點煲 (星輝台智星閣)

营业中

休息中

煲仔飯原煲外賣，仲有「按煲」，今日食豉汁蒸白鱔，真係幾肥同爽口，不過座位就窄啲，疫情下堂食就有啲感覺差。仲有下午茶點心，但就冇煲仔飯咁正，秘製豬油撈飯，真係好邪惡，少吃多知味

路過呢間小店，見到下午茶煲仔飯，走入去試下，店中有一大缸養住啲白鱔，梗係二話不說食豉汁白鱔煲仔飯，兩個人加埋一個下午茶點心併盤$215 ， 合理價錢，講返個煲仔飯，足料，白鱔有五舊，肥美爽口

午飯諗緊食中餐定西餐，諗住天氣開始凍，最後揀咗依間相對叫新開嘅煲仔飯。入到嚟無咩招呼，四個人揀咗三個個煲仔飯（窩蛋牛，臘腸雞同埋咸魚肉餅），再加兩款點心（炸蝦卷同臘腸卷）。點心先上。熱辣辣，蝦卷十分脆。臘腸卷都好食，所以之後叫多籠。煲仔飯三款都唔錯，有小朋友就唔好叫咸魚肉餅，因咸魚多骨。味道唔錯，啲料都多同ok，最正係佢啲飯焦好容易剷起，所以食每啖飯都有脆卜卜嘅飯焦，十分正。另外，佢除咗豉油，仲有豬油俾你自己加，搞啲成煲飯好香好滑。（因上星期去過大埔一間有名嘅煲仔飯，太古點煲好似好食好多）食食下遇到個好健談嘅伙記（潘先生），佢十分勤快，又同我哋有傾有講，見我連最後尾嘅飯焦都唔放過時，仲主動用秘方教我哋點樣用少少力就剷起啲飯焦（加少少茶，浸一浸，就唔駛用力都搞掂）。都係嗰句，食物質素固然重要，但服務更加緊要，所以今日嘅用餐體驗真係好開心！照例無相，唔好意思。

又貴又唔好食嘅煲仔菜!!!無左大牌檔嘅風味😞😞叫左魚香茄子煲仔菜，真心麻麻地，絕對唔值78蚊😵‍💫😵‍💫雖然餐廳有提供自家製嘅醬油，豬油，但都係比傳統煲菜差小小，😞😞本身見餐廳門面幾有特色，有懷舊嘅感覺先會試，裝修環境係唔錯，但味道真係有待改善🥲🥲……..原來係大集團旗下嘅!!!味道同風味真係唔及大排檔🥰無下次!!!!!味道：🍲1/5服務：🍲🍲🍲🍲4/5性格比：0/5‼️‼️‼️

外牆懷舊嘅裝潢已經好吸睛... 再加上全港首創備長炭煲仔飯喎... 即刻忍唔住要入去食!🤭🤭🤭地方格局企理... 餐牌介紹幾有心思... 將武俠小說入面嘅「降龍十八掌」換成「降龍十八煲煲仔飯」... 搞笑得嚟又有特色!😆😆😆望住menu... 款款煲仔飯都好吸引... 最後揀咗平時少d有又極邪惡嘅梅菜扣肉煲仔飯!😈😈😈 鍾意食牛肉嘅可以試吓海膽安格斯牛肉煲仔飯... 我見個賣相幾正吓!😍😍😍我個梅菜扣肉煲仔飯... 一開蓋已經香氣撲鼻... 梅菜同扣肉份量十分... 扣肉嘅肥膏同肉好平均... 肥瘦相間... 香腍軟綿... 非常好味!🤤🤤🤤 而備長炭嘅火力均勻而強勁... 令到飯粒軟硬適中... 飯焦既薄且脆!😋😋😋另外叫咗鳳爪排骨煲仔飯... 雖然common但一樣做得出色!值得一提... 呢度每張枱都有秘製豬油... 可以自由加入飯度... 我都加咗2茶匙落煲飯度... 雖然明知好邪惡....不過既然入得嚟就要豁出去🤣🤣🤣 加完撈一撈d飯... 即時提升香氣... 極品!👍👍👍

臘味煲仔飯唔夠味。羅漢齋煲又太咸。鮮蝦春卷滴曬油，連吸油紙都冇，十分慳家。蒸排骨份量少得可憐。排隊等位混亂，員工冇乜禮貌，甚不友善。其實太興你地想點？我白白浪費了晚餐時間及胃空間。

呢間煲仔飯餐廳終於一試，但係午飯時間，想食輕巧一點，佢哋亦有點心！望一輪餐牌，大部分都是煲仔飯主食，亦有限定餐牌，直至飲品一欄，有中式茶品，竟然見到罐裝太興奶茶獨佔一項，始知道為旗下新品牌！咁就叫三個點心同埋蠔仔冬瓜湯飯。香辣鯪魚餅，質數很低，完全冇鯪魚肉味，配上酸辣醬便是⋯⋯充滿魚膠口感，完全不值☹️。蜜汁叉燒包，薄薄的餡料，當吃個飽肚🥶。豉汁蒸鳳爪，味道剛好，在三份點心當中算是最好。最後仲叫咗蠔仔冬瓜粒湯飯，呢個反而不錯，蠔仔分量足夠，魷魚鬚亦帶出鮮味，在湯頭灑上少少胡椒粉，好味😋。總體來說點心一般，唔會再食嘅意欲，煲仔飯可能會比較出色。另外，餐具要注意一下，竟然要連續更換兩隻有污跡嘅匙羹！

