麻辣川米線

营业中

休息中

近排天氣又濕又凍咁，落雨落到痴左線，真係好煩！咁話晒都係假期，就梗係點都要出去食吓野先安落喇！而我本人就最LIKE食辣，於是就同捉左妹子走左去食麻辣川~ 因為之前經過已經好想食，今日有時間就梗要gogogo喇~~~睇咗下個menu，除咗有麻辣鍋同米線食之外，仲有好多燒烤小食，齋雞亦就已經有4種唔同嘅口味啦，而我地就叫左個干鍋餐，好期待呀！！！羊腩干鍋，要咗微辣，曬乾嘅辣椒鋪滿成個鍋，食材豐富，羊腩、支竹都有好多！！好夠味吖。驚著辣嘅話最好點翻杯豆漿啦，我就係用呢個方法！順帶講吓個豆漿好有豆香又濃郁又滑口，真係世界級正呀！

雖然天氣已經逐漸變暖啦，不過都喺阻擋唔到我地要食辣嘢嘅決心。對於我地呢啲重口味嘅人嚟講，食辣喺唔分四季嘅，無論咩時間，咩地點，只要想食就會去食！麻辣川米線就係最近發現嘅一間好店啦，睇咗下餐牌，鍋底嘅辣度有好多種，最低嘅喺小小辣，最勁喺大辣。干鍋嘅鍋料可以自己自由搭配。我地兩個人就點咗個麻辣干鍋，入面有冬旬、油豆卜、肥牛同小粟米；料真係夠豐富啦，滿滿一鍋，好似就快要滿出嚟啦，辣味非常入味，凈喺望著都已經流曬口水啦。加埋仲點咗豆漿同凍檸茶，隨時準備解辣用；豆漿香滑，凍檸茶酸甜可口另外仲單點一份燒蜜汁豬頸肉，燒得好香，而且食落一啲都唔油膩，啖啖都喺肉，幸福吖！！！~~

同同事一齊做野加班OT遲咗收工，費事翻屋企食出前一丁，佢就話不如去附近食個粉，我話可以喔，反正都夜，於是就去左公司附近既呢間食店食D野先返屋企來到過左飯市，已經無需要等位，我就比較鐘意無甘多人。可以坐耐D，如果好多人，我就想食完走，太吵了。原本我係諗住食個粉就算嘅，但係同事就話不如唔好食粉食干鍋同小食，所以就叫左呢碟燒烤三拼，貌似唔錯，甘反正都係餓，我覺得幾好食，裡面有蜜汁豬頸肉、香草雞翼、燒汁豬扒，每種都無同風味；豬頭肉嫩滑，甜甜地滑滑的，豬扒就分量多，好嚼頭，豬扒都是新鮮，香草雞翼就全部都有香草，睇佢烤得好似有少少焦，但係食落又唔覺，有D香草味道都好清，雞肉夠滑！我地2個都好鐘意食辣野，所以仲叫埋呢個麻椒黑草羊腩幹鍋，係招牌菜黎，麻椒不會好辣，更偏向麻辣，川味十足，好多肉，羊腩都炆得好霖，分量多，配料都好豐富，加埋秘制香料，食落齒頰留香，唔會好辣，一般廣東人都可以接受得到！可能本身都餓緊，所以覺得特別好味！下次可以再來食過，今餐滿足而歸！！

以前成日同同事去深水埗嘅e間分店食米線嘎，不過嚟葵芳哩邊哩間食都係第一次！以前一啲都唔鐘意食米線，不過e間啲嘢真係好正，所以食過翻尋味吖！不過今日嚟就唔喺食米線咁簡單啦，仲要試下米線以外嘅其他野。餐廳內燈線十足，人都幾多下。一份花雕雞亦，我地兩個人一人share兩隻就已經夠曬啦，雞亦都幾大隻，而且一份先28蚊，唔貴吖！雞亦放咗燒汁去燒，所以食落好香燒汁味，肉質嫩得嚟，又有汁，正！再黎就係米線大雜燴！我要咗一份唔辣嘅，最近喉嚨痛唔敢食辣嘢。米線入面有雞絲、黑木耳、椰交、金菇、溏心蛋….一碗米線一個人根本食唔曬吖，兩個人先搞得掂。咁大一碗56蚊咋！同埋我地仲叫左個好特別嘅“紫檀花雕酒浸糖心蛋”，啲蛋喺用花雕酒浸泡過嘅，所以有好香花香同酒香味，再加上糖心蛋獨特嘅味道，食食下都好似要醉啦哈哈哈哈哈。

