點子冰室

营业中

休息中

《點只冰室》外貌光猛企理，白色藍色作為茶記冰室佈置主調其實幾易污糟；不過，冰室企理，整潔度十分ok 既。我平時主要去《點只》幫襯個靚早餐，今日大約中午先路過，平時晚市鐵板牛扒閒閒哋過百，今日午市做八十仲有湯和飲品，梗係試吓佢喇！等左十分鐘，主菜 / 蒜汁分開上，侍應哥哥亦有叮囑鐵板熱度；蒜汁一倒落去，成個鐵板「咋」一聲冒白煙，我就好似細路仔咁揸住張 tissue , 心裏開心胃口大增！尤其是鐵板上既薯條，燶燶哋又超脆，點埋仍在噼嚦啪達既蒜汁入口，真係個冇得彈！牛扒方面， 約 3cm 厚度，上下有兩塊！！配微炸過既蒜片。脆皮司華力腸則成條上，細路至愛！因為塊鐵板真係熱既，兩塊牛扒其實上枱已是 well done . 呢點可以再改善吓既。不過，午市呢個份量呢個價位呢個地區，其實已經抵到開巷！侍應快手快腳親切話題多，靚靚老闆娘亦落手落腳；應該開業超過一年了，能夠在勝利道企穩陣腳，一定有佢過人嘅原因；反應快，有好伙坐陣會係常滿既原因之一吧。總結： 八十蚊鐵板牛扒餐，質量可以，份量贏曬！

返學前食個lunch，何文田又無咩選擇，我就入咗呢間裝修幾靚嘅茶餐廳，嗌咗蔥油雞扒煎蛋飯，同凍奶茶！整體嚟講，雞扒幾大塊，又煎得香，汁又夠撈飯，煎蛋又流心嘅，配埋蔥油，唔錯；）凍奶茶嘅茶同奶比例都剛剛好，唔會太奶底茶味太重，茶餐廳嘅水準～

差唔多每個人心目中都有一間"飯堂餐廳"，每食完一餐都會同自己講，"一次嚟一定要試埋呢樣"﹐或者"下次嚟一定要 encore 嗰樣"，點子冰室對筆者嚟講就係咁嘅地位。先講早餐，炒蛋夠香、夠滑、夠熱。呢樣都尚且基本要求，但往往喺細節位體現出菜色設計嘅用心﹕早餐配嘅係丹麥多士，將成個進餐體驗提升，有歐陸嘅感覺，多士外脆內鬆化，烘得夠香，牛油份量適中且搽得平均，令人回味。然後係午餐，ABCD 餐通常都有一個常規，A係碟頭飯，勝在均衡，B係焗飯，焗得夠透夠焦香，C係鐵板餐，絶對大份豪華，仲有即場淋啫啫汁，夠晒情懷，D係炒粉麵，夠鑊氣。仲有點子撈，個人推介瑞士雞翼撈公仔麵，雞翼肉質細滑，瑞士汁夠入味，公仔麵夠彈牙，可以揀配芝士汁、秘製蔥油汁、瑞士汁，建議每種汁試一次，因為各有特色，都係水準以上自家製醬汁，真材實料，味道豐富得嚟唔會過份鹹/甜。

見佢新開無耐 住附近既我就諗住去試吓下午茶點知食到一肚氣 首先喺櫃桶拎出嚟啲餐具刀叉都有啲污糟 要自己用滾水洗下再用紙巾抹 而家疫情咁嚴重咁嘅衛生情況真係差啲 原本叫有手指公推介嘅沙嗲牛肉厚多士 等緊嘢食送上嚟時 侍應求其隊左張單係我旁邊 但我聽緊電台 以為佢問我落張單啱唔啱 冇聽到佢講咩 然後多士嚟到一揭開點解冇沙嗲牛肉 原來佢冇晒貨求其換咗鹹牛肉 話已經問咗我 OK算數當一場誤會照食 點知咸牛肉份量極少 多士又看得唔趣純粹求其看一看 蛋治冇分別 比36$食左件蛋治！待應態度又差 唔會食第2次！

We went down for a afternoon tea, ordered a ham&cheese sandwich, and a tuna fried egg sandwich, both at $32. They arrived and what a surprise it was. The bread wasn't toasted, all the ingredients were cold like it had been in the freezer for so long, the tuna was still probably swimming. We asked them to toast it and they said an extra 1 dollar was needed, of course we immediately stopped them. We refunded both the bread and complained to the manager. He even said all restaurants in Hong Kong gi

This is a newly open cha chaang teng on Victory Street in HMT. Walked pass it a few times and it always has people queing outside for breakfast in the weekend, so I decided to check it out. The interior is new and clean, but quite small and jammed in. The eating area is small and there is little to no separation between other diners. We ordered a typical HK style breakfast and a western breakfast to try the variety. The first meal was the typical beef satay noodles with scrambled eggs and toas

真心講，呢間野，食物係ok嘅，但員工D阿姐真係態度好差，希望老闆會改善一下員工態度唔好咁串啦。明白大家都有生活壓力，所以都體諒左好多次㗎喇，野食ok都好啦，冇人喜歡去間餐廳度食飯要受氣，街坊生意唔好咁啦

係男朋友公司食個快早餐附近點心店竟然開10:30....This city is sick🥲雖有食茶餐廳見呢間新開新裝修就試下.我哋叫咗：🔸羅宋茄粒濃湯餐肉粒通粉 $38配丹麥多士(餐）北海道3.6牛奶炒滑蛋 個蕃茄湯好甜，甜得好奇怪通粉質感好厚好粉，麻麻地啲餐肉好求其..似啲邊邊角角（因為我幻想係旺記冰室果種炸餐肉粒）炒蛋有陣怪腥味🥲🥲🥲丹麥多士加返分，有大pat牛油幾好食.🔸麵餐肉煎蛋 $38（出前一丁要加5蚊，唔抵所以冇加）餐肉唔香，麵都煮得爽.熱檸檬水：檸檬多熟好立克：夠濃👌🏻.總結：少功多過 一般茶餐廳水準

