麻堡 (已結業)

麻堡簡直係我一生中最愛🥹🍔因為自己本身唔食牛肉嘅關係所以平時出去食漢堡都好少選擇，本身都對麻辣嘅嘢冇乜特別好感。但係當我第一次試咗呢度嘅麻辣雞堡之後就從此愛上。每次都會嗌多麻辣，佢本身用咗麻辣醬汁醃製雞扒令到好入味。仲要咁大塊雞扒咁大個包先至賣$38，加多$10又有嘢飲又有薯條。佢個薯條超級好食，上面有啲調味粉粉，炸得非常香脆同出邊一般嘅薯條完全冇得比。雖然我自己都好鍾意成日周圍去搵新嘢食，但係麻堡嘅吸引力令我一個月點都會食兩次。除此之外佢哋仲有其他套餐$68就有burger，幾款小食同埋嘢飲。後期先知道佢哋嘅雞翼同樣都好出色，外皮非常之香脆入面嫩滑到不得了。圖中嘅係檸檬胡椒雞翼，表皮有啲灑上調味粉，有淡淡的檸檬香同埋酸酸地可以中和炸嘢嘅油膩感。不過麻堡六月就唔再做了，以後都唔知去邊度搵返啲咁好食嘅麻辣漢堡。希望之後佢哋會開返做堂食，一定會大大力支持！

同朋友行經青山道，見呢間漢堡包外賣店好多人幫襯，埋去睇menu有芫茜安格斯&和風醬燒雞扒，未試過就各點一份食和風醬燒雞扒漢堡>漢堡包成11cm直徑幾大個，包係先烘後再煎做到外脆內鬆軟嘅效果；包體質感非常扎實帶點鹹香，包面洒滿芝麻幾唔錯。雞扒大件又厚肉份量十足，調味唔錯煎得頗香惹味，和風醬帶甜味，配料有生紅洋蔥和新鮮生菜和大片番茄芫荽安格斯牛肉漢堡>佢哋個芫荽醬做得幾清新，芫荽味出得嚟唔會太搶，可以中和肉食嘅油膩感又能襯托出牛肉味。牛肉有少少膻味、口感𡁻落有啲韌漢堡套餐跟薯條加入美式香辣粉，辣辣地幾過癮嘅特飲我揀咗紅菜頭乳酸特飲，酸酸甜甜幾好飲

之前同事提過想試下食麻堡，因為佢地有生酮漢堡，今日食晏就決定左食佢。去到舖頭細細間，只做外賣，不設堂食。門口標示每日新鮮製造，聽落都好吸引！而且佢地有好多唔同款式嘅創意漢堡，倒如小龍蝦芝士漢堡，芫荽安格斯牛肉漢堡...佢每個漢堡都可以加錢跟餐，跟餐就有薯條同汽水，仲可以另外加加十蚊要佢地嘅特調飲品/冷泡茶，選擇都好多。我地叫左蘑菇安格斯牛漢堡，墨西哥瑪雅豬肉漢堡同生酮安格斯牛漢堡。比個建議大家可以先打電話去叫左先再自取，因為老闆係即製，所以等嘅時間都會耐少少，如果唔想係咁熱嘅天氣係街等就可以咁做啦🤣蘑菇安格斯牛漢堡個牛肉食得出系手工製，因為舊肉好實吾似機整出黎會好散，牛嘅味道都重（我分開左咬舊肉），但調味方面可以稍為多小小，咁就會更好，因為佢地係會配茄膏，如果牛肉調味唔係好夠就會比蕃茄味搶左，不過成個包好足料，食落都好滿足！生酮麵包口感好有趣，係用椰子粉杏仁粉代替，食埋口會有淡淡嘅椰子味。生酮面包雖然比較貴都比較細個，但食得健康啲都係值嘅。最後墨西哥瑪雅豬肉漢堡，聽個名以為會有墨西哥嘅野火味道，但同事就話有小頭失望，因為無咩特別。

同女朋友下午茶諗住買個burger食 係門口睇緊個menu個時 個老闆娘推介呢樣個樣 禁就聽佢講嗌左個小麻堡同手工安格斯burger !到俾錢個時 個老闆娘就問要唔要轉另外兩個burger (因為個兩個係貴d)我地話唔洗 然後就問不如加餐 好啦 聽佢講加左一個餐 然後又再問要唔要加個雞粒小食 已經開始覺得煩 買個漢堡都左sell右sell！外賣黎講 等得有啲耐 應該10-15分鐘先講個小麻堡 佢係又唔麻 又唔辣 (聽個老闆娘講話食得麻辣既話可以嗌呢個 因為自家製) 係失望既 因為連譚仔10少辣都不如 再講兩個漢堡既牛 真係出事 無牛味都算 口感彈牙過魚蛋唔講都唔記得自己食緊牛堡🥲🥲 食左一半已經唔想食唯一讚既就係個包夠脆口同大塊 完！🥲