朝早11點幾起身，睇咗下都差唔多到飯點啦，又仲未食早餐，就約埋隔離吖欣落樓下米線店食brunch。一入門口就可以見到一張手寫嘅推介紙，諗住下次再嚟食嘅時候一定要叫多幾個人一齊嚟同我食個雞鍋。一大早起身連杯水都無飲，所以點兩杯豆漿潤下喉嚨先。豆漿熱辣辣，香甜絲滑，而且啲渣都隔得好乾淨。因為兩款雞亦都好想試，兩種都點咗，一款喺香草雞亦、一款喺花雕雞亦。香草雞亦喺花雕雞亦嘅基礎上，加咗好多香草喺上面，味道好清新。輪到今日嘅主角——雞絲溏心蛋米線啦，哩度米線嘅湯底有雞湯同酸辣嘅可以揀，齋麻辣就有六個level，我要咗小麻辣。雞肉啖啖嫩口，仲有好香腐乳味。

今日嚟麻辣川，就喺為咗食辣而嚟嘅！！我同Kay兩個都係鐘意食辣之人，食得辣之人，所以就放大個膽去點一個麻辣干鍋同一個黑草羊南件干鍋啦。食到後面我真係好佩服我地兩個可以清曬盤。干鍋上嚟嘅時候，真係見到都流曬口水吖，齋辣椒都已經有10幾條啦，好興奮吖！！！麻辣干鍋凈喺叫佢小小辣，已經咁大陣仗啦！！入面有白蘿蔔、紅薯粉同肥牛。辣味已經完全滲曬入啲蘿蔔同薯粉到啦，蘿蔔煲得好淋，肥牛依然好嫩。為咗保險啲，都係點翻兩杯青蘋果汁特飲準備下先，必要時刻嚟一啖。好香嘅蘋果味+青檸味，酸甜可口。辣味已經滲曬入羊肉嘅每一個位置，食落口又香又麻又辣，不過肉質依然可以保持到咁鮮美，真係難得。最後兩個人將成個鍋都清曬啦，咁大一鍋，材料咁豐富，加買特飲兩個人用咗223蚊，人均110左右，抵食！

朋友話，食大餐就要同條仔食，食街邊小食就要同死黨咁即係中左六合彩都唔使指意請我食大餐啦......所以佢今日就帶左我去佢自己想去食，但係又唔會同男朋友食嘅辣辣米線平時呢間野都係排晒長龍，所以我地2條友之前都食左D蛋糕咁，入去前佢好大方咁話請我食，咁我梗無所謂滷水拼盤(金錢肚、腎片、豬大腸)我最鐘意就系食拼盤啦，因為裡面咩都有，金錢肚爽，腎片爽口，大腸滑得來都系爽口，入味而且好淋，小小辣但係又唔過分，鹵水味好正宗，分量都好多下，夠曬食喇~~食辣野，一定要飲凍野先過癮，整翻杯凍朱古力，冰下透心涼。又可以繼續食過辣野。朋友就要豆漿，佢話呢排戒凍野飲喎~兩個人就系圍住盤野食下吹下水，環境都算OK，可以傾到計。最緊要，最緊要，最緊要，就係好抵食啦梗係~~~

