到我哋呢啲小市民已經唔會晚上在元朗出沒，所以今日特登下午茶入嚟食碗車仔麵，以免發生不必要的危險，呢間小店之前都幫襯過幾次，但今次必須要讚賞佢嘅食物，因為佢哋啲食物每一次比起都有進步，非常有驚喜，今次點左豬腸、關東煮蘿蔔、滷水雞翼米線，最值得一讚的是豬腸肥瘦適中，滑身入口即溶又夠入味，而中間洗得非常乾淨（冇💩)😂關東煮蘿蔔非常清甜，蘿蔔冇喳，入味比起日本街頭小食檔有過之而無不及，一定係上成的用料而且係平民的消費，雞翼新鮮脹卜卜入晒滷水味（平時啲平價車仔麵好多時都有雪味但呢度沒有)非常好！湯底肯定沒有味精清甜、鰹魚味香濃！加多罐奶茶埋單$49超值👍🏻到最後呢間餐廳美中不足之處就是冷氣機滴水問題，俾佢滴到我個頭少少濕，響呢方面要減分！希望店主在此見到時會盡快維修

呢間係我最近成日幫襯嘅車仔麵檔，我貪佢湯底好入味，即係沙嗲汁，而且餸菜選擇好多，都幾有特色，例如咖喱魷魚，牛乳炒滑蛋，和風牛肉等等，都給子耳一生。而我最鍾意食嘅就係，即炸魚片頭，佢真係即炸10分香口。而且，都有唔少飲品，除咗一般嘅罐裝飲品，仲有自家就五花茶同豆漿，食車仔麵食到熱辣辣就可以飲啲嘢。但係，位置真係太少喇，而且鋪頭好迫，食餐飯，都坐得好唔舒服。而且成日都會俾人出出入入撞到，希望有間大啲嘅舖姐或者坐得寛鬆啲啦。

見食評幾好住元朗冇理由唔試下！去到環境ok!點左米粉，送就order左4樣，分別係豬腸、生菜、冬菇同魚旦！生菜度度一樣唔特別講，其他食評如下：豬腸：不過不失！唔差但對比同區的永記、合記同督記（唔講全名！識就知邊幾間）就差少少啦！食完唔會有驚為天人的感覺！但唔係差的！如第一次點可以試下！冬菇：菇味唔濃！ok彈牙！味道不算好差！唯一好是份量ok!有4-5粒！魚蛋：不是陳皮魚蛋！對我黎講就差了！湯底：最唔掂就係個湯底！根本就係烏冬個湯底！自己整都整到！大家試下就知！辣醬：唔敢講係差！但唔arm我口味！凍奶茶：偏甜！不是平時茶記沖個種味！服務：從老細到員工都有d惡！食客自己感受下！總結：區內太多冠絕全港的車仔麵店！基本上唔會再去了！

呢間雖然價錢貴D, 但款式幾多, 亦有D 日式GE 送, 幾特別。叫左黑色墨魚丸, 九菜餃, 酸JAI, 日式叉燒,另叫左 豬手另上。墨魚丸,好香墨魚汁味! 不過5算彈牙, 不過味道OK。九菜餃 5似係來貨, 菜肉各半, 出奇地好食。日式叉燒好大塊!有2大塊, 雖然偏瘦, 但5會鞋, 亦幾厚。豬手另上GE, 5似南乳味, 似叉燒味, 甜甜的, 估5到都幾多, 啖啖豬皮同肉, 煮得夠林夠入味, 5錯。呢度GE送全部份量都多架, 所以貴少少都正常。

呢間車仔麵暫時係我食過最高質同特別既😻🍜因為呢間車仔麵有別於其他港式車仔麵，佢有一啲日本🇯🇵和風既餸可以叫，湯底都有日本湯底。今次試左豬軟骨、關東煮蘿蔔同午餐肉。豬軟骨入味，但唔會太咸。最有驚喜係蘿蔔，蘿蔔吸曬日本高湯既味道，加埋本身蘿蔔既清甜，超好食，蘿蔔都無渣👍🏻👍🏻必試😻🤤

這間車仔麵，食過好幾次，味道其實不錯，各款餸水準平均。但今次唔好彩，食到有塑膠碎，真心失望，廚房實在太唔小心，加上侍應冷淡的回應，令到我如果考慮再次幫襯會卻步。膠角少少尖，其實都有少少𠝹口。侍應見到無理會，我主動叫咗3次侍應先回應我，一句不好意思，完！我只想表達發現有塑膠碎，敬請他們留意。最後我都有食晒碗車仔麵，以免造成浪費。豬軟骨+菜心+油麵，豬軟骨好腍，菜心苦苦地，油麵份量足夠。炸魚片頭，熱辣辣上枱，彈牙，好味！豬腸+雞翼+菜心+岀前一丁菜脯，好辣。

試新野，今次係車仔麵，其實都聽過呢間鋪頭一排，但出到元朗真係唔想食個車仔麵咁頹，因為都覺得黎黎去去都會差唔多味。但終於等到有日想食頹面 就黎一試，結果完完全全被湯底吸引到😂😂😂。試完就知，1 d都唔係頹貨。 對於我黎講，車仔麵餸都係差唔多味，但呢到有酸齋，哈哈，有趣！味道就係平時街買甘，但份量好多，不錯豬紅，好味👍🏻must叫系列！牛肋肉，我覺得麻麻，好um。但我見呢個app都有人推的，可能甘岩我舊um😭重點1係湯底，2係豬紅，3就係辣菜甫，加左2粒已經好辣🥵！不過好味值得大家一試