Surprise by the food and service. Great food and drink😋 沙嗲好有味 🥚🍳炒蛋多士🍞🍞都好好食 經過勝利道諗住睇吓有冇乜嘢cafe坐低食個早餐，見到呢間俾佢個menu& 裝修吸引咗所以入左去試😋😋😋😋😋果然好有驚喜！估唔到會有間咁好食既冰室！火腿通粉湯底好有忌廉味，真材實料👍🏻👍🏻沙嗲牛肉麵同一般食開嘅沙嗲有唔同，好有驚喜！連個湯都飲晒😋😋

好定唔好？唔係講彩數，試多幾次，先知有好有唔好，亦有可能係新開時為左吸客特別做得好，但之後緊持唔到，由於仲未有晚市，今期試碟仍然只有早，午餐，早餐已經改善左d了，沙嗲牛肉俾多左，沙嗲湯…我比較鐘意重口味，所以略嫌淡，當然有客人喜歡淡掛…所以不予致評(咦，沙嗲唔係就應該香濃架咩)，午餐有什扒呀喂😋，80幾蚊，賣相，量，味道，以這個價錢是無敵的了，好味，55蚊既蒜蓉雞排腸仔飯亦對得住個價錢，鐘意蒜味既不容錯過，勁多，可以將同樣55蚊既免嘔煎蛋飯比下去，呢，西冷扒就差少少了，無錯，上碟時賣相同份量都大滿足，肉就那得比較淋了，西冷應該有點咬勁吧，總的還是能接受，水準中上啦…好，彈下個咖哩牛腩飯，㗎哩唔得香濃，牛腩呢？牛腩去左邊，搵到少量肉碎，成碟都係筋同筋膜？仲要唔淋，想信係佢最差既出品當之無愧，餐湯部份，唔…紅湯仍然美味，蔬菜多，但得返半碗…有時得1/3, 😓要明白，一間店總會有d菜色特別撚手，有d就中中地，伏既就唔好再點了。以上食品均有照騙，歡迎參考比較

假期同囡囡出去行街，睇吓寵物。行到肚餓見到間新開嘅冰室入去試吓。環境唔錯，食物都算多選擇。一人叫咗一份餐，跟餐有嘢飲，凍飲加$3特飲半價。囡囡試咗杯忌廉溝鮮奶加雪糕球，小朋友就鍾意飲不過我就覺得略為覺得甜。蔥油豬扒飯好正。

勝利道開了新冰室、門口裝修得幾靚、內部以藍色為主、為一可惜檯與檯佢離太狹窄、order 沙嗲早餐、沙嗲只係得顏色、沒有沙嗲牛肉味、牛肉沒有吃晒、因為醃粉太多,得樣是牛肉、最可惜是熱奶茶⋯飲時感覺夠滑、偏偏叫左奶茶少奶，仍然多奶，變左茶味極低⋯為什麼港式奶茶少奶有幾難呢！

這區本來就欠個像樣點的餐廳了，說這是冰室，但各樣要素還是超過了冰室的水評，食物素材本質及賣相都很好，在疫情下我只吃過午餐跟早餐，先說午餐吧，吃的是鐵板牛板餐，才83元，有個蔬菜很多的羅宋湯，主食上台時有點不能相信，份量超出一般餐廳啊，切件牛柳試試，下刀竟不是茶仔要往復切幾次那種冰鮮肉，也沒被蘇打粉奄到梅，軟熟多汁很讚，這是差不多到了X布街200多元一份的水平。 另一次吃的是頹飯，對啦，粟米肉粒腸仔飯，長相看圖，這滿滿一碟才55，送湯和飲品，很過份，我也吃過他們的白汁雞皇飯，沒拍照，只能跟大家說，除了好味，就是吃不完的雞球，又是過份。要數缺點的是早餐，跟一般茶仔差不多，份數較少，炒蛋那少了一個香腸或火腿之類，有點吃不飽，要改善

早幾日行勝利道寵物店，睇吓啲柴犬，突然間兩個細路話肚餓，經過見到有間冰室新開，環境乾淨舒服，就入去試吓。 小朋友叫咗瑞士雞翼飯，我就叫咗個牛扒餐，食物完全OK冇投訴，瑞士汁雞翼好入味，兩個細路食到停唔到口，個牛扒餐質素在一般茶記之上⋯⋯性價比都算高！下次會試吓佢哋啲秋野睇吓鑊氣夠唔夠！對我來講今時今日同小朋友出去最緊要係地方同食物乾淨，完全可以接受！今次仲好好彩，可以喺勝利道食完一餐冇俾人抄牌，難得！

放假行開勝利道，見有間藍白色餐廳幾特別門口有個靚女店員問我幾位，見價錢幾公道便同男友入去試試~ 入正題：西多士:用了粒粒花生醬，多士又夠厚，男友大愛瑞士雞亦：好juicy, 不會太甜，作為雞亦monster 比滿分，希望佢哋日後有多D雞亦既選擇 (之前佐敦有間coffee shop賣柚子雞翼好好食，可惜揾唔返😭。 euro go go 個雞亦而家要$5x 點算😢)紅豆冰：係粒粒豆，多豆足料👍點子特飲：好靚~ 上面係雪糕，攪完變粉藍色，但甜左少少，下次會叫少甜😋見menu有好多特飲，會有下次