影片
招牌菜
朝早七点买左个纸包蛋糕，可能隔夜，个包硬到食唔落，返转头同肥师奶讲，佢好好人咁叫我换过其他包。抵赞。其实佢地蛋挞系好正，我由两蚊买到依家四蚊了。此外，咖哩牛肉包都好好食。
继续阅读
又一间大件夹抵食嘅传统饼铺😄😄个黑森林蛋糕正呀（虽然佢芒果蛋糕都好好食🥭🥭）十几蚊大大件西饼、几蚊大大个挞不在话下，食落仲好有惊喜🍫🍫我以为旧式西饼一定甜到惹蚁，然后蛋糕体有啲似松糕咁。点知一啲都唔系！佢呢件除咗头顶个白朱古力片甜之外，下面个朱古力蛋糕系香朱古力味但唔甜，亦唔苦。质感嘅完美嘅海绵蛋糕，中间忌廉唔算太甜，夹咗啲啫喱。而且外型都好靓，拆哂啲纸放上碟，同出面卖紧$40一件嘅打卡甜品无分别，性价比极高🥰🥰。
继续阅读
卡努袭港星期日打8号风球，冇得岀街浪废左个假期。三点几下午茶时间落楼下睇下有乜食，都未行到面包城门口就已经闻到好香蛋挞味。行近一睇原来蛋挞岩岩岀炉，即刻排隧买返屋企食。面包城岀炉蛋挞好抢手，好快就卖晒成盘，卖晒就要等下一轮。买够6个就有纸盒装，所以我通常都系买6个。今日得三个人食就买左4个，用胶袋装虽然有硬卡纸隔住但都好易整烂，好彩今次拎到返去都冇烂。买到返屋企仲热辣辣，蛋挞系饼底好松脆。中间蛋浆咬落去好滑有鸡蛋味，食完一个忍唔住口要食多个。蛋挞好抵每个只系$3.5。
继续阅读
芝士条新鲜出炉食时仲系微温有浓郁芝士味原来街坊面包舖都可以有高水准出品
继续阅读
哗,哩度既cream cake,劲正,最正既系$35一磅,而家绝无将货就价,cream劲多,绝对冇好似圣安娜咁用水打成既cream咁"泡",个个蛋糕都日日新鲜制造,蛋糕底好香蛋味,中间又系比劲多cream你,d生果又超新鲜同好甜!$35一个,简直系卖大包啦
继续阅读