黑麥 (已結業)

真係好耐未咁優閒過啦! 慢慢坐o係落地大玻璃前, 睇住本旅遊書, 等埋個遲到大王, 再揀心水早餐--1) Joan's 自家製油占多士-- 用店主Joan自製o既果占配上炕過o既牛油法包;2) 自家製紅莓忌廉芝士muffin3) cappuccino x 2pumpernickel bakeryo既水準當然係有返咁上下啦! 之不過o係咁樣o既環境配上自己o既輕鬆心情, 味道已經唔再重要, 只係一句, 真係好歎呀!

正方扁形既muffin.表面金黃,食落脆脆地,唔錯~ 草莓部分係淺粉紅色既(果肉??)而唔係草莓果醬.雖然比較natural,但食落唔多覺有草莓味,連甜味都只係得好少=.= 另外muffin之中混入左粒粒芝士,食落芝士味幾濃bor , good~(值得一讚係d 芝士粒未叮都溶溶地,good!) muffin身係牛油cake既texture, ok soft.個muffin都算外脆內軟既! then食食下先發覺staff冇幫我整熱個muffin,怪唔之得總係覺得差咁d野la! muffin都係熱食會好味d!

10/5/2006, 2人首次惠顧分別每人一set晚餐. $310埋單.食物方面, 麵包藍. 意粉. 沙律. coffee都好, 但值得一提的是, 意粉好多料, 三文魚煎得很香又juicy! 只可惜太咸啊! 差dd就食唔到! 下次要食就要預先同waiter 講聲.環境/ 裝修: 很普通, 2人餐桌太細. 根本唔可以用來食晚餐.(你估大家樂價咩)服務: 廚房效率高. 但有個三十幾歲o既'黑面'waiter真係好唔掂!茶餐廳水準law! 唉!!!!但其他人都ok!以後會好間唔中先去下. 未必會介紹朋友. 費事朋友受waiter先生氣la!!

這分店幫襯過數次. 但每次都給我"驚喜".員工服務態度差就不在話下. 就連落單都必定出錯.叫了6款dipping的麵包set, 每次都有一/二款出錯. 跟waiter講, 他必會先懷疑我一番, 然後對單, 再跟我換. 都算了.最離譜的是我曾在他們的麵包櫃見過以下三種"朋友" :1. 蚊滋2. 烏蠅3. 小強(很細小的那種)嚇得我立刻埋單. 友人代為告知店員. 他們不但若無其事, 更擺出一副"多管閒事"的咀臉...幸好食物品道不錯, 這相信是唯一的安慰吧...

手掌般大小既一個包就要$10,都算貴.望落又真係幾<黑麥>,個包既色啡到好似朱古力咁(我鐘意ar >v<)烘熱左黎食:包既外層唔un但有少少硬,加上表面有d白色既粉,食落較乾.而包入面既texture真係好特別喎:實淨得黎唔會太實,包肉用料足,鬆軟但唔會得陣風.雖然冇合桃粒or穀麥等材料去增加口感,但食落都好有口感,好有"糕餅feel",口感好rich ar!正ar~係其他地方食唔到既texture ! *v* 最神奇係唔多覺個包有檸檬皮/乾果,但就聞到有陣好香既果皮香味<--good ar~包仔細細但食完頗飽肚,讚!

食左提子蘋果全麥muffin:第一次食正方形一塊既muffin,望落似cake多d.表面&底都烘得金黃至啡色,食落仲勁脆!好似食餅咁艄ar!而muffin texture似馬拉糕咁乾身得黎又腍腍地,聞落仲有淡淡既cake香~I like it ^^ 提子乾大大粒,數量適中而且分怖均勻,食落又甜喎,good! muffin內部見到有d<麥>既fibre(會healthy d 掛?),但食唔到麥味.最奇怪係食完成個muffin都唁覺有蘋果味??but never mind,我都覺得呢個muffin唔錯,推介~5p.s.店員幾有禮貌,同熟客有講有笑.仲有間舖係可以買完包堂食既,但要加一.環境寧靜,氣氛唔錯.一個人去食個tea個feel好好,不過唔可以好似係starbucks咁”hea”好耐^^ 有下次!

一個快到唔知似乜既quick lunch：來一個Pumpernickel pick-n-go。以前淨係得金鐘分店既Pumpernickel，對我o黎講係超極唔方便；依家雖然未至於成巷成市，但對我呢個「包癡」o黎講就方便好多。Pumpernickel 既Pumpernickel 係自家製；最得我心既係佢落o左好多檸檬葉、香茅，足料之餘又大舊，香之，又好口感。雖然佢既麵包越來越貴，但佢既麵包質素無同佢既分店多少成o左反比，係最值得欣賞既地方。

行街行到累隨意係對面街搵間野食甜品飲咖啡本身黎都係想食佢個warm chocolate cake但見之前已食過今次就試下warm banana cake with ice-cream $38同一杯Cappuccino $30.warm banana cake with ice-cream 無論賣相同味道都不濟Cappuccino一般用三十蚊既價錢我會寧願選擇$25 既illy coffee

今日我去買麵包, 一個年紀較大的男Waiter好無禮貌咁問我要乜, 我買了兩個麵包一共$18，我打算俾錢佢時, 佢好rough 對我講:'唔係俾我! 俾那位小姐!' (即另一女職員), 大佬呀, 我係客黎架俾你(o甘)渴, 你D麵包幾好食都死啦!