朋友介紹話這間車仔麵好食，於是今日收工黎試下。過左lunch時間都仲係坐滿咁滯，好彩有兩個搭枱位，車仔麵黎講，坐得逼就預左，但佢舖面都幾乾淨企理，值得一讚此店出名係日式湯底，我二話不說就揀左鰹魚湯底，真係未見過車仔麵會用。粉麵選擇當然有拉麵，更加特別係有葛絲揀餸菜選擇方面唔算好多，都係一些大路野多。我今次揀左豬腸，牛腩，羅白同酸齋。湯底清澈，見到透明的葛絲，非常誘人，喝一口湯，非常清甜，滿滿鰹魚香味葛絲好滑又煙韌，配上鰹魚湯底一流！豬腸入味又夠淋，好味！牛腩應為牛肋條，唔會碎濕濕，啖啖肉，夠淋又入味，咬落唔會痴牙羅白非常清甜，夠淋又無渣，吸埋鰹魚湯好正至於酸齋就普通啦，勝在份量多。另外佢地的辣汁好辣下，小心

呢間小店裝修同食物都好精緻，之前試過葛絲麵底幾好食，不過份量比較少，都係食米粉飽肚啲！叫左關東煮蘿蔔、咖哩魚旦、韮菜餃同蟹柳捧。蘿蔔好甜好淋兼冇筋，魚旦幾彈牙，餃同蟹柳就普通啲，湯底係鰹魚雞湯，好甜！美中不足係份量少同貴啲，但日式配料喺一般車仔麵店都幾難搵到。

本來永年係我嘅長期車仔麵冠軍，估唔到而家麵之神同佢各有千秋，難分高下。總嘅嚟講， 呢度啲車仔麵超正，價錢竟然良心價（抵過永年），絕對推薦。個湯底新鮮好味到 O 晒嘴，基本上係打破香港「車仔麵啲湯肯定好一般」嘅慣例。我第一次加埋腩汁，隱隱覺得好似糟蹋咗個靚湯底，所以第二次開始就乜都唔加，跟住成個湯底係飲哂㗎。（呢方面永年個湯底就比唔上喇）我特別鍾意佢個即炸魚片頭 －－－係分開上，無俾啲湯整濕㗎 同樣分開上嘅炒滑蛋，話係用健康啲嘅有機蛋炒。但係我唔理喇，總之就非常香滑好味啦辣度可以自己剔微、小、中、大。我就連微辣都嫌多，同佢講後，佢可以另上，正 （我一樣嫌永年嘅微辣都多，但礙於永年落單嘅流水作業，我從來都無／唔敢特別要求另上辣）冬菇隻數多，中等 size 方便一舊一/兩啖，肉厚、味靚無呃人，係至愛。關東煮蘿蔔做得非常好，冇根，入味同永年各有千秋，係我嘅必選。墨汁丸夠香。平時車仔麵我愛叫粗麵。呢度嘅粗麵一般地冇乜特別，反而我發現佢嘅米線 texture 唔錯，可以留意吓。至於魚蛋，其實都好味，不過個人覺得就比唔上永年喇。永年 size 細粒少少，啱啱好入一口；永年用湯底／腩汁餚個魚蛋，好過呢

今日MTR撞車，老闆話今日全部人休息一天無所事事一條友之下上網睇吓有乜好食🤔網上傳聞呢間冇味精嘅車仔麵！心諗車仔麵冇味精嚇鬼咩👻食物賣相好靚，性價比超高，所有餸都好入味，雞翼脹卜卜，一定係新鮮，因為本人在其他車仔麵店食過好多好似中咗化骨綿掌嘅雞翼好難食，呢間嘅雞翼非常出色，豬腸夠肥夠淋，中間仲洗得好乾淨，沒有屎💩掂👍🏻👍🏻👍🏻餐牌上是沒有牛腩的，睇清楚原來佢係牛肋條！平時只有西餐紅酒炆牛肋條！車仔麵竟然都用咁好嘅食材😘😘豬紅粒粒分明，沒有一夾即散👍🏻絕對靚貨，但唯一豬紅唔夠熱😭此店是用木匙羹，木筷子🥢富有日式感覺牆身裝修又富有港式風味！枱上還有日本麻油，七味粉，辣菜脯任落重點係$54埋單！希望呢間小店繼續努力💪🏻唔好咁快執笠🙇🏻🙇🏻

試左新店 麵之神🥢我叫左辣肉球。豬手。蘿蔔除了係未撈埋d 辣果陣既湯底覺得唔錯外。其他我都只可以話試一次就夠。豬手無南乳味。蘿蔔唔夠淋。辣肉球我覺得係炸醬個frd.以為個地獄名應該好過癮。但都係無。最後我比埋先生食。另外先生叫既韭菜餃。皮係薄。但可能煮耐左。薄到係未食就已經散晒。佢仲問粒餃去左邊。其實係爛晒。鳳爪佢都話唔得。係硬身的。豬紅，佢話就係就甘整熱左既豬紅。所以大家抱住去試下既心態就好了。唔好有期望係好正。