點煲 (屯門市廣場1期)

营业中

休息中

星期日晩八點半walk in 唔駛排隊直入，由於唔多食客，所以都俾了四人枱我們坐，都算舒適，員工也平易近人。見到有二人餐限定推廣就試吓，原來重係每日限量，$248都幾多嘢食，有蟲草花燉湯，一個小菜，一個煲仔飯，重有6件點心。另外開多壺菊花茶$13。燉湯夠熱足料，好味；小菜有四款，選擇了魚香茄子煲🍆，好香，不過每口都勁油；再嚟就係點心拼盤，有粉果，燒賣，奶皇包，冬菇包，味道ok; 煲仔飯揀了臘腸滑雞，雞勁滑，臘腸也唔肥，有飯焦，落了煲仔飯豉油和少少🐽豬油好惹味，夠哂兩個人食，好飽！總結：食物質素👍🏻二人餐抵食👍🏻食物夠熱👍🏻

金銀蒜開邊蝦煲仔飯等候時間偏長 但唔錯既不過蝦開邊之前就薄啲 冇乜肉不過飯唔算好乾又粒粒幾分明 有啲飯焦既可唔可以當然唔夠街邊檔仔咁有風味 但都比預期中高質素臘腸滑雞煲仔飯雞肉質都算嫩 冇煮過頭硬曬雞都唔係多舊 真係唔太抵不過整體嚟講好慳料咁 飯就好多魚香茄子煲幾中意化個煲上枱個時好夠熱 仲滾緊不過鹹魚味冇乜 辣味就給夠 同埋多水咗啲酥炸鳳尾蝦春卷果然圖片只供參考 隻蝦都冇咁大隻不過不失既味道 蝦肉都ok既唔算好瘦冇肉食手拍青瓜雲耳清清地爽口青瓜 幾岩做前菜 又解下膩

你們知道打邊爐和吃煲仔飯有什麼共通點嗎？答案就是兩者都需要一個合適的煲和爐！最近天氣乍暖還寒，最適合就是打邊爐和吃煲仔飯！前陣子朋友說原來有餐廳提供煲仔飯送到家的服務。既然足不出戶就可以吃到熱烘烘的煲仔飯，那就試試啦！外賣員將原煲煲仔飯及保溫袋一併送上。今次點了3個經典的煲仔飯，分別是鳳爪排骨、馬友咸魚肉餅和臘腸滑雞，打開煲蓋時，香氣就急不及待衝出來，將附上的豉油和豬油一併倒入飯後就開餐了。鳳爪排骨飯的味道不過不失，一口排骨肉質綿滑；馬友咸魚肉餅飯的肉餅不會太死實，可惜馬友咸魚鹹得有點誇張，即使用來伴飯都真的不行；臘腸滑雞飯的雞件很嫩滑，不過品嘗不到牠的雞味。整體而言，小妹覺得薄脆的飯焦尚算香口，但整體飯粒偏硬，不是小妹喜愛的口感。總的來說，小妹覺得她們的定價有點高，味道亦未有帶來驚喜，惟一要讚的就是她們可以在天寒地凍的日子將熱烘烘的餐點送到小妹的家。

2022年既第一煲煲仔飯黎左屯門食😋^_^首先祝大家新一年健康快樂，百毒不侵，另外緊係食極唔肥啦。因為今日晏晝去左遊車河 🏍仲去埋浩和街打卡📸呢間煲仔飯想試好耐，港島都有分店。兩個人叫左一個煲仔飯，一個小菜兩個點心同一壺茶 🍴柱候蘿蔔炆牛腩煲 $88有時食牛腩河都一定揀崩沙腩or 要肥既腩 就係怕拒d牛腩好靭>_<好彩！ 哩個煲蘿蔔入味，牛腩幾淋， 仲撈左d汁👻🍴潤腸滑雞煲仔飯 $88餐牌寫臘腸既 但因為我真係好鐘意食潤腸細問之下姐姐好好人話可以轉架😙😙雞夠滑 飯粒硬度適中 食得好開心 🍴 燒賣 $29 牛肉球 $26點心正正常常 食埋都飽Lu ☕️菊花杞子 $12姐姐好熱心咁幫我地fill水☺️又同我地吹水總括嚟講每人百零蚊，野食質素幾好，抵食！👏🏻👏🏻