20051225 4pm聖誕節正日，吃了個brunch，4pm 肚子餓，去工展會"襯"之前先來這裡填填肚。跟男友2人要了個2 person tasting set，6個dipping，一人三款包，都好吃。其中一個有提子乾的，特好！！！set 要另叫飲料，要了兩個regular coffee，上桌時見沒有了常用的那款「泥」－泥當然是暱稱，真相是黃糖粉，問waitress，waitress 說因天冷泥都變硬了。是美中不足呢~埋單約$130。

20051114 6.30pm不知何時開知Pumpernickel 成了我和男友的半個飯堂。是夜又o黎，貪其平快靚正。因之後趕住去灣展睇「逆格鬥」。都係食個粉轉做set 咁啦~食得太多次，都無咩感覺了，好食囉~ 我要了煎魚鮮茄幼麵，男友吃兩個三文魚唔記得咩粉。男友果個好食o的，我果個稍嫌佢濕得濟。但果杯啡，成了我每一次來的期待，真係好正，下次去問下佢點沖先得！服務得，全部都係大人啦！Yeah！終於炒晒果幾個不知所謂的o靚妹了！

昨晚為朋友預祝生日來了這裡吃飯,但因我地2個都係細食之人所以只叫了一個SET DINNER 再加一個SALAD.SET DINNER選了'頂級煙肉黑椒白酒幼麵'(個名太長唔知有無記錯但肯定有頂級2個字)其實材料真係好簡單,天使幼麵加煙肉,少許磨菇和一些洋蔥碎,吃不到白酒味,可能放得不多吧,但麵質夠彈牙,味道清清地,我同朋友都覺得好好味.餐前來了三片微烘過的核桃麥包,1舊牛油和1小碗切碎的蕃茄粒,齋吃麵包都OKAY好食,餐湯只有一款,昨晚係蕃茄湯,我朋友話幾有新鮮蕃茄味,而SALAD我們叫了'尼斯田園沙律',材料係一些沙律菜,幾粒水欖,1個切開4小份的蕃茄,2個切開的烚蛋,約1罐細的油浸吞拿魚和少許合桃碎,SEASONING係橄欖油,整個SALAD都OKAY新鮮,而且PORTION都好大碟,餐後我們要了熱咖啡,好夠熱,好正.本想再吃甜品,但實在吃不下唯有等下次再試.至於服務都OKAY,因為一叫就好快有人回應但不太見到有笑容.

昨天和友人逛街後, 想吃蛋糕類甜品, 便到了此店我和朋友都點了香蕉朱古力蛋糕, 濃郁的朱古力加上剛剛好的香蕉味道, 真的很不錯, 最好的是附有一個雪糕球, 當感到太"流"的時候, 沾少許伴著吃又有不同的味道.朋友點的飲料是冰凍的百里香茶, 很香的香草味. 我的則是蜜糖薑茶, 味道不俗, 有很辣的薑味.

到附近逛街，累了便跑來這兒，吃個午餐。點了三個細麵包、一個鬆餅、兩款塗醬、兩壺茶。連加一，埋單$126，唔算好飽，味道不差，可接受。麵包：檸檬蜜糖麵包（細；兩個）、提子麵包（細；一個）。店家切片烘熱，香脆誘人，麵包質感粗中帶幼細，口感好好。塗醬：水欖忌廉芝士塗醬（$10）、自家製果醬（$20）。水準以上。甜品：香蕉核桃鬆餅（$11），體積比金鐘店細三分一。經烘熱，表面香脆，正。飲品：伯爵紅茶（$30）、英式早餐紅茶（$30）。水夠熱，但茶唔夠濃，幸而配飲的熱奶泡質地幼滑，還可以。週五中午一點廿分，僅六成客，口味和價錢都是一個關鍵。此店的歐式麵包著實不賴！

因我與男友都想吃risotto,見價錢ok,扑搥.點了兩個餐,一個係香蒜藍芝士南瓜risotto,另一個是當晚的special,不記得實際名字,大約係羊鞍配意大利飯,是晚餐湯,唔知係南瓜湯定係甘荀湯,只知個湯好溶,幾好味的,再配上呢度的麵包,絕,尤其是有香草味那一種,我到而家仍然好記得,主菜上場,南瓜risotto,其實只睇份量不算多,但因為吃落其實芝士份量很重,所以其實都好飽,而且內裡有南瓜肉,可以中和漏的感覺,飯又不會太淋,唔錯唔錯,而羊鞍那一份,risotto很少只是圍邊,但羊鞍確實很大舊的,羊的味道也不錯,哈哈,吃得我倆真開心,餐茶,都係男友杯咖啡好味d,可能呢度d咖啡都出名掛,總括,呢間都係一間抵食的西餐廳。