其實依間餐廳就係我公司附近，其實都睇過幾次，但睇過啲食評又唔係好敢試，今日我男朋友竟然買咗，佢今日叫咗一個芝士牛肉漢堡，牛肉漢堡係手工打造嘅，不過佢嘅口感係偏向比較多肥肉，同埋中間有啲生，由於我男朋友唔食肥肉嘅關係，佢系食都反左胃嘅咁佢就拎返去間舖頭度同佢講啦，舖頭就話重新整一份俾佢，但男朋友驚依然都係咁多肥肉所以轉咗做雞扒漢堡，一食竟然有驚喜，好食過牛肉，而且醬汁嘅味道都幾豐富，份量亦都好大，比其他漢堡包係抵食嘅加咗$10要買炸薯條同埋可樂，個炸薯條簡直就係出色啊，有啲類近麥當勞嘅扭扭薯條🍟，所以如果大家去食嗰陣記得加$10要埋炸薯條，真係好鬼正

見到OpenRice無唔like 就一於去試下。叫左蘑菇牛肉漢堡加辣雞漢堡，兩個包開出黎都幾大隻，有surprise! 但食落d真係好馬馬…首先牛肉漢堡塊牛肉真係夠厚，但…係完全無牛味！加食落都完全唔似牛肉，有點彈牙（如果係食魚蛋既話，呢個係好形容，但係食牛肉漢堡就有點怪）；另外可能太厚，塊牛肉中心都幾生地，返到家再煎多下😓食個時就雖然塊肉同個包加埋d醬係一齊食，但食落口個味道感覺係完全分開甘，加埋得一種味——鹹味，無其他味可言⋯至於辣雞漢堡食落有d似食緊酸辣粉...個人都係完全無好感，食落口d味道都係分開…唉，唔comment 甘多，總次有得揀可能會食其他😞失望

之前睇過蘋果報道這間漢堡包店，被芫荽、麻辣等字眼吸引，已好想去試，昨日無意中經過，就即興去買，順便問吓喺咪有生酮包，店員很熱心，由原來想試芫荽漢堡的我轉頭叫番生酮必食的「芝士煙肉安格斯漢堡」，是我食過好味的生酮外食，好值得推介其他麻辣漢堡、芫荽漢堡、素食漢堡都會一一嚐試。小食有人人都鍾意食的雞翼，味道選擇多，有8款之多，一定要試勻。還有，甜的飲品有水蜜桃、蝶豆花蘋果乳酸飲品，無糖的有冷萃茶，有4種口味，我試了香桃茶，桃味清香，唔造作，茶味濃郁。

見到佢有好多好創新既口味既burger，好似有麻辣雞扒漢堡、芫荽安格斯牛肉漢堡、沙爹安格斯牛肉漢堡，而家仲有生酮漢堡添！  1⃣️小麻堡（$48）去到既時候店員就好熱心咁推薦我可以試下呢款小麻飽，佢地係用自己製既麻辣醬製成架！夠曬特別😌個包攞到上手既時候都幾重手，入面既肉店員話係佢地每日人手打既，好厚肉好正！🤤個包唔係果種好鬆軟好有牛油香既包，面頭係比較脆身既，咬落比較煙韌啲。  入面既麻辣醬唔算好多好麻辣，覺得如果再多啲醬會再正啲🌶️佢既麻辣醬係麻味比較重既，食到粒粒既椒籽，比較似川式既椒麻味，好特別。入面有啲蕃茄、洋蔥咁，整體食落覺得好足料而且蕃茄唔會太生既感覺，好味啊😋  2⃣️酸椰菜沙律（跟餐+$10）加十蚊可以要酸椰菜沙律、薯條、墨西哥飯或者意粉。好少見有得食酸椰菜沙律，所以我就嗌左呢個試下🥗感覺健康啲😂份量都幾多，椰菜好爽脆好新鮮，仲有啲紅蘿蔔絲。醬汁偏稀身，酸酸地幾開胃，可以balance 翻食burger既罪惡感😗  3⃣️紅菜頭乳酸特飲（跟餐+$10）跟餐既話可以加十蚊轉個汽水做佢既特飲。紅菜頭軟算飲品感覺健康高纖😂而且好靚😍店員話全部都係自家制既👍紅菜頭既味道唔會太重令人好難接受

