麺屋武蔵 (已結業)

被門口的沾麵 (つけ麺) menu吸引了, 加上見佢唔洗等位, 所以決定試下 實物同圖片相差不太大 麵質非常彈牙 !! 湯底勁濃但不味精 !!最正係大大舊叉燒, 厚切 !! 肥瘦均勻 !!食完之後完全唔覺口乾 !!如果真係要數有咩唔好, 份量偏少 唔知佢呢個限量版會做幾耐, 但真係值得一試 !!

夜晚行開LCX諗住搵間餐廳食下飯，點知間間都排長龍，有d餐廳仲好坦白話起碼等兩個鐘，之後行到最入，見到呢間拉麵鋪新開就兩個人走左入去試，叫左兩個麵加個小食，起初見到黑虎白虎唔知係咩黎，原來係指個湯底！小食燒魷魚真係好味！辣辣甜甜！黑虎牛肉拉麵！不錯，黑蒜湯底好濃！幾好味。仲有另一個麵忘記影相，白虎清湯，味道好清甜。因為LCX較多人食飯，所以唔想等太耐位，呢間係不錯既選擇！

附近的餐廳都十分多人排隊，只見這裡有位(可能因為這裡看不見那黃色鴨或沒有鴨仔餐的關係。 。)亦知道是新開的就抱著一試的心態。  是日點了黑虎(黑蒜油豬骨湯)沾汁面，另有白虎(豬骨湯)，紅虎(辣油豬骨湯)以供選擇。有一塊挺大的叉燒，很(淋)，很好吃，面質是有點帶咬口的，湯底面層的油十分黑！對於對黑蒜油的認識只限於一丁面那程度的小妹來說，這湯黑得有點誇張。湯裡頭帶有少許豬腩肉碎，味道很濃郁，比起一平安，這裡的湯底我比較喜歡，因為一平安的湯太稠了。整體都滿意，只是湯表面的油多了點，每次沾的時候都好像吃了很多油下肚(哭)。不過我絕對會再來吃的！

星期日的海港城真係好恐怖~周圍都係人~想搵地方食飯，冇一頭半個中都唔駛諗～結果見到有呢間拉面，　其實都唔知係新開～因為都好多人等位~等左差唔多15 - 20 分鐘, 終於有位...叫左辣既叉燒拉面, 侍應話要等15分鐘~ 我同朋友都耐心等候~點知眼見隔離枱既客人遲過我地坐底都有野食~ 我地都覺得唔對路~馬上叫侍應再追, 點知原來漏單了.....再多等5-10分鐘, 終於有得食喇~拉面不過不失~不會煮得太耐而變林.湯底雖香, 但太多辣油, 食到一半時巳覺得好口乾同埋有點流~大大塊叉燒一件, 沒有肥香, 但又唔係瘦瘦叉燒半熟蛋幾香~ 不過不失的一餐~

近日鴨仔熱潮直捲全城，人潮把尖沙咀海運大廈一帶擠得水洩不通，舉步維艱。不過今天有要事在身，不得已要在尖沙咀蹓躂，時近六點，仍未吃午飯，是時候找吃的了，經過LCX，虎洞 / 麵屋武藏新張誌慶，正好可以一試。等了約十五分鐘，侍應安排我坐一張二人枱，揭開製作精美的餐牌，結果發現是錯體的，這樣也給我遇上，倒也有趣，最後點了一碗黑武骨沾麵。黑武骨沾麵等了良久，沾麵才送過來。黑武骨的沾汁黑如墨汁，不說還以為是黑汁湯底，其實是加入了黑蒜油，嗅起來也甚香濃，不過湯汁不算濃稠，沾汁內亦只有一兩粒豚肉丁，基本上沒有餸料。拉麵粗身，狀似Agura的一類，叉燒極大塊，超過半個碟子的大小，看起來油脂不多，另外還有半只半熟蛋，不過有一半已經熟透。沾汁十分甜，我沒用「鮮甜」而只用「甜」一字，是因為確實沒太多鮮味，感覺有點嗆喉及造作，不太自然，雖然湯頭不至於添加了甚麼非天物料，但顯然材料間未能調較出一個很好的平衡，唯黑蒜油的確芳香，算是其中一大賣點！與前不久才吃過Agura，實在很大的距離。沾麵雖粗，但沒有預期的嚼勁，細啖下還有很輕的鹼水味，掛湯能力亦比較遜，加上沾汁不太濃稠，掛湯一環變得弱上加弱。半熟蛋單看就已經有