麻辣王

营业中

休息中

因為SALLY推介, 對這家麻辣也有一定好奇。一個人閒晃的晚上, 吃過半碗魚粥, 再吃一支麻辣肥牛及兩條鴨舌(要求買兩條鴨舌的本人也有點汗顏, 但小姐也讓我要兩條, 服務是高分的)。東西是一串串, 再放落麻辣汁中, 滾幾滾奉客。麻辣肥牛是牛腩位, 少少肥, 十多元一串5粒。初時睇副尊容, 覺得只會吃兩口, 最後卻是愈吃愈想吃, 是腩不可以貌相也! 當然加上表面的麻辣汁是不錯的。鴨舌是滷得入味, 加埋magic of 麻辣, 後悔只買了兩支。遲d會試埋口水雞及豬腳仔!

星期六又經過佐敦, 買左好多外賣返屋企食.口水雞半隻 : 雞算滑, 但無乜雞味. 汁料另上, 但汁料唔係太岩口味.麻辣牛肉料及鴨舌: 唔會太辣, 牛肉有點點兒硬, 但肉味不太差. 而鴨舌好入味.海帶絲: 夠辣又爽, 仲好香蒜味.

琴日同朋友係佐敦食lunch, 經過此店, 忍唔住買左$12/14隻既泡椒雞亦尖返屋企食.夜晩食飯時係雪櫃拎番d雞亦尖出0黎加餸, d雞亦尖對我0黎講唔算太辣, 但皮好爽, 亦好入味, 而辣味只係維持係口腔, 唔會落到胃, 所以食多多都唔怕.下次要試下口水雞.

看過OR的食友對這店的食物的評價,喜歡辣的我,那裡忍得住口.下午順路經過, 忽然醒起這店,未到己經離遠聞到花椒的香味.店子很小,只有數十呎,所以只有外賣.卤水食物已經一盤盤的擺出來,分開麻辣和酸辣,品種其實不太多,有豬手,鳯爪,鴨腎,魚旦,亦尖等.價錢一般,約莫十二元一樣.還有白切走地雞,個子很小,要五十元半只.阿姐說汁是辣的.叫了六件豬手,二只鴨腎,十粒魚旦,埋單六十二元.阿姐把鴨腎切片後,分別把各類浸入汁液中才入盒,而不是像其他的店用汁淋上便算.旁邊的女客要把酸辣和麻辣的食物放在一盒阿姐也不答應,可見對食物和出品的堅持.回家急不及待試味,發覺各種食物的軟腍度適中,入味,麻辣調校得到家,高手也.雖然有味精,亦在可接受程度內.吃完灌一大杯冰水,真痛快.

經常路過這間在白加士街的麻辣小店,今次終於停下腳步,在正餐之前來一碗.又算不算叫"爬梯"?友人未想到正餐吃什麼,我懶理:{比一碗粉時間你諗!},本來想吃酸辣涼粉,可惜已賣光.問:{仲有咩粉呀?}店員:{要碗酸辣粉啦!}位都無個,要企在門口吃.沒有講明要幾辣,小試一口湯底,酸辣有勁.粉條同酸辣味水乳交融,很快"雪"晒入口.麻辣是用來產生快感,酸辣的作用是來開胃.本來狀態麻麻的一夜,胃口突然大開.

2007年N月N日x N次2008年8月8日奧運開幕日南下，皇崗口岸出奇的少人。在佐敦下車，到麻辣王吃魚蛋是指定動作。魚蛋仍是那麼爽彈。醬汁仍是勁辣和極麻。單看那鍋醬汁賣相，毫無而問要來一串。亦曾試過這店的擔擔麵，麵底不感恭維。其他麻辣、勁辣少食應可一試。最後還要說句，專兄：多謝推介。題外話：北京奧運終於開始了，但願能平安順利結束，主佑。

出荃灣前黎左佐敦既商務買書買完梗係要過對面食返串魚蛋啦 !今次 d 魚蛋冇上次咁腍爽左，好味左好多 !!!結果食完一串要再食第二串過癮 !另外今次仲試左鴨舌冇我想像中咁爽啦，較腍同唔夠辣見到有豬手下次去試下先得 !!!