最近行緊低醣飲食，所以係網上搵到哩間有提供生酮包既漢堡店，但由於生酮包係限量所以琴晚就fb msg問下會唔會有，店員好快就回覆，我係冇留名留定之下今日去到，店員話我知好多人問但都堅持點都要留一個比我，聽到個一刻好滾動丫🥺下次我會打電話黎留架啦🥰生酮包要加$30，聽落好似好貴，但知道材料都唔平，所以冇問題的，反正合自己宜家想行既飲食模式.店員細心解釋因為生酮包唔會點膨脹所以比較細，個雞扒重大過佢🤣真係好正口感幾好，唔會實的的，食完重好有飽足咁忝另外重點想講個白桃冷泡烏龍茶好香好好飲，飲完會掛住酸椰菜沙律唔會太酸好味另一個係正常版麻辣雞堡同樣好味一定會再幫襯，下次試牛先😍**初時唔知係外賣店，好彩附近有商場可以拎去食🤭

店鋪：麻堡 (深水埗)地址：深水埗青山道153號地下B號舖麻堡喺位於深水埗嘅一間新開漢堡包外賣店，佢哋主打自家研發嘅麻辣醬，專程搵咗間60年嘅老字號廠去合作推出三款辣嘅程度🌶；佢哋每個月仲會推出限定漢堡😋，就例如依家推出緊嘅煙肉安格斯牛肉生酮漢堡，比你每個月過嚟都有唔同驚喜😈，而沙嗲安格斯牛肉漢堡仲已經加入咗係常駐餐牌入面喇😏麻辣芫荽雞扒漢堡 $78要試一定喺試餐廳嘅招牌麻辣雞扒漢堡，我要咗小辣，麻辣嘅程度唔會蓋咗漢堡同雞扒香；芫荽喺用咗生芫荽同人手打磨嘅芫荽醬，比你有加倍享受🤤，值得一提喺佢地嘅漢堡包充滿芝麻🥯，仲要用預熱咗嘅風爐烘箱即叫即烘，食落超香脆鬆軟，包同雞扒嘅大小都係平時出面食開嘅漢堡包1.5倍大小！極度懷疑佢哋係唔係做緊蝕本生意🤨，包你一食就會愛上👍海苔岩鹽雞翼 $28/3隻海苔粉嚟自台灣，全港獨家使用呢隻海苔粉，係出面絕對食唔到咁香濃🥇，雞翼用咗兩種唔同溫度嘅油去炸，先後蘸上薄粉同厚粉，所以食到兩層厚薄不一嘅脆皮。小店仲不惜成本加咗vodka去炸，高濃度精酒揮發過後令雞皮嘅香脆感更突出，果然每一個步驟都落足心機💕小店仲有4款特飲提供，我就揀咗蝶豆花青檸特飲，營養成分極高

建議：如果鍾意芫荽，幾值得試下芫荽系列💚最近碌芫荽黨FB 發現都多人提起麻堡既芫荽漢堡，有🐮安格斯牛揀 or 🐔麻辣雞揀。所以假期特登黎試下 舖頭係正韓式多士 Try My Bread隔離，驚漢堡唔夠食咩🤣仲可以整多份多士麻堡既Burger 加HK$10 可以轉套餐，包括：薯條/Coleslaw/ 墨西哥飯 + 罐裝汽水。另外再加多HK$10 可以轉乳酸特飲😋 今次試左：▫️芫荽安格斯牛堡 (HK$78)▪️和風醬燒雞排漢堡 (HK$78)🍔漢堡：舖頭係外賣店，所以無堂食既位置。落完單大概10分鐘就有得拎，坊間有啲舖頭一講爆荽既定價就會超貴。試完麻堡依個芫荽牛堡，味道真係唔錯。包面有好多芝麻，個Size 比平時既都大啲，質感比較實在 (食完超飽👍) 🐮牛漢堡扒 同 🐔雞扒 唔係特別juicy，不過絕對唔會乾同嚡，質素都可以接受。牛堡入面仲有芫荽青醬，唔會話太酸/奇怪味 💚 🍟薯條：拎完外賣紙袋，入面既薯條超香，可惜無得即刻堂食😋 如果唔係應該會更脆。老闆話薯條配左微辣粉，不過食落就無咩好突出既味。 如果想揀其他粉，只可以單點薯條。其他粉包括：麻辣風味，紫菜岩鹽味，黑松露味。紫菜好似幾吸引👍