今日同購友一齊行葵芳，順便去食好野。 知道開左間麻辣川米線，喜歡吃米線的我就同朋友去左麻辣川米線試下。 🍜招牌大窩雞湯米線（$59） 🌶麻酸辣湯底（+$2） 不設加餸配料有：鮮雞絲🐔、滷猪大腸🐽、滷猪腩肉🐷、蘿蔔、甜酸菜🌿、腐皮、炸菜粒🍃、生菜、芽菜、韮菜、魚蛋🍡 🍼送豆漿一杯 另外點了個🌶四川干鍋🍲 🍲🌶麻椒中辣（$28） 鍋底有麻椒、酸辣、辛香辣選擇。 鍋底選了招牌的麻椒口味，用上多款香料和隻隻飽滿的紅辣椒炒製而成，不同辣度有不同收費。 每個干鍋最少4款至最多10款配料起炒，食物吸收了香料味道，非常好吃！ 🐥雞腎片（$25） 🐄黑柏葉（$38） 🌱木耳絲（$16） 🌿蕃薯苗（$14） 🍃唐生菜（$14） 🍜紅薯珍珠粉（$14）干鍋選配素菜味道超好，一定要選多幾份啊！ 另外選配紅薯珍珠粉也非常吸味啊！ 店內有紙巾提供，非常細心，吃辣很容影吃到滿面油脂且紅卜卜的。

見呢間有麻椒湯底， 即刻試左， 我揀左「最少辣」結果一d 都唔辣==， 建議可由「少少辣」去試！ 米線的確好入味， 呢樣好緊要，另外胡椒味好出！！另外點左香草雞翼， 的確用左勁多香草， 但覺得唔入味， 香草有d苦苦地，整體來講雞翼淡左點！ 同埋會食到滿咀，牙縫都係香草， 同心儀對象撐台腳就要注意喇！另外都試左糖心蛋， 有淡淡既中藥，濃烈既酒味！本人好鍾意食蛋，但呢個配搭唔夾！女友叫左白羅白， 比足六舊你， 夠甜！！全間店都新淨企理，好多小菜都想試，可以再來！

是日需到葵芳一趟，平日都只會在新都會，葵廣尋吃，不過是日興起，決定到附近嘗鮮去。麻辣川是友人間口碑不錯的食店。吃個獨行快食，米線是不錯的選擇～有面壁位，獨行食飯不搭枱，不錯！酸辣底配蘿蔔豬腸花鵰蛋米線。素聞花鵰蛋有名，是糖心的，濃濃的花鵰浸得透徹，心心眼！酒醉食品是我喜歡的一道菜，這間做得很不錯！蘿蔔就失色了⋯不入味之餘，帶點生蘿蔔的青味。酸辣湯底初上桌超熱時辣得嗆喉⋯後來涼了一點倒是也還好～不過，為了花鵰蛋，會再來的！

麻辣酸辣米線已變成港人的至愛，就連日本飲食集團也大手筆來收購香港米線連鎖店。的的確確出名的連鎖米線店有一定的水準，但吃慣了偶然也想試試其他的小店。在葵芳大球場附近，我同朋友發現了這間吃米線的新店子。不清楚是何時開的，但那門面裝潢及所介紹的菜式已令我們要內進試試啊。晚上九時多的時間小店內人不算多，空間比想像中大，坐位也寬敞。當然那多樣化的菜牌也很吸引。肚子餓了，想吃的東西也多…………“麻煩先來杯熱檸茶及凍奶茶吖“！…………看到那特別的杯子當然感覺良好。可是那奶茶真的十分十分甜，是特意想給人解辣嗎？*酸辣豬潤米線 ~ 本以為小辣算是中等辣，因對下有最小辣同小小辣，對上有中小辣，中辣及大辣，點知小辣原全不辣。豬潤也偏熟偏硬了。放湯的配菜也不多。* 麻酸辣米線 ~ 同為小辣湯加了腐皮，大腸，八爪魚及豬軟骨。整體附湯配菜小，湯不辣又帶點甜很奇怪。豬軟骨肉炆得算淋但軟骨還很硬吃不下。* 蕃薯苗 ~ 不是到處有麵店提供蕃薯苗，裡還可有多種醬汁選擇，我們揀了腐乳汁，可是汁很濃稠及甜，無腐乳的咸及香味，遜色了！* 燒烤三拼 ~ 內否豬頸肉，雞亦及豬扒。先說說豬頸肉，肉質似梅頭义燒，而肉本身調味不夠只有蜜

