點鍋

营业中

休息中

因為同事推介卜卜蜆🥘所以來吃了～清酒湯 有大量的蜆都幾大隻 食極都有 個人覺得幾清甜😋不過有啲沙另一款係喇沙湯底勁濃 不斷加湯都係咁濃唔錯！雖然我覺得似沙嗲湯放題形式有Drinks有雪糕任食玄米茶雪糕幾特別😙宇治金時嘅雪米糍就麻麻地火鍋配料正常牛舌唔錯～ 雞髀肉同卜卜蜆湯好夾牛肉同豬肉一般 有點太肥蝦🦐都okay ga 雖然得少少帆立貝煮完變左乾瑤柱😂Hmmm 好Dry…啲餃嘅餡勁實淨 成粒肉丸咁吃了太多 點評唔晒了😛

而家8折就食到2小時任食火鍋喇! 湯底肉類選擇都非常豐富 湯底有十種以上 沙爹,麻辣 杏汁木瓜,野菌清湯 配料仲有咸蛋魚皮墨汁腸食呀!食材用電話落單,唔會漏單仲上得好快!仲有海鮮!肉類有黑毛豬腩片,牛肚肥牛,滑牛,雞,牛舌片等等 自家出品先係出色之作 彈牙手打丸 有芝士墨魚丸 蟹肉墨魚滑 蝦滑 牛丸等等自家炸物都超好食 金沙咸蛋魚皮超脆口好食!另外仲有自家包既新鮮水餃 黑松露蟹蝦餃 鮮甜皮薄口感好仲有芝士紫菜蝦餃 魚皮餃等等 湯底足料又濃又香 麻辣勁香辣勁持續另外仲有幾十種任食配料真係多到數唔完!CP值超高!牛肉唔會太肥之餘燙完食落個肉味夠濃夠滑旺角西洋菜街1號兆萬中心3樓301舖平均消費$300評分8/10

揀左蟲草雞湯底同沙嗲湯底湯底幾好味 幾足料 都真係有蟲草同雞有好幾款特色餃子例如：黑松露蝦蟹餃、芝士紫菜蝦蟹餃etc手打豬肉丸唔錯牛肉方面 只有滑牛 冇肥牛鐘意牛 但唔鐘意肥既朋友應該覺得唔錯有豬頸肉食 都幾好要改善既地方係...食材唔太新鮮食物啲款真係比較少飲品款式都唔多雪糕...更加唔洗揀7折左 每人都要258🤑算係咁啦但應該唔會有下次🤭因為真係mama地食完冇乜滿足感最重要既係食材真係唔新鮮好似放左好耐咁又冇乜得揀

呢間火鍋真係想食好耐 但可能期望太大 食完覺得應該唔會再encore首先講湯底 嗌咗麻辣湯底 一開始食就唔覺辣 但越食都慢慢開始辣 湯底本來就有豬皮豆卜芽菜 個豬皮越煮越入味 正！但重麻人士表示唔夠麻啊！到醬料 醬料選擇都多 有特色麻辣醬 麻醬等等 除咗生蒜 仲有熟蒜油 加咗令成個醬料更香而火鍋配料 選擇好多 特別係丸同餃 有好多自家製嘅丸同餃 因為丸細細粒 嗌多啲都唔怕飽 鐘意芝士嘅人一定好鐘意呢間嘅丸 因為手打丸都有加入芝士 熱辣辣嘅芝士 咸咸香香 好惹味 而餃 個人認為飽肚感更高 食3-4隻已經有啲飽 所以嗌之前要諗清楚 廢事用咗肚啲quota啦其他配料都略嫌普通 除咗任嗌配料 餐廳仲會送海鮮拼盤同一碟牛 咩部位就唔記得咗 但印象中係好食嘅 好重牛味 但口感同雪火肥牛真係差唔多 而海鮮都係普普通通 口感都正常 唔算腥 但個人認為最後埋單都接近300 呢個價位 如果有海鮮任食會抵啲最後 野飲同甜品方面 野飲種類都係汽水同紙包飲品為主 甜品就得3款雪糕 個人認為真係太少了 整體嚟講 呢間野食質素普通 雖然有特色丸同餃 但亦唔算太有驚喜 雖然早咗去食 有折 但都覺得唔值個價

