麵膳

营业中

休息中

呢間餐廳食過兩次，一次食魚柳，一次食豬扒，兩次都覺得好好食，服務態度又好👍。趁住今日放假試埋佢嘅雞扒，上次見到人食好似唔錯。此外，天水圍新北江的鋪頭又好啱我行。廢話少講，講返個早餐先，🥩雞扒大大件斬件上，即做出嚟仲係熱辣辣，1️⃣無太油膩，2️⃣又無過咸 ，份量正常一個男人應該好夠食，米粉唔會煮到林哂，剛剛好好有口感，至於餐肉同太陽蛋就正常無咩特別。總括嚟講，41蚊呢個價錢食呢個質素嘅食物性價比算高✔️。不過餐廳始終係一間小店，食客眾多，坐得比較迫，好多時都要搭枱。

今日去咗新北江嘅一間叫「麵膳」嘅小店幫襯。上次食過佢哋嘅炸魚柳，覺得真係好好食，之後就一直想試下其他嘅食物。所以趁今日放假，我就再次光顧咗。我大概十點鐘到達，店入面已經滿座，要等咗一陣先有位。睇吓周圍其他食店都唔係好多人，我相信呢間小店應該係幾受歡迎嘅。今次嚟嘅目的係想試下吉列豬扒，因為上次見到好多人都叫呢個。既然係早餐時間，我就揀咗早餐套餐，有吉列豬扒、餐肉煎蛋同米粉，再加杯凍檸茶（走甜）。因為客人太多，等咗大概十分鐘先至有嘢食。當一大碟豬扒端上嚟嗰陣，我都嚇咗一跳，份量咁大，而且連埋碗米粉同凍飲都只係42蚊，而家真係好少有咁抵食嘅地方。講返今次嘅主角豬扒，佢哋嘅豬扒外層掛住薄薄嘅麵包糠，食落去唔會乾，豬扒調味得啱啱好，唔會太鹹，最正嘅係一啲都唔油膩，食完之後碟底都無油，呢點真係顯示出廚師嘅功夫👍。仲有，佢哋細心咁將豬扒切好再上碟，食起上嚟好方便。至於其他嘅食物，也達到標準水平，唔使講太多。總結嚟講，呢間絕對係一間值得長期光顧嘅好店。😋

新北江一直都有一行食肆林立嘅小巷。食早餐我多數會揀麵膳，因為早餐抵食大份，食完一份可以飽到晏晝都唔使食。舖頭大細比較窄，大部份時間我都係揀外賣，可以慢慢嘆。餐牌上面，早餐都有幾款唔同嘅配搭，可以俾你揀。同樣，下午茶、午市同晚餐嘅選擇都十分之多。醒晨套餐 $40跟餐凍飲 加 $2吉列魚柳 配 太陽蛋/腸仔 通粉魚柳外面酥脆內軟，唔會炸得過熟入面乾晒。魚柳嘅大細仲大過一個手掌，對比起連鎖早餐嘅炸魚柳大一倍有多。通粉可以自己選擇其他麵食，湯底係濃雞湯，食過咁多次質素都保持到，偶爾會淡啲。食過北江其他嘅早餐，價錢同味道對比之下都會揀返麵膳。

好少去天水圍，今次去完白泥睇日落後，被帶到嘉湖山莊的新北江商場搵食。第一次來到新北江商場，有點像藍田匯景商場及葵涌廣場，都是平民商場類。有些餐廳很明顯地好多人排隊等位，但由於玩得又累又餓，隨便選間餐廳好了，就選麵膳，因見到不少食客都點鐵板餐啊！餐湯可選中湯或忌廉湯，忌廉湯奶味較重，不會太粉，有少量蘑菇及魚柳，味道還好。重量級百搭鐵板餐，特選西冷牛扒配一款肉類，選了香煎雞扒，配洋蔥汁及天使麵。鐵板餐熱騰騰的送上，兩塊扒都好厚身，份量十足！鐵板餐伴有薯菜，天使麵另外送上，好大碗！穩陣起見的選7成熟，扒的熟度恰好，軟稔易咬，又帶點肉汁，洋蔥汁都好足，夠味又不會太鹹。$82好抵食！難怪那麼多人點鐵板餐，絕對是飽肚之選！芝士白汁青口蜆肉意粉，雖然蜆肉及青口都是急凍貨，但給的份量都好足。芝士就是在意粉上灑上一堆芝士粉，芝味說不上好濃。凍檸茶的茶底夠濃，不會太澀，算是可以。不求食物的美味，只求飽肚抵食的話，麵膳都算是吃得過的。

