影片
铜锣湾真系选择太多，对我依d有选择困难症既人真系身处在一片混乱之中⋯⋯今晚就试下依间麻辣派对，我系一个唔系好食得辣嘅人，所以小辣对我来讲已经系极限，3个人点咗4样野，生肠、咕噜肉、四季豆&鸡煲生肠系非常之好食嘅，唔算好辣，非常之爽口，虽然依d内脏食物一定经过加工，但学蔡澜话斋间唔中食下帽事嘅咕噜肉系我至爱，亦都系我试一间新餐厅嘅指定菜式（如有的话）往往睇吓佢咕噜肉好唔好食黎做指标，佢嘅咕噜肉算系唔错，用咗酸姜炒，我觉得加埋菠萝会更好四季豆小小小辣啱哂我，炒得唔太油，好食鸡煲算系今餐既主菜，叫咗小辣，但系因为有火滚住既关系，越食越辣，最后我系辣到个头都痕⋯⋯依个时候女经理比咗3杯桂花糕我地解辣，食咗又真系解到㖞
继续阅读
之前同男友去完大陆，食完探鱼后话几正想再食，我话其实香港都有架，就揾左呢间麻辣派对佢试一入到去个格局都几似探鱼，暗暗地几好FEEL，同埋入到去阵麻辣味已经搞到流哂口水，即刻坐低叫野食。我地叫左个二人餐，有一个小食一个小菜一个主菜两杯野饮加甜品，几抵。小食我地叫左口水鸡，麻麻地唔算好辣，啲鸡好滑身爽口，身量都多，一人搞到五六旧，平时食口水鸡得好少今次可以狂食！小菜就叫左个干扁四季豆，炒得好干身，四季豆爽口清甜，食完口水鸡岩哂，中和返。到主菜啦，成日听人讲酸菜鱼好食，今次到我地试下，果然OK！酸菜汤更加突出到鱼既鲜甜，同埋佢地个鱼叫黑鱼，肉质又滑又弹牙，份量都好多，我地几乎食唔哂，真系好爽系咁食。野饮就一人一大杯水果茶，清清地饮完都无乜罪恶感。最后就食埋甜品桂花冰粉，侍应话食黎解辣㖞，都真系几WORK呢间味道好份量多又唔算好贵，一定会再黎食下其他！
继续阅读
同同事满心期待紧揾到呢间辣嘢食谂住好开心啦，入到去阴暗嘅环境影令到我哋一啲期待嘅感觉都唔再有。门口呢句野⋯⋯well.....叫咗个酸菜鱼水煮鱼，酸菜鱼真系令我哋大吃一惊，酸菜冇酸菜味，完全唔知佢用啲咩色素化学剂去令到啲鱼都可以变到萤光绿色咁；再黎个水煮鱼成层油系面，人哋啲水煮鱼啖啖肉，佢就用一啲鱼粹咁嘅嘢，完全揾唔到一个完整嘅鱼肉，其实70几蚊一个set真系会饱咩？豆所谓全餐最好食嘅系个口水鸡，点解好食系因为佢个汁有甜味，而唔系得个油字，虽然啲鸡其实又硬又多骨，而且份量根本冇可能食得饱一个人，不过算啦⋯⋯成餐饭最过分系个辣子鸡，成兜都系辣椒，啲鸡炸好似鸡皮干咁，究竟我食紧咩呢？啲肉呢？仲有呢个甜品：冰粉，我真系好想知佢个制作方法，点解可以将啲冰粉搞到唔水又唔凝结咁，其实出边食𠮶啲冰粉都系啫喱状咁啦，但系佢呢度系好似未雪冻咁样嘅状态，食咗啖真系⋯⋯感觉唔良好。
继续阅读
麻辣派对上次同朋友去咗铜锣湾间麻辣派对度食四川野😛😛😛 之前已经有系open rice个排行榜度见过呢间四川野 睇相都几吸引 就约朋友去试一试一去到俾佢个环境吓亲 同我想像中嘅四川餐厅一啲都唔同 唔讲以为去咗西餐厅 果度环境好暗 好有情调 好浪漫咁 哈哈😂坐低咗我地就睇下餐牌 都好多选择 例如系有凉菜 小炒 香锅 仲有米线 佢啲香锅都几大揾 我哋仲见到隔离枱个女仔自己一个食一大兜 真系好犀利😂😂😂最后我地叫咗个水煮鱼加埋个水晶粉 鱼我哋就拣咗剥皮鱼 一嚟到就觉得好香啦！超大 仲担心两个人食唔食得晒 点知越食越滋味 觉得唔够食添😛仲有啲 芽菜 酸菜 豆卜 啊 等等嘅配料 觉得唔够嘅可以再追加其他配料 都好多选择㗎 例如系肉类牛肉羊肉鸡肉等等 蔬菜啊 娃娃菜 土豆 各种嘅菇类呀都有😍另外我哋仲叫咗个四季豆 都炒得好香 好入味 份量都系啱啱好👍🏻 两个人食其实都真系好够😋 四季豆系食川菜必叫㗎 又平又好食 亦都可以显示到呢间川菜餐厅嘅功力 麻辣派对嘅四季豆就炒得唔错 嘅不过又未话好好食 都好够淋 我最怕啲食个啲好尔后好似未熟咁 真系谂起都唔开胃最后餐厅仲有个个小甜品送😃 系桂花糕啊 仲好靓咁用个玻璃杯装住 食落唔会太甜 好清新 要嚟解辣一流😆另外啲店员服务都几好 会问下我地对食物嘅意见 好重视顾客嘅需求啊👍🏻最后埋单$367 系旺区嚟讲呢个价钱都算合理 环境又唔错 坐得舒适 下次都会拣同朋友再嚟😚
继续阅读
店舖位于铜锣湾渣甸中心，位于地铁站附近，地点算是非常方便。但来过渣甸中心的朋友都应该知道，在晚饭时段，是有10分多食客到这里的餐厅吃饭，所以楼下的升降机要排队。一般而言在繁忙时间，估计排10到20分钟。餐厅一般需要预约，以免要摸门钉。我们一行四人在收工后前往用餐，这已是我们第三次来这家餐厅。餐厅以四川菜为主打，辣度可自行选择大中小。暴推介的就是铜盘金椒脆鱼，首先辣味非常有层次，而且鱼肉选用脆肉鲩。口感非常有层次。
继续阅读