點姐泰菜

营业中

休息中

尋日晏晝返到屋企見冇野食. 又要自己食街食啦一心就諗住去街市食海南雞飯去到都有2,3台食客. 街市黎講都算幾多人, 尤其o個時都差唔多2點叫左海南雞飯+泰式咖啡$23開頭以為佢加左價, 因為之前我外賣都係$21. 諗諗下先記得上次係冇加野飲, 今次係一個set 一定要叫埋野飲海南雞飯又係好大碟, 但d 雞就真係好少. 所以開頭先係狂食d 飯d 飯睇落唔似油飲. 但係食落就有少少似. 甜甜地, 但雞味不太濃烈.不得不提飯旁既薑蓉醬, 真係全港獨家! 有蒜香得黎又夠辣, 又有d 醋既酸味. 味道幾特別, 撈飯真係ok, 但好唔好味就見人見至啦.雞冇滑而且好滑好林. 冇雪凍過. 總好過有d 鋪頭將d 雞雪完之後又解唔切凍搞到o係凍與不凍之間上次食豬頸肉飯我覺得d 飯好多. 但今次就岩岩好夠飽. 所以我認為其實係佢d 餸少, 而唔係多左飯.碗雞湯好香芫茜同蔥味. 不過非常熱.突然諗起北京水餃既湯底. 加少少胡椒粉可能仲好味泰式咖啡, 原來都唔錯.一睇就知落得少奶. 都好香咖啡味飲落有少少炭燒既feel. 味道就令我諗起舊街場咖啡, 好耐都冇飲過了唔會太甜. 飲完個口唔會酸, 好味喎都!我見隔離

之前我細妹話在openrice 看到這間泰國菜, 但我就沒有試過所以今日放工就去買了一個冬陰公和青木瓜沙律, 嘩嘩嘩!冬陰公勁好味, 不過就只有一隻蝦, 但個湯超好味, 青木瓜沙律好多料好夠味, 而且只要$28元, 好底食呀!不過想在那裡吃就要想清楚, 因環境不合適.但我會再去買回家吃.

昨日自己一個留o係屋企. 落街買外賣睇中左哩間野好耐, 因為好抵, $20 個飯有個湯. 好過等美心下午茶經網友投票結果, 買左豬頸肉飯. 下次先試佢既海南雞飯.外賣貴$1, 叫佢多汁. 佢問我咩汁... 我第一次買, 唔識點答佢跟住個阿姐嗌"黃咖喱汁", 我話係豬頸肉o個隻汁得啦.拎到返黎. d 豬頸肉有d 稀疏, 一睇就知唔夠送飯其實應該係佢既飯多.豬頸肉唔覺得好好食. 普通啦. d 汁麻麻地. 甜d 會開胃d.下次可以叫佢加咖喱汁撈飯至正. 佢d 豬頸肉汁唔適合撈飯.另外有碗味精湯, 開蓋o個時燙手, 勁熱.入面有蔥粒芫茜同白蘿蔔. 味精湯黎講有d 料算唔錯.不過真係抵食就真哩度d 阿姐全部都泰國人黎, 佢地自己傾計都講泰文

昨晚係朋友屋企睇完波兼過夜，第2朝個口仲有啤酒苦澀味，想食d酸辣醒醒佢，朋友就話帶我去食泰國野!(嘩...富貴午餐啊!!)點知，佢帶我去佐個街市一間食泰菜食店，望望牆上推介，泰式海南雞飯，好!!就試一試....e...惦wor!!!雞好香滑,又有雞味!!我唔鐘意食雞胸，因為好鞋，但佢地D雞煮得剛好，就算雞胸都好滑。再來一個豬頸肉，不錯!!蝦餅仲精彩，幾十元竟然有爽口彈牙感覺，絕對不是將貨就價...是一間有良心食店!!好飽...好飽!!但仲未試我本人至愛<芒果糯米飯>由於呢個甜品本人有特別食法，所以要外賣享用!!嘻嘻....補充一句,又係幾十蚊,，芒果大大件....低!!!總結呢個午餐可謂超值，埋單我估一佰蚊佐右(朋友嬴波，比錢前我借尿循走佐，之後又扮傻唔比錢)算啦呢餐佢一定會會入肉!!!哈哈!!!

好少Lunch食到咁正中海南雞飯, 味道很似我在泰國Siam吃的一樣 其實之前食過外賣覺得ok, 所以今次同我朋友一齊在食其他東西, 這裡的海南雞飯很大碟的, 所以我地2個Share一碟, 再試其他, upload 了相片, 大家可以看看, 哈哈, 我竟然吃了豬頸肉, 因為我平時不吃的, 今次吃的原因就是不會很油很肥, 肉質還很爽啊~最啱而家健康一代既我地 仲有好多野未試, 下次要再試...因為好平啊~抵Total : 110 一人$55

終於有新鮮感啦!! 我本身住係翠屏邨, 老實說邨內可以食野地方真係得嗰幾間，仲要係唔好食，有一日行過街市，嘩!!! 有新野喎，咁一心諗住都試下啦, 好過食黎食去都係嗰D 野，去到舖面都好整齊清潔，老闆又招呼週到，睇埋D 價錢.... 心想一定要試啊!!!!老闆介紹佢地係正宗泰國人煮呀..!! 仲有招牌菜係泰式海南雞飯，炸蝦餅，同埋豬頸肉..我便買左3樣野拎番屋企食，返到屋企一打開，真係好香啊~~ 海南雞飯- D油飯好味而不油，D雞好彈牙，最好係個醬汁，撈埋成個飯真係無得頂，又有D辣有D酸，味道很適中 ; 炸蝦餅 - 很脆同埋好鬆化，同埋價錢真係好抵... 抵過九龍城!!!豬頸肉 - 好香，好入味，好脆，D汁又係無頂總括黎講... 真係又好食好抵，我食左三樣野都係 80乜左右咋!!! 終於有新野囉!! 翠屏邨街坊...!!唔駛咁悶啦!!! 價錢又便宜!!