位置勁方便係兆萬雖然佢係任食火鍋但大多數既野食都真係高質好味👍🏻👍🏻送個海鮮拼盤份量都幾足夠個人推介就係個豬腩片好正 同埋個咸多魚皮勁好味👍🏻👍🏻好食到我地叫左4碟😍😍重點職員個個都勁有禮貌👍🏻👍🏻我地有個教主蛋糕 職員重勁鬼馬同壽星女講教主愛你😂😂😂重幫我地放到勁靚又放埋蠟燭比我地成晚勁開心又滿足👍🏻👍🏻👍🏻重有折頭絕對會再返來食過👍🏻👍🏻👍🏻

提早左15分鐘到達，即時可入座。侍應服務好有禮貌，詳細解釋湯底可以點樣配搭。啤酒一落單好快就送到👍食物質素不太差，任食黎講很好。火鍋配料枱都多選擇，但蔥有一段時間可能補充不及。座位如果再闊多少少於完美

全程係勁滿意～店員好友善，有個哥哥成日笑住搞到我地心情勁輕鬆🤣🤣🤣嘢食方面真係好滿意！麻辣同番茄湯底都好好味，麻辣係真心辣，唔係其他鋪頭嗰啲虛假嘅辣，番茄湯底有好多牛肉粒，勁好飲，餃子們都好正！送贈嘅海鮮雖然我同友人都唔食，但擺得好靚，同埋睇得出幾新鮮👍🏻👍🏻👍🏻好重要係啲醬料真係好好味！極度推薦佢地嘅辣椒油！真係好香！同埋嗰到嘅view整體黎講算唔錯，食落真係好梳芙～同友人都好滿意～會再幫襯！❤️❤️❤️

呢間係聽啲friends介紹黎食嘅 個個食過都話好 禁岩又約到friends 地點又好 一齊食下飯吧 果然冇令我失望 首先經openrice訂位有Asia miles25分 象徵式啦 要黎養住個戶口都好 用恒生卡埋單有7折 之後仲有10蚊cash dollar回贈 招乎出品都十分之好 出野快 料又新鮮 之前叫位上菜員工轉頭加水冇應我 我個friend先話呢間有請聽障人士 哦 禁ok冇所謂 叫過個員工 都已經好快手幫到手加水 過程又輕鬆寬容 呢個價錢有靚料氣氛好的任飲砌邊我真係覺得十分之滿意 但如果可以坐得再鬆啲就好啦 上多幾碟菜 已經冇曬位 好鬼死迫

呢間黃店邊爐係兆萬中心入面，夜晚好多人，所以記得要book定枱！首先，我地揀左鴛鴦湯底：黑松露雞菌&芫茜皮蛋，兩個都好香好濃味🤤🤤👍🏻超級推薦大家試呢兩款湯！跟住餸方面有好多選擇，我地基本上咩都要左啲🤪當中，避風塘炸魚皮同埋黑松露蝦蟹餃都好特別，好好味！😍😋😋整體上菜嘅速度都好快👍🏻店員亦好nice~跟住甜品有CoCoBerry嘅港式奶茶雪糕，真係第一次試，都幾香濃！最後埋單都係每人$200左右（連埋加一），因為佢星期一至四咁啱有七折優惠。

蟲草花雞好鬼正，四川麻辣湯就冇得選擇辣度，不過好野味（唔食得中辣既人士量力而為）cp值爆燈♥️♥️♥️♥️♥️D食物好新鮮、好新鮮、好新鮮，重要的是要講三次，真心冇得頂 ， 魚皮全部即叫即整熱辣辣♥️♥️會再食過 📢📢📢社企但不能看小員工嘅能力，D員工好nice ，上菜又快 ，冇得頂♥️♥️♥️♥️

同朋友打的爐，見到兆萬已經驚驚地，不過又無中伏喎。先黎一個海鮮拼盤(4人份量) ，有蝦，蜆，魚，呢個海鮮唔係仼食，幾新鮮，寧願限住份量都唔想食唔新鮮既腥臭海鮮。食物選擇唔多，但每樣都幾好，質素唔錯，黃金炸魚皮好食，encore左😁😁牛肉ok 唔會落水就散哂同縮，都係仼食。