琴日早餐，我去咗天水圍新北江商場嘅麵膳食麵，商場在樂湖輕鐵站附近。呢間餐廳人氣好高，鋪面有D細，但乾淨企理，我去到嗰陣要等一陣先有位，要搭枱同其他客人坐。不過，我覺得值得等，因為麵膳嘅食物好好味，價錢又平。我點咗一碗吉列魚柳餐肉太陽蛋米粉配凍檸茶走甜，份量很足夠，只係42蚊，真係平到爆。魚柳係即做嘅，外脆內嫩不太油，餐肉也是即煎，太陽蛋煎得剛剛好，米粉不會太軟，湯底夠味。我食得好飽好滿足。麵膳嘅員工態度都好友善，雖然忙碌，但都有求必應。我覺得麵膳係一間不錯的餐廳，食物質素高，價錢平，服務良好，可以話扺食夾大件。我留意到很多人叫吉列豬扒和煎雞扒，下次有機會試試。

新北江食店多，舖細間同平價錢出晒名，今日成三點黎到呢度都係間間食店爆人，隔離嘅麗江就老馮等位等外賣企晒成條路。見未食過麵膳咪試下佢，門口個男人食緊嘅沙律餐幾吸引，一於叫佢呢樣。下午茶A+B+C自由配撘，加又得唔加又得，揀左A+C都係四十二蚊好平。見佢咁抵食，諗住影定相介紹人食啦，點知出事…嗱，肉醬意粉就預左係煮定個汁煮定嘅意粉，有人叫就筆出黎，個汁無茄味又偏甜，未到話難食嘅。司華力腸沙律其實幾有誠意，條腸煎過先啦又唔係比腸片，個沙律幾好味添，醬汁甜酸味教得好，青瓜、薯仔、雜果切碎大細均勻，不過食到一半見有條毛腳…唔講都知係咩啦，估唔到中招啫…唉呀…阿姐話換過碟比我，喂喂，換過碟都係同一盤黎啦，我又唔信即刻切過呀。後來換左炸薯條，即炸熱辣辣應該安全嘅。餐飲熱檸水，個杯幾污糟，可能不銹鋼係咁樣掛。之後入嚟嘅人繼續都係食沙律餐，咁咪出自同一盤沙律真係唔知啦…

🍴重量級百撘鐵板餐「特選西冷牛扒拼另外一款自選肉類」($82)點完菜之後首先上左餐湯 當日既餐湯係白湯 味道正常唔會太粉 最驚喜既係入面有唔少既磨菇同魚塊😳牛扒既份量真係幾重量級 足足成塊鐵板咁長 而且都算厚！我地揀左7成熟 可以睇到佢既熟度控制得都幾好👍🏻 味道就係港式茶餐廳鐵板餐果種扒既味道🤣 雖然佢係西冷 但係都唔算好多筋😌 我地自選既雙拼分別係龍脷同吉列豬扒 兩款都正常發揮 吉列豬扒既炸粉唔會太厚肉類底下仲有薯條、蕃茄同埋粟米另外仲有碗意粉(亦可以揀飯或者天使麵)鐵板餐奉送咖啡或茶或糖水無錯 跟糖水都係免費既！🤯其實呢間餐廳仲有好多款意粉、焗飯、咖哩等等 價錢都係介乎$47-60 份量都唔少 十分扺食！ 🤑

今日5點幾黎到呢間餐廳食個tea之後做gym。見到佢6.30前有個特餐，有扒+配菜+意粉或飯，都只係$45，其實都相當抵食。當然味道上就同茶記冇太大分別，但糧尾黎食都唔不過不失。

呢到啲野食中規中矩，唔算話好難食既，頹飯黎講都可以接受。不過最大問題係服務員方面，佢地有好多服務員，當然我明白時間流流長傾偈好正常，但係可能服務員都上左年紀，佢地傾計係大叫出黎嫁，本身鋪面已經細嫁啦，我敢肯定當時裏面仲嘈過街市，我諗緊出面經過既人會唔會以為裏面打緊交。仲要落單嘅時候，要同佢地鬥大聲先落到單，可想而知個環境有幾恐怖。嘈到食到一半都開始頭痛啦，如果有興趣試吓呢間餐廳嘅話記得帶定耳塞會安全啲。