因為尋晚想食麻同辣嘢，所以去咗雲貴川...買外賣，見又近近哋，咪行埋去麻辣王買啲我好掛住嘅泡椒食品，雞翼尖、雞腳同豬手各一客....又酸又辣...而且樣樣口感QQ，一啲都唔硬......好~~~~味~~~~呀~~~~!!!!!

睇就睇得多，今日特登走去食麻辣魚蛋可能時間尚早，個阿姨都同我地講可能未夠入味不過食落 ............第一粒 ........ 麻而唔係太辣 第二粒 ........ 好辣 ! 第三粒 ........ 好好好好好好好辣呀 !!!!!!!!!! 爽呀 !

麻辣魚蛋~ 唔錯呀, 夠辣, 啱哂我呢d最鍾意食辣既人不過欠了少許彈牙~

麻辣魚蛋，今天剛巧經過，便試了一串。那鍋麻辣湯和發大了的魚蛋，像模像樣。入口真的很麻辣，但沒有香.I went to drink some cold coconut milk after =.=But 那辣味並沒有滲入魚蛋內那魚蛋已因為浸泡過久而發大，完全沒有彈性，也沒有魚味！ =.= So if you go to this fishball, you go for 辣, not the 魚味.It is not that cheap la.. =.= 7 bucks for 5.

經過呢頭諗住搵下~見佢食評唔錯~又想試下有既麻辣!就去買左少少,順便買返屋企做消夜!鴨舌----太細條,同得好少少既辣味....唔係好得!麻辣海帶---算幾抵食...可惜本人覺得過咸~泡椒雞翼尖---呢個算似d 樣,但雪凍食仲正!同埋算係抵食!!有成14隻~除左呢三樣外賣~當然唔少得個佢煲齋睇賣相巳經好嚇人既麻辣魚蛋啦~食第二粒巳經麻左絛脷喇~但真係得個麻字囉~冇魚味又唔彈牙~可能浸得太耐啦~

朋友愛吃勁辣魚蛋，今天剛巧經過，便試了一串。那鍋辣湯和發大了的魚蛋，像模像樣。入口真的很辣，但只有一味的辣，沒有了麻辣應有的香，就像一般勁辣魚蛋的辣而已，沒甚特別。而那辣味並沒有滲入魚蛋內－－奇怪的是，那魚蛋已因為浸泡過久而發大，完全沒有彈性，也沒有魚味，說不上好呢！

收工相約友人飲杯野再去佐敦食飯，今次特地介紹這嗜辣的老哥到我上次食到爆炸的"麻辣王"試下﹗麻辣魚旦，見到0個0的汁我都真係唔多敢食﹗粒粒都黐住0的辣椒，真係痴線的﹗試左一粒，入口麻痺，其辣又不是好似食左辣椒油既辛痛感覺，而係麻住覺得辣不過又未至於一定要飲水0個隻，條脷好似一時三刻無左知覺似的，友人說呢0的就係麻辣喇﹗他大呼過癮話我無介紹錯，仲話要捉拿佢不吃辣的女朋友來呢度做訓練﹗

早幾日一條友又餓餓地, 咁啱行開呢度, 見到呢間食店, 決定黎個快食!行到埋去都幾多人, 等左一陣就要左串麻辣魚蛋, 麻辣魚蛋一串有五粒, 魚蛋唔算彈牙, 不過就好鬼入味, 當師傅食第一粒時, 仲覺得佢流流地, 因為一d都唔覺得佢辣; 但當食到第三粒時就發覺不妙, 因為師傅已經感覺到咀唇開始麻痺, 而口腔相對覺得辣, 都幾麻添; 食到第五粒時真係覺得幾辣, 不過師傅食晒後竟然有少少上癮, 好想再買多串, 皆因呢串魚蛋辣得好鬼過癮!總括而言麻辣係相當出色, 服務態度都幾好, 其間亦發生少少趣事, 就係話說師傅我冇細鈔, 於是就比一張紅底佢找, 點知佢找番八十九蚊, 師傅就心諗十一蚊一串麻辣魚蛋, 你唔好貴d, 唔通食左會飛 ? 正當師傅猶豫之際, 個服務員好大聲話找錯錢, 原來係七蚊串, 咁都冇咁驚! 夠膽死叫自己做麻辣王果然有料到, 下次都會再幫襯!