睇見有好多評分都話呢間火鍋店唔錯，試完之後覺得完全冇揀錯！職員態度非常友善，又醒目，手腳快！贈送嘅牛肉好好食，份量都唔細。贈送嘅海鮮都幾新鮮，分量大啲就最好！醬料嘅位置非常企理，乾淨。由於得三個人，所以每次嗌嘅份量雖然細但係非常適中，如果啱食先至再嗌就唔使浪費。鹹蛋炸魚皮非常一流，一定要試！可惜蜂巢豆腐非常一般，煮極都係食落去個口感怪怪地。罐裝飲品任飲，有汽水亦都有無糖嘅茶。最後雖然飽到嘔，都走咗去攞個雪糕試吓😅

呢間舖頭 真係好有良心 係請傷殘人士做員工 係好值得讚賞但係都唔會因為咁樣而令我對食物有偏頗嘅叫咗個四川麻辣湯底 同埋酸菜白肉我想講個湯底真係冇得輸之前出面嗰啲麻辣湯底都好鹹呢個係好麻同埋真係好辣囉 真係唔食得辣千祈唔好嗌因為我食得辣我都覺得好辣另外個酸菜白肉清得黎啲肉好多好足料個湯底真係冇點過豉油咁滯食物方面都唔差嘅 但係因為我太肚餓影咗呢張相之後我就冇影過其他嘢食啦我想講最好食嘅唔係呢兜野最好食嘅我會推介 黑松露餃子墨汁腸三蔥腸呢三樣真係好好食啲肉都好好味但係我就冇特別留意樣樣都好好之前一路對兆萬呢個地方覺得都係食垃圾點知有間咁好嘅餐廳我一定會再嚟打邊爐

經朋友推介，話整體都唔錯本身都係諗住求其揀一間放題食，點知好大驚喜！首先一入場服務態度非常好，講真香港啲放題啲侍應真係冇幾多個得閒理你，呢間嘅侍應竟然好熱心咁同我推介湯底，然後話有好多職員係聾啞人士，叫佢幫手加湯嗰啲簡單工作絕對冇問題。我揀咗麻辣同蟲草花雞湯底，兩邊都好好食，我自己個人好鍾意食特別口味嘅丸同餃，呢度完全係我杯茶，另外好特別嘅就係佢哋嘅台灣麻吉丸子，係花生湯圓，聽落用嚟打邊爐好似好奇怪，之前同事已經推介過，我都半信半疑，食過真係覺得好好食，超級香濃嘅花生味！整體食物我覺得都幾多選擇，另外，環境唔會太嘈傾偈都好舒服，職員都好helpful,我好少喺度留言，好耐未試過有一間咁滿意嘅餐廳，仲要咁良心嘅企業真係好想推介下，一定會再幫襯❤️

香港人365日都要打邊爐！小叉最近好想食麻辣嘢，所以今次約埋一班朋友嚟咗食點鍋！🍲呢間點鍋原來係社企嚟嘅，請咗聾啞人士做樓面，佢哋全部都好有禮貌而且態度好好，值得支持！💕講到食物方面，湯底選擇非常多。我哋選擇咗麻辣同蕃茄雙拼。麻辣湯底非常足料，見到有一大堆辣椒花椒係湯入面！味道係想念中嘅四川麻辣味！🌶🌶🌶火鍋配料非常多，小叉就介紹吓值得推薦嘅幾款啦！海鮮🦐入場會按人頭送海鮮拼盤，有蝦、帶子、斑片同蜆。海鮮算新鮮，不過份量唔算多。牛肉🥩打邊爐最緊要有牛肉！每台會送一客頂級牛肩脊肉。佢嘅牛肩片同肥牛片肥瘦比例適中，而且入口一D都唔鞋，仲好有牛味！手打芝士丸／自家製水餃🥟手打墨魚丸非常彈牙，中間仲包住芝士流心，淥完一咬開芝士就會爆出黎，非常推薦！要自家製水餃非常推薦黑松露蝦蟹餃。黑松露味好夠，鍾意黑松露嘅朋友記得叫黎試吓！金沙鹹蛋炸魚皮/即炸手工紫菜響鈴🫔依兩樣香口野又係打邊爐必要！鹹蛋炸魚皮非常野味，唔淥就咁食都好好味。另外佢地自家制響鈴中間包左紫菜，即叫即炸非常脆口，唔會有油益未！朋友們都不停encore ！ ！飲品/甜品🧃飲品係任飲嘅，都係一般市面嘅罐裝同紙包飲品。而甜品就係奉送迷你雪