歡迎大家到麵膳吃飯 隨時隨地畀人黑面 如果大家有興趣畀錢買罪受 歡迎體驗小弟在外辛勤工作一天 想話叫個外賣返屋企 一邊睇youtube 一邊食點知叫個外賣等成20分鐘 明明我都睇到個外賣擺到係都冇人去裝袋 見咁就催一催 點知嗰男收銀即刻黑面好辛苦等到來 返屋企吃雖然話快餐店啲食物水準都可想而知但嗰西冷牛好多筋最慘 忌廉湯都冇味最慘最慘 汁都麻麻地真係又浪費我青春又浪費我金錢

我幫女兒買早餐，要求該餐分湯另上，服務員表示公司規定不能；其後要求買常餐(牌子上全日供應）服務表示1100後才有，我問為何寫全日供應，有一男服務員態度很差，可能是老闆，因其他服務員變咗鵪鶉，買就買，唔買去第二xxx度我來去幫襯，唔喺受氣！唔知呢度老闆係咪佢，

話說9月19號黎呢間麵膳食早餐，但今日發生件奇怪事件，竟然一間餐廳話冇太陽蛋叫，要食就食熟蛋?唔通個廚房係唔識煎太陽蛋，但又煎到熟蛋，真係令人奇怪，簡直係一個笑話，其實我唔係第一次幫襯，都食左好幾次，因為佢價錢同份量係幾好既，但最近d出品差左好多，呢度食麵餸可以另上係非常好，但可惜最近係另上既餸方面例如：腸仔，蛋，餐肉個d全部都凍冰冰唔熱既，真係好失望，呢方面希望會有所改善番同埋教番個廚房煎太陽蛋

小編成日都早起身去食早餐，因為覺得有早餐嘅morning先係good morning！但諗起聽日開始就無得再喺餐廳嘆完早餐先返工（係呀無WFH呀），真係sad過無得WFH☹️ 今日嚟到呢間係新北江開得最早嘅（好似係），啱晒好早起身嘅小編😝 😋 健怡早餐：秘製炸醬湯米粉 $34 諗咗好耐都唔知點解叫健怡早餐，健怡早餐有包有多兩樣餸揀，加埋杯嘢飲都係34蚊。但港式早餐得個麵同杯嘢飲都要$31。以為炸醬係譚仔嗰啲，點知竟然係譚仔炸醬味加肉絲，幾有咬口。跟嘅煎蛋要擺喺湯米度一齊食！餐肉就好似擺咗一陣咁，凍咗⋯⋯😨

放工見肚餓，諗住喺附近食少少野，見到『麵膳』下午茶好似幾抵，而且仲有好多選擇👍🏼A款我揀左西多士，B款就要香茅雞翼食物一上枱，覺得塊西多士有啲怪😂同平時食嘅好唔同，睇真啲其實係兩塊方包夾花生醬，然後點蛋漿半煎炸感覺好似係屋企自己整嘅一樣，雖然賣相普通，但係食落同樣美味🤩而且仲多咗一份溫馨嘅感覺🥰至於兩隻香茅雞翼呢，炸得有點兒太乾，肉質偏硬，而且比較細隻但香茅嘅味道好夠，如果雞翼大隻番少少，整體感覺會滿足好多😉

今朝難得約埋一班朋友早起食個靚早餐，心思思好想食多士，於是入黎麵膳試下話說小妹睇中左個雞扒早餐，打算一炒蛋一太陽蛋既組合咁叫，滿足自己鍾意食蛋既兩個願望，叫餐既時候，女侍應竟然話無得用各一呢個組合，雙蛋必須要同款，小妹真係第一次聽咁既限制🚫第二，諗住叫杯熱齋啡☕️，女侍應又話咖啡機壞左，一早想飲杯提神啡都無真係有d失望食物質素方面，太陽蛋、多士都還好，主角雞扒黑椒汁太油膩，分切完塊雞已經成碟油；汁味太濃，完全蓋過塊雞既味如果餐廳系早餐方面更well prepare,同埋比客人點餐上更彈性處理就更好啦