麻酸辣

营业中

休息中

叫咗麻酸辣湯底少少辣，米線屬於偏淋嗰種，碗米線面頭有層油鯨鯨地嘅，有啲恐怖😆😆食到一半，我要問佢攞個碗仔撇走啲油先可以繼續食到落去，大腸幾好味，但豬頸肉冇味所有米線粉麵飯配凍/熱飲加$4

湯麵的麻係我食過好多間麻辣米線中最麻的。辣度亦係比其他店辣。我係譚仔食中辣，呢度就係小辣。配菜都有味。不過要留意餐單上的價錢好似好耐無更新，我點根據餐單計最後埋單都係貴D.

雖然在屯門有幾間分店，但一直都沒有吃過，今日經過就試一試吧！自選餸的米線套餐我喜歡這間店可以選擇不同的麵底，有米線、米粉、紅薯粉等。我選擇了麻辣肉碎湯底和燕餃。湯底其實所有都一樣，只不過再加配料！不過麻辣碎肉頗適合冬天吃，燕餃是長條形，味道跟魚皮餃差不多，普通！不過米粉份量剛好，多蔥和芽菜，就是少了酸菜，感覺不像樣！不過以$35來說，這個價錢現在在餐廳吃飯已經算值得了！

今日想食下午茶，行黎行去都唔知去邊好，老公又唔想去咁遠，咁就過置樂睇下有乜食。咁岩見到麻酸樂入面無乜人就入去食，$38皇牌推介-迷你手撕雞撈紅薯粉配上麻香醬，食唔到辣嘅揀麻香醬的確幾好，唔辣又幾好味，不過雞絲略少醬汁都較少，可能辣味會岀色啲，另外仲有三個免費小食，其他嗰啲都係加$2-$9，我就揀咗川椒皮蛋豆腐，味道一般，我唔喜歡個醬嘅味！有杯凍嘅綠茶飲+2，$40就落到樓算ok!如果唔想等位又想hea下，下次都會再黎食!!

麻酸辣湯底米線 HKD29 + 豬頸肉 HKD 6；不專業評級：5/10試左啖夠麻👍🏻 唔錯 其他野就無咩特別驚喜 值得一讚既係啲豬頸肉 有8-9塊 比預期的多😂.涼拌酸辣紅薯粉 HKD29；不專業評級：5.5/10一開始食的時候 覺得個味好淡🤷🏻‍♀️ 嗌左中辣唔夠辣 要加辣🙉 酸又唔係好夠酸 配料亦都唔多 紅薯粉亦都唔係我期待戈隻好似毛毛蟲🐛樣 好失望😭但失望都要繼續食 後來食食下發現會愈泥愈酸 變得好食左🤤.涼拌酸不辣米線 HKD29 + 2隻韭菜餃 HKD6配料同味道就唔再多講 韭菜餃正正常常 但一上台已經有1隻爛左😭😭.推薦度🌕🌕🌕🌕🌕（滿分十個🌕）

叫左腩肉雞翼酸辣米線, 中辣, 食落去第一下的辣可以接受, 但跟住就KEEP住在舌頭上, 悠久不散, 對我唔食得辣的人來講, 都幾辣。辣中再點酸, 我中意酸辣, 再酸D 更好。腩肉好肥, 唔係我杯茶, 雞翼正常。BTW, 大大碗幾抵。另叫左煎餃, 才十幾蚊, 已經包左2款共6隻餃子 。一款係椰菜豬肉, 一款係九菜。九菜餃太咸了, 但煎得夠脆夠乾身。入面無肉的, 我覺得全九菜有D怪。 椰菜豬肉好食, 味道剛好, 但煎得好林, 唔脆, 濕濕地。

熱香米線，更愛薯粉既我，今日係屯門試一間新店，街坊裝修，平民價錢，感覺好一般。入到去見到菜單，唔單止有米線，更有扒飯，仲有餃子，比想像中多選擇。豬頸肉薄身，有6-8塊，數量都足夠，湯底一上桌見到好厚一層油在面，以為食落口會好肥膩，但原來都唔會。小辣：辣度及麻度都有少許，如食到譚仔3至4辣或嗜辣者，建議可叫中辣。薯粉需另加$2，但有驚喜，係超幼身的薯粉，硬度適中，好似粉絲，咬落好有口感本以為炸醬撈會比較奇怪，但李公子一試就不停讚好，炸醬夠多，夠味，只可惜唔夠辣，但可自行加辣油，而辣油都好香，牛丸彈牙，有啲似係手打果隻，再一次有驚喜沒有期望，就沒有失望，更有驚喜，雖然亳無裝修，但係的確可一試！