Mabo Burger 麻堡小麻堡 $58Caramelized Spicy Beef Burger 黎到緊係要試佢signature burger. 佢個burger 真係勁足料大個, 包烘得外層微脆, 而佢地每朝手打製作嘅 Angus beef patty 真係唔講得笑, 係勁厚身, mixed 左適合比例嘅肥牛同瘦肉所以咬落係夠肉汁而且啖啖牛肉香味. 佢會按照request 辣度落唔同份量麻辣醬, 據說好多客反映都辣到腸到直埋. 叫左中辣嘅我表示....又好似唔多辣🤣 偏向咸香惹味. 沙嗲安格斯牛肉漢堡 $58Satay Angus Beef Burger配料同小麻堡差唔多, beef patty都係好厚同juicy, 唯一不同就係換左自己調配嘅沙嗲醬. 沙嗲醬味道好濃郁, 甜甜地好有花生香, 同埋真係食到花生粒👍雖然個醬好濃味, 但夾埋個牛肉patty同啲蔬菜, 成個味道好balance, 食完唔會覺得好膩黑松露味薯條 +$10French Friesburger 加$10可配side dishes, 份量同樣好足. 薯條炸得乾身, 食落一啲都唔油, 而且放耐左都keep到脆身

𝕊𝕊ℙ 深水埗 • 麻堡 🌶📍深水埗青山道𝟙𝟝𝟛號地下𝔹號舖➰主打手打半肥瘦安格斯漢堡，以及自家製麻辣醬，招牌必試小麻堡($𝟻𝟾)🍔，牛肉超級厚身且肉汁豐富，醬汁麻香，充滿辣勁；期間限定加入芫荽為主題，芫荽安格斯牛肉漢堡($𝟽𝟾)🌱加入牛油果醬、車打芝士和蕃茄，芫荽新鮮草青味重。套餐可加$𝟷𝟶配墨西哥飯/酸椰菜沙律/薯條及汽水，或加$𝟷𝟻雞翼兩隻（推介海苔岩鹽），飲品可加$𝟷𝟶升級小店自家特飲，蝶豆花青檸特飲酸甜解膩，紅菜頭乳酸特飲則營養價值較高。

深水埗有間漢堡包外賣店🥡用上半肥瘦安格斯牛肉🐮每日都新鮮手打製作😎而且轉套餐都係加$10😉配墨西哥飯、酸椰菜沙律或薯條🍟另外仲包一罐汽水🥤芫荽安格牛肉漢堡☘️$78身為芫荽黨嘅黨員🤓見到有芫荽漢堡，特別興奮😘真係有大量芫荽響入面🤩加上芝士同厚厚嘅安格斯漢堡扒🥳配上特別調配嘅醬汁😜漢堡充滿住濃厚嘅肉汁🥰牛味濃郁，荽味十足😋小麻堡🌶$58店員推薦咗麻辣味道嘅漢堡😉呢款口味嘅漢堡，我又真係未試過😁個醬同牛肉都幾夾，食落都真係幾過癮😚原來係用上眷村麻辣醬😎啱食嘅朋友，仲可以成樽買返屋企𠻹😌紅菜頭乳酸特飲🍹$26呢個飲味非常有驚喜🤩紅菜頭味道唔算好重🤓因為加上乳酸，所以好易入口😍我覺得真係好好飲，值得一試😚麻堡 (深水埗)深水埗青山道153號地下B號舖

見佢新開想試吓，店員好有禮貌每款包加$10有薯條同一罐汽水，加$15有雞翼。叫咗個芝士安格斯同磨菇安格斯，加兩份薯條同雞翼，雞翼有六款口味，我揀咗蜜糖芥末同水牛城雞翼。埋單$174算幾抵薯條同雞翼熱辣辣好新鮮，個人鐘意蜜糖芥末多好多，佢個水牛城得個咸同辣，但佢啲雞翼都好大隻，同埋淋好多汁個薯條無比茄汁就咁食有啲淡，好彩雞翼多汁，用嚟點蜜糖芥末醬簡直一流！最大期望係個包、但比預期差，個包好大個，但個包皮有啲硬同埋唔夠熱，個牛肉唔係好夠味，但整體嚟講可以接受同埋都會再encore