黑瀧太郎

营业中

休息中

夜晚想飲肥仔水，經過時見到呢間有好多款揀，企係門外睇個陣店主仲主動俾menu+拎嘢飲個陣送埋爆谷tim ～超級好人🙈🙈而且百香雙重陣味道甜而不膩，真係超級超級推薦！！！！！！😼😼

我計劃嘗試元朗區所有台式的飲品店, 今天就嚐試了黑瀧太郎。我點了芒果Q果和蜜柑柚子蜜, 兩款都令我印象深刻。芒果Q果入口即溶, 濃郁甜蜜, 柚子蜜柑酸甜度適中 。另外店員用心介紹不同的飲品,  就是這一點, 而足夠令我下次再來品嚐其他款式的飲品呢. 真的值得稱讚 ! 

西米露通常都係用匙更食，黑瀧太郎就做到可以用杯飲，可以拎上手直接飲真係非常咁方便！喺黑瀧太郎叫咗呢杯火龍果西米露，而我都要求咗少甜。飲落有好香嘅椰汁香味，而且少甜都唔會做到好甜；食到下面嘅西米都好多，口感唔會係煮到爛嗰隻，仲有啲嚼口；中間都有啲紅肉火龍果嘅果肉，啲肉都算甜，啲火龍果籽都增添咗唔少口感。成杯飲品都唔錯，各樣嘢都夾嘅，而且唔會太過多冰（我冇叫少冰），唔會飲到最後好淡，都幾唔錯。價錢適中，份量算大。不錯！

喺元朗行到熱，想飲杯茶解吓渴，見到大馬路邊有呢間舖，就去買杯「一顆檸檬綠」，加椰果，而我就再少冰少甜。🤤🤤🤤🤤🤤🤤 一顆檸檬綠，入面真係有一整粒檸檬！所以檸檬味都非常香，再少甜，嗰種酸嘅感覺真係非常正！🤤🤤🤤🤤🤤🤤綠茶個味好香，飲落都覺得係真材實料。不過係因為有成粒檸檬，同時都有好多檸檬核，飲嗰陣有時要小心啲核就麻煩啲😂😂😂😂😂😂佢都會送杯爆谷。爆谷脆，同埋唔算好甜。我覺得好食！

蜜柚愛玉綠即係蜂蜜➕柚子➕綠茶，✔️好香綠茶味，✔️蜂蜜甜度適中清甜，柚子係平時既柚子茶，愛玉口感幾滑。係一杯唔錯既消暑飲品，下次會繼續飲。如果柚子肉多d就會有多d口感

見佢OpenRice嗌外賣自取幾平 就試吓呢間$27買咗杯芒果芝士奶蓋 好快就整好 仲送咗一杯仔爆谷俾我😆爆谷又幾好食 焦糖味嘅😋 有嘢飲有小食好滿足😆😆😆😆

叫左一杯珍珠奶茶微糖。 啲奶茶冇茶味冇奶味，得個甜字。 如果呢個甜度係微糖， 咁正常甜度一啖足已糖尿病。 啲珍珠又係超級甜。 個茶底有怪味。 飲左兩啖成杯掉左落垃圾筒。 未飲過咁差既珍奶

“西柚格瓦斯(L)”($26)元朗真係好多飲品店🤤呢間喺巴士總站附近雖然細細間但飲品選擇算幾多☺️揀咗好耐最後要咗呢杯西柚格瓦斯😂飲落西柚味好出☺️但又同時會飲到茶香☺️入面仲有滑滑嘅愛玉🤩仲有車厘茄😂都幾解渴架😆買嘢飲仲會送一杯仔爆谷🍿🤣

突然又想喝台式飲品 哈哈 再到訪這間誠意小店。見好多台飲店都無西米露！見佢有，今次試吓先！叫咗火龍果西米露（加珍珠）另外叫咗走糖，味道清甜哩，是自然淡淡的。可以見到有唔少紅肉火龍果粒西米浮起，看落好似好多料 哈哈。好飲呀 nice try! 西米粒粒分明，沒有結到一嚿嚿哩再配黑糖珍珠p.s. 滿$20 送一杯爆谷

想找一間台飲店，但想試下一d 知名度低嘅。給我找到這間小店很久之前試過佢黑糖珍珠奶茶，印象中係幾好嘅。所以再找回這間小店。今次試下佢嘅奶蓋！沒有令人失望啊奶蓋帶微微的咸香，份量又多！我額外加咗黑糖珍珠，黑糖味道稍稍蓋過茶味。珍珠大小剛剛好，味道也不錯，不會有塑膠感，但又夠q彈可能下次叫大杯會好d，多返d茶味。呢個價錢，勝價比夠哂高店舖位置又便利現在買滿$20，仲送爆谷一杯巧開心的！送完即止啊。備註：老闆娘服務態度都很好

On my way to dinner and walked pass many bubble tea shop. These days there are many different shops and I was attrcats by this one due to the smell of pearls. I ordered the tradional bubble tea with less ice and normal sweetness. It was well blended and mixed. The texture of the pearls was great, very bouncy and chewy. The taste of the tea combing with the milk was really matchy. Will Def come back for more. I would say this brand is much better than all those bigger brands.

行過元朗廣場附近見到呢間茶飲店 應該開左唔係好耐 見到佢比起平時茶飲店有好多款式除左一般既奶茶果茶仲有髒髒茶 沙冰同西米露等等我叫左奶蓋金鳳鳳龍 有茶奶蓋同芝士奶蓋之分 職員話茶奶蓋甜既芝士奶蓋就咸既 一拎上手個奶蓋勁厚 無搖過都差不多有兩吋厚 飲落個奶蓋係好杰身好味 一直飲到最後都仲有奶蓋 平時的店幾啖就飲哂了 但茶味偏啖 如果可以濃一點就更好了 但20蚊都算係抵飲既 中意奶蓋既可以一試！ 下次想試一試火龍果西米露 粉紅色好似好靚🤭🤭