有推介說呢間米線唔錯，既然屋企唔煮飯，就試下呢間米線如何。位置都容易搵，葵涌廣場行三四分鐘便到，舖面舒適乾淨，而且座位都寬闊。餸菜款式都多，但見有9蚊一個餸說有點貴。最後點了麻椒湯底配木耳同糖心蛋。糖心蛋真的很糖心，有淡淡既酒味，唔錯。木耳爽口而且都挺多，配搭住較軟身既米線，口感很好。而湯底沒有大遍既紅油來增加辣度，感覺真的用辣椒煲的湯底，比起譚仔係唔錯既。總括而言：如果行開葵芳，唔想食譚仔同小雨天米線，呢間都系一個好既選擇。

美味糧尾之選@麻辣川米線 和好姐妹見面，在葵涌廣場血拚後找地方醫肚。喜歡食辣的我們上OPENRICE在川菜店找到麻辣川米線這間小店，食物頗具特式，而且非常便宜，喜歡辣的朋友千萬別錯過！ 小店就位於葵芳信芳街，就在葵涌廣場對面的球場附近 平日的晚上人不太多，小店冷氣強勁，服務員姐姐非常熱情 這個套餐應該是這裡的皇牌，我眼見店內人人都點了這一個 還有大量川式小食，最重要是幾十元就有交易，份量不會很大碟。人少想食多幾款都可以～ 還有四川干鍋供應！！！！我在香港暫時未找到！可是友人不想食，唯有下次再來試啦 辣度有好多種不同程度，平時在其他米線店食到中辣的，在這裡就點上大辣吧，其實也不是很辣 燒烤三拼＄５５，食肉獸必點的呢，包括了豬頸肉，雞翼和豬扒，而雞翼更有幾種口味去選擇烤燒蜜糖雞翼，烤燒香草雞翼或者麻椒味 我選了麻椒味雞翼，非常入味，食起來很有川燒風味。 即叫即燒，熱辣辣！而豬扒也很鬆化入味，食起來陣陣炭火香氣，食落又夾帶著濃郁的肉香 而最美味就是烤豬頸肉， 豬頸肉的質感很嫩滑，很爽口，肥瘦均勻，吃完一件，忍不住口又想再吃！而且很入味，又不會死咸！肉質帶著大量肉汁一點也不

夏天將至，係時候換季了。女人永遠都係貪心少少，明明成櫃衫褲鞋襪，都要買番幾件換一下。葵芳廣場有平有貴，潮流集中地之一，購物之餘不忘醫肚先，友人帶路去了附近的一間米線專門店。店內裝潢紅紅綠綠，有別於一般的米線店，潮潮地。我比較貪心，選了五款餸，粟米粒，竹筍，牛腩，蘿蔔和金菇。湯底是酸辣，味道剛好，不太酸不太辣。粟米粒相信是新鮮的一棵摘出來的，漲卜卜，好鮮甜有口感。牛腩尚算軟腍。蘿蔔可能季節關係，有渣不太入味。另外點了一碟醉酒雞翼，表面煎過。酒味不太濃烈。最重要沒有雪藏味。

昨晚屋企冇煮飯,哥哥話葵芳足球場對面有間米線都幾好味.我哥哥好鍾意食麵,食過唔少間店舖,所以佢話好味應該都唔差,今晚既晚餐就決定食呢間.哥哥指定要麻椒米線配小小辣+豬面肉,金菇.我同媽媽就要清雞湯+豬腩肉,金菇,甜酸菜.清雞湯米線:睇到佢地寫明"不落雞湯粒",心裡即時讚賞呢間店,因為大家既理念一樣,拒絕"扮天然味道既味精雞湯".食米線前先飲一啖湯底,我好鍾意呀,湯底清甜,唔同出面既味精湯底.而且可能加了甜酸菜,湯底仲有少少酸甜既味道.餸菜方面,豬腩肉同金菇係正常,但好想推介甜酸菜,同連鎖店米線的味道是不同的,不會太酸,而且切成大粒,食落方便.推介.麻椒米線:我同媽咪試了少少,只不過是小小辣,但辣到不斷咳.不過味道都幾香,哈哈