以為只有秋冬季節才有煲仔飯食，發現太古城這家‘點煲’後，相信一時興起，想食煲仔飯的朋友可以得到滿足啦！今天，家里的老中青3人，一起來此午餐👇提前訂位，中午早到，不用等位，裡面的環境不錯👍餐單如下 👇👇👇👇👇👇這家店除了煲仔飯，還有一些小份的飲茶點心供選擇，不錯👍發現特色- 燒豬油，侍應說是用來拌煲仔飯噠👇1）臘腸排骨煲仔飯 HKD 85.- 排骨入味，飯焦唔少，薄但偏硬，老年人食會辛苦啲，豆豉+秘制醬油+豬油，撈在煲仔飯里，熱呼呼的，極好味！推薦👍2）油鴨脾雙臘腸煲仔飯 HKD98.- 臘腸受歡迎唔使講，油鴨脾似乎應該冬天食，這隻鴨脾蒸得火候OK，肉唔鞋，但臘味不夠，不如上面的臘腸排骨抵食。3）三份小點心 @HKD28.- x 3- 酥炸鳳尾蝦春卷 ：麻麻，too oily，小小蝦- 薑蔥牛百葉：大堆的蔥絲，小小的百葉- 五香金錢肚：普普通通，墊底的豆腐泡好食茶水要單叫@12蚊/位，我們要的普洱，原來只是泡茶包，加水還算勤，ok喇帳單好任性👇，沒有明細，只有總額💰無論如何，對這裡感覺還不錯，應該會再幫襯😍

醬油皮蛋 $15  - 先叫個小食開開胃先, 皮蛋質感軟綿彈牙, 配上醬油一齊食感覺唔錯。羅漢齌煲配金鳳白飯 $78 – 每次食中菜, 我都必定叫呢個餸,貪佢可以一次過食到唔同類型既蔬菜嘛 ! 呢個餸有好香既南乳味, 但可惜略為咸左D, 一定要同白飯一齊食, 否則淨食會覺得幾咸。 金銀蒜開邊蝦煲仔飯 + 馬友咸魚 ($98+20) – 蝦肉彈牙鮮味, 加上香味十足既金銀蒜同咸鮮風味既馬友, 所有既香氣全部滲入去有微微飯焦既白飯當中撈埋食, 已經好正。枱面仲有自家制既豬油同醬油任用, 如果想增加煲仔飯既香味, 不妨一試。點煲 (星輝台智星閣) 太古太古城道16號星輝台智星閣地下G1016-G1017號舖港鐵太古站D1出口, 步行約3分鐘

太古城最近開左間以首創備長炭煲仔飯作賣點既餐廳，除左招牌煲仔飯外，仲有點心，海鮮等食物可供選擇餐廳以武俠小說為題材，入面裝修亦都好有特色，感覺就好似去左舊時既客棧咁鴛鴦腸煲仔飯臘腸潤腸真係煲仔飯缺一不可的，兩款腸既油脂係煮既過程慢慢滲入落個飯到，淋上秘製醬油，唔怕肥既可以再加d自家製燒豬油，香氣昇華，飯焦香脆梅菜扣肉煲仔飯備長炭煲仔飯，追求準確火喉控制，除左能鎖住食物既原汁原味，仲令每粒飯都均勻受熱，形成薄脆既飯焦，扣肉一層肥一層瘦，真係好味又邪惡點心點了懷舊潮洲粉果同真係冬菇包，上枱既時候熱辣辣的，味道就不過不失整體黎講煲仔飯係做得不錯，疫情下都有好多人外賣煲仔飯，因為係連煲一齊攞走，所以價錢係包埋煲既按金的，太古城食煲仔飯餐廳唔多，加上港人又鍾意食，真係絕對有得做！

沒想到午餐都會去咗食煲仔飯☺️，呢間新開業無耐嘅煲仔飯店，又幾夠潮，裝修好有特色，除咗有常規港式煲仔飯口味之外，仲有推出咗幾款出位嘅創意煲仔飯，枱上面更備有自家製豬油同豉油，保證一定令到煲仔飯更好食😋———————————————————————————🥢金銀蒜開邊蝦🦐煲仔飯💬開邊蒸蝦好彈牙好鮮味，金銀蒜🧄加埋蔥🌱嘅香滲入米飯🍚之中，食落滋味，加入豬油更有另一番感覺🤤.🥢芝士櫻花蝦金蠔🦪銀魚煲仔飯💬呢一款個味道十分複雜，選用飽滿嘅生曬流浮山金蠔🦪，加入唔覺太膩嘅芝士🧀，豐富口感嘅櫻花蝦同銀魚仔，絕對是超級精彩😀