話說太耐無見朋友，所以揾間坐得舒服又唔會趕人走既餐廳👍🏿一去到，環境真係舒服，2個人叫左一個煲仔飯同3個點心就夠飽。燒賣比一般4粒少一粒，但肉質鮮嫩彈牙，認真不錯金錢肚夠林身夠入味👍🏿鳳爪都不錯，不過不失。整體三個點心都好食，最緊要係即叫即蒸，上到枱仲係新鮮熱辣，所以好食。最後，不得不提煲仔飯真係好出色，雖然要時間等待，但絕對值得。今次叫滑雞煲仔飯，一上枱加個煲仔飯豉油焗一陣打開，香味撲鼻，雞肉好滑，最緊要有我最鍾意食既飯焦，唔會太燶，岩岩好又脆又香🤤整體所有食物都出色，雖然略嫌有點貴，但絕對值得一試👍🏿

本來今日都唔係好想飲茶㗎啦！但係屋企人肚餓之後，盲中中就入咗嚟啦！老實講，味道真係唔錯既，店舖d員工都好有禮貌，服務可以話係熱情款待嘅！可能嗰時客人並唔係太多，至於嘢食方面都OK！青瓜就不過不失，只係青瓜有少少老，仍然可以接受！金錢肚就會有少少難咬，都算入味嘅！鳳爪個汁唔算太鹹！而且都幾夠林，可以合格燒賣不過不失！Size OK！味道都大致上OK！賣相都唔錯！而且都幾足料令人最失望嘅就係牛肉，件牛肉太實啦！真係口感並唔係咁好！仲有個煲仔飯，啲飯係夠香嘅！蝦都算新鮮、都幾香蒜蓉味！值得一試整體來講都可以合格嘅！

今個星期氣溫下降，有少少涼意，所以又想食煲仔飯。第2次光顧【點煲】，仍然是在門口排隊，其實個人並不喜歡此方式，門口聚集住一群人排隊等候，人與人距離近，相對危險。個人覺得【取飛等號碼】在人群距離控制會好D，大家可以自由企得鬆動點，疫情下較安全。由於有長者同行，門口帶位的哥哥今次十分醒目，安排長者於門口張櫈坐下等位，不用企得咁辛苦👏。睇完餐牌，菜式跟幾個月前沒有改變，隨便叫了3個煲仔飯，分別是芝士蠔煲仔飯、白鱔煲仔飯和排骨腊腸煲仔飯。味道:👅👅👅材料：⭐⭐⭐味道：👅👅材料：⭐⭐味道：👅👅材料：⭐⭐總括而言，飯焦比上次多，煲仔飯都是現煲的，上枱是熱騰騰的，但味道和材料都是普通品質，未見特色，而價錢較貴。

一再改再嘅聚會，呢個weekend終於成事。數數手指，#小秘書 都有一段時間無入過嚟 #屯門，人生路不熟，企喺西鐵大堂嘅我，的確有啲迷惘😅 經過途人嘅教路，#小秘書 終於嚟到 #屯門市廣場😅 呢日我哋揀咗「點煲」做集合點，順便試吓佢哋馳名嘅 #備長炭 燒 #煲仔飯。飯量比我預期中更少，不過啲飯焦又真係卜卜脆又幾香口嘅🤤 但係我真係要投訴一吓個 #前菜 #醬油皮蛋，#師傅 慳到連全隻 #皮蛋 又唔捨得放哂落隻碟度，單睇隻蛋嘅外觀已經好唔吸引、個蛋黃更加係乾到呢😅 至於個 #魚香茄子煲🍆 如果唔係咁咸，熱辣辣味道都做得唔錯，用嚟送飯都ok嘅🤤整體嚟講，我覺得班 #服務員 都幾有禮貌，不過食物價錢就貴咗少少囉，大家有機會去試吓個煲仔飯都可以嘅🙃

第一次光顧是馬鞍山分店那個熱騰騰的排骨煲仔飯，香氣撲鼻，飯的質地又剛剛好，不會太硬粒粒分明，𡁻落非常有口感如果喜愛吃飯焦的絕不能錯過，最底層脆仆仆的飯焦今次在屯門店再嚐滑雞煲及大鱔煲大鱔煲的魚，大大件，魚肉脆爽滑雞煲的雞肉很滑最喜歡是這裡的飯，因為當一煲煲仔飯上枱時飯香撲鼻

落雨落左幾日涼涼的，決定食個煲仔飯暖一暖。之前經過呢間點煲數次，次次都有人排隊，所以試唔到。今日早出門而遇著佢已開門，十分好。本來見到食評話服務差，其實我都不太在意，呢啲小店你想要什麼服務呢？可能對服務冇抱期望，反而受到很好既服務喎～ 惠顧當天真係受到極好服務，幾個店員常會留意到茶壼有冇茶，好快就黎添水。落單亦很好禮貌，聽見接外賣order亦好有耐性一一解答食物方面，我主要讚個鱔煲，鱔肉係厚身兼彈牙，好好味！飯有焦香好好食！係覺得份量小左啲貴左啲（唔記得係118定138），我覺得係一人份量咁。二人食又覺得唔夠喉。另外點左啲點心，點心就冇咩驚喜，份量偏小，味道一般，所以下次黎呢度都係叫煲仔飯就得。

試過一次堂食一次外賣，都係覺得啲飯焦太多飯太硬。試問正值壯年嘅我都咁覺得！咁啲小朋友同老人家點會覺得無問題呢？(有次直頭食到喉嚨痛)問有冇得少飯焦咁你哋話因為啲飯整好再用個較好時間既炭爐整無得變。簡單一句就係一成不變。你哋打正做招牌菜嘅，都搞成咁，出邊啲煲仔飯全部都可以變軟變硬。我鍾意食煲仔飯都真係食唔到la😥

今日兩個人入到屯門，想食點心諗住行過就去點煲試下。去到非全滿嘅情況要我坐出菜位，要求佢提供其他位置。又話要比六個人，另一張又話要分做兩張二人枱。問佢可唔可以有人先分。佢話唔得，要即刻分🌚🌚🌚明白生意難做，理解多一枱多單生意。都唔係話未有生意分定先。講真呢個服務態度點值呢個價錢呀！

星期六中午去屯門巿廣場揾食，大部份餐廳也要排隊，突然諗起新開了一間海南雞，一間中式點心加煲仔飯，最終揀左點心果間諗住多D款式可揀. 不用排隊便有位, 有幾款小菜加飯包埋茶,但侍應話有三款都無喇，最終揀左肉餅飯,再加三個點心，其實餐牌選擇不算多,中午又無諗住食煲仔飯,點心即整夠熱，服務員都有禮及反應快,環境新淨，但空間不算大，價錢有點貴。下次揾晚去試吓D煲仔飯.

每次約長輩食飯都離不開上海菜或飲茶，屯門市中心既中菜廳已經食過無限次，酒樓執下一間又一間，所剩無幾。苦惱之際，無意間發現新開左間餐廳「點．煲」，顧名思義係專門食點心同煲仔飯，於是入去試下。入坐後店員立即擺好餐具，可能餐廳新開，店員未上手，難免有點笨手笨腳。擺好餐具，店員隨即問想飲咩茶，有：鐵觀音、香片、普洱、菊花杞子，我揀左菊花杞子。不過睇餐牌先發現茶係屬於飲品類，價錢亦不一，雖然酒樓都要收茗茶費，但如果有其他飲品選擇，我認為店鋪問客人飲咩茶前應該遞上餐牌明言收費，俾客人知道有其他選擇會更好。麻辣金錢肚呢款係涼拌菜，麻辣汁好香好惹味，有川菜風味，金錢肚有嚼口，而且份量比酒樓多，必試！懷舊潮州粉粿好食既點心必要條件係即蒸即食，夠熱。點．煲既點心上枱全部都熱氣騰騰，抵讚粉粿岩岩蒸熱，外皮雖然較厚但軟冧，餡料足料，應有則有，可以試下。香菇燒賣好耐未見過燒賣頂層有咁多粒粒蟹籽，咬落去卜卜聲，好驚喜平日食開既酒樓燒賣上面只有幾粒甩左色既「蟹籽」，估唔到呢度如此豪氣，令賣相都好睇多了。燒賣用偏瘦豬肉，唔會食到粒粒肥膏，配搭冬菇香味。讚！東北蒸餃餃子外皮厚薄適中，不過肉餡味道唔岩我地胃口，失望正宗雞

屯門市廣場開左一間新派煲仔飯店孤陋寡聞的我之前只食過傳統嘅煲仔飯所以即使價位稍貴都試一試鋪位其實幾大裝修得幾得意本想叫海膽牛肉飯，但坤海膽賣晒所以叫左個雞蛋牛肉飯牛肉上菜時係未熟的要自己用沙漏計時煲仔飯標榜用竹碳燒好香牛肉亦很滑嫩牛肉味濃配半熟蛋同蔥味道更香濃也叫了最classic的鳳爪排骨飯鳳爪排骨飯非常入味而且飯焦很香最後點了個豬仔奶黃包影相一流，很可愛味道一般整體而言，性價比不算很高但可以一試如果將來可以推出一些套餐便宜一點更好