開張第一天1月30日就幫襯外賣🥡點了主角 - 芝士櫻花蝦金蠔銀魚煲仔飯 + 四款點心🥟，煲仔飯連煲外賣🥘回到家還熱氣騰騰，加上芝士香味，令入垂涎三尺🤤飯粒分明，櫻花蝦配銀魚仔倍是甘香，但金蠔可能只是蒸熟，沒有香煎金蠔的鮮香，飯粒也過份乾爽而變得有點硬，這些都是扣分位📉點心份量偏細，但價錢不貴，可以讓顧客多試幾款吧😉之後再試過另一款煲仔飯 - 油鴨髀鴛鴦腸煲仔飯，這款跟上次的芝士金蠔完全不一樣，臘味油香滲透入粒粒分明的飯粒，令飯粒格外甘香，不得不讚肥瘦適中的鴛鴦腸，好味得想再添上一碗白飯呢😋上星期再給一次機會，還特意加了鴛鴦腸，但吃到一半發現沒有了其中一個主角 - 芝士🧀😂 退回瓦煲時告訴了經理，經理態度良好，大方承諾另送我一個煲仔飯，這星期經理果然履行承諾 - 送我一煲飯🍚😁沒有了鴛鴦腸的滋潤，飯粒仍是偏硬，是這個飯的美中不足之處😅但還是謝謝經理的慷慨🙏處理手法大方得體👍服務態度對現今所有服務行業至為重要，希望能保持水準，顧客會繼續支持的✌️

太古分店繼承備長炭煲仔飯嘅特式，店面裝潢將武俠小說同埋現代街頭風格混合，而且菜式多元創新，「籠」蒸「釜」猛值得一試。煲仔飯最好食莫過於脆飯焦，可遇不可求，但點煲火喉同埋米水比例都拿捏得宜，有黃金飯焦慢慢嘆。而且仲備有自家特製嘅豬油用黎調味，絕對估你唔到。煲仔飯款式有創新有傳統，有罕見的蒸大鱔，現場生劏，店內魚缸仲有淨化功能，難怪鮮味十足又嫩滑肥美；不得不提芝士配櫻花蝦煲仔飯，似乎更岩年輕人口味；豪華嘅海膽安格斯牛肉煲仔飯真係未食過，中西合璧又有格調，味道亦好夾。除左煲仔飯，仲有一系列精品點心，即叫即蒸。其中，薑蔥牛柏葉食到齒頰留香，懷舊臘腸卷食到濃郁肉味。賣相一百分得真係冬菇包，真假難分，菇包都好食。唔怕辣可以試埋三星蔥黑胡椒包，淡淡蔥香一試著迷。

Since there are not many dim sum places in Tai Koo, this shop happens to be very popular since its opening. So, my family also decided to give it a try.There were nice staff and good looking food. However, the taste and portion are not as decent as their decorations and services. I would prefer to go to an ordinary yum cha place instead. Nine dishes couldn't fill the tummy of two adults one child. If you are looking for a comfortable place, it is ok. But if you are looking for satisfactory dinin

返工最期待嘅一定係每日lunch time同班姊妹嘅講是非時段啦！喺太古城返工嘅我哋，發覺食嚟食去無咩新意，終於等到有間新開嘅餐廳，好感動呀！呢間新開嘅餐廳主打點心同煲仔飯，所以餐廳名夠直接，就叫點煲！點煲作為港式食店，就連餐廳嘅設計都以香港功夫為主題，夠晒貼題又獨特。芝士櫻花蝦金蠔銀魚煲仔飯煲仔飯即叫即整，所以製作需時，啱晒我哋邊講是非邊等上菜啦！煲仔飯用熱力均勻嘅備長炭燒，所以上枱嘅時候，唔使再焗，就已經形成飯焦。另外，餐廳亦大玩fusion菜，將芝士同櫻花蝦融入煲仔飯，形成拉絲嘅狀態，估唔到煲仔飯都可以同creamy畫上等號！而加入金蠔同銀魚，就令煲仔飯嘅味道更有層次，值得推介。當然唔可以錯過脆卜卜同焦香嘅飯焦啦！梅菜扣肉煲仔飯除咗玩另類嘅煲仔飯，一啲傳統嘅煲仔飯呢度都有，我哋就叫咗梅菜扣肉煲仔飯，扣肉係薄切，一層肥一層瘦，入口即化！由於梅菜扣肉嘅調味已經十足，我哋就覺得唔使再額外加豉油，反而可以加啲豬油，令飯嘅油香滿溢，雖然罪惡咁十足，但真係好好味呀！清蒸游水鮮筍殼魚平時酒樓先見到嘅大魚缸，估唔呢到都有！魚缸內除咗有新鮮嘅白鱔，仲有筍殼魚。新鮮嘅魚最啱就係清蒸，加少少豉油，就食