齊柏林熱狗店 (好順意大廈)

营业中

休息中

有時夜晚放工之後唔想食飯又想食啲飽肚嘅嘢但係又唔想洗咁多錢同埋要幫襯一啲有良心嘅小店齊柏林熱狗一定係不二之選之前已經試過澳式風情熱狗今次同朋友試吓其他味先芝味熱狗 $38我覺得芝味熱狗好似比其他款式大隻啲咁，長身啲芝士好厚可能因為隔咗一陣先至返屋企已經冇乜拉絲嘅效果我諗如果即時食的話一定好正蛋黃醬我覺得可以再多啲今次將條腸轉咗做紐倫堡腸一樣都係咁Juicy士林原味熱狗 $32朋友揀咗呢款嚟食佢有芥辣，雖然我唔敢食辣但係我都試食咗少少雖然有芥辣但係都唔算話好誇張我都接受到腸一樣都係咁Juicy總括來講我自己都係鍾意食澳式風情熱狗多啲因為燒得好香同埋好夠味同埋每一次我都係咁講佢哋嘅熱狗真係好抵食就算一隻熱狗都好飽肚

每次經過屋企附近，經常見到人頭湧湧，今日約咗幾個朋友一齊嚟玩，大家都興起想食熱狗，梗係介紹呢間知名黃店！我哋總共叫咗四個餐，有兩個係火炙芝士辣肉醬熱狗 入面有芝士、辣肉醬、洋蔥、黃芥末、荷蘭腸等等材料 連男人都覺得好大份，食到好飽 你覺得芝士好香好濃郁，肉醬就好Juicy 腸仔真係荷蘭腸，唔係普通廚師腸 而我同老公就叫咗士林原味熱狗，入面有茄汁、黃芥末、燒烤汁、酸瓜醬、芝士粉、匈牙利腸 覺得個名好特別、諗緊係咪同台灣士林腸有關，即刻諗起士林夜市添 呢款熱狗嘅燒烤汁都幾香，仲有啲黑椒喺度 亦都非常嘢未，食完一啖接一啖，大份到食唔晒，俾咗三份一老公食因為呢個餐仲可以加$12加任何小食或飲品 我哋揀咗薯條、粟米、同一啲汽水 最後薯條食唔晒添，價錢都係$44至$54之間 性價比極高，下次一定要再支持！！🤩

齊柏林熱狗呢排好hit，但離屋企都有d距離，所以用左Uber eat叫左個芝士辣肉醬熱狗套餐。點知等左1.5小時先送到😂下次都係直接去食算啦🙈▸ 火炙芝士辣肉醬熱狗配餐套餐可以選擇兩款小食/飲品，包身偏軟如果烘得脆身d會更好食。但係個辣肉醬真係好正，第一淡唔係好辣之後d辣先滲出黎🌶肉醬亦加入生洋蔥令其更有口感。芝士的表面用火槍炙過，包、醬、芝士、腸 撈埋一齊，整體係好食係夾既😋如果有食過頹廢熱狗就會明白，一件簡單的食物有無用心整出黎真係有分別架～小食選擇左牛油粟米同薯條，好可惜因為外賣既原因，d薯條俾水氣搞到淋晒。牛油粟米如果再多d牛油會更好 🌽

因為成3點先搵野食，諗住搵啲無咁飽肚嘅嘢，行左圈決定食熱狗，點知最後都係好飽😂外賣自取，等5分鐘左右就有。叫左佢話熱賣嘅澳式風情熱狗，加左薯條同汽水。同張相一樣咁大份足料，熱狗包有烘過，暖暖哋又有少少脆皮，但入邊亦保持鬆軟。入邊有紐倫堡腸，煙肉，菠蘿同埋超級多嘅芝士加千島醬，好邪惡！🤤芝士係有火炙過，熱辣辣，同全部材料mix埋一齊，每啖都有香濃芝士味，仲可以拉絲添，正👍🏻薯條係粗薯，剛炸起非常香脆，重薯味。不過因為係拎走，所以落咗醬嘅位置會有少少淋左，不過依然係好味嘅😋真係唔好以為熱狗食唔飽人，原來可以咁飽😂一齊支持下良心店啦！

火炙芝士辣肉醬熱狗 ($42)• 材料豐富：熱狗包、芝士、辣肉醬、洋蔥、黃芥末、荷蘭腸。• 熱狗包口感十分鬆軟，內側邊位有輕輕被火炙了一下，更為香口。• 荷蘭腸外皮口感香脆、肉味濃郁，上面淋上了三層不同醬料和食材。• 最頂的芝士份量亦毫不吝嗇，厚厚地依附在辣肉醬上面，因為被火炙過的關係，口感變得帶點煙韌，芝士味道香濃。• 辣肉醬混合洋蔥一起，加上黃芥未，為熱狗帶來不同層次的香辣味道，非常惹味。• 份量頗多，作為正餐亦不失是個好選擇。

.元朗開咗齊柏林💛實要黎幫襯下叫咗一個火炙芝士辣肉醬熱狗包同埋一個澳式風情熱狗，+$12轉套餐。套餐可以配兩款唔同嘅小食，平時有冰菠蘿賣曬今日就轉咗做烤菠蘿。我哋要咗大薯條（套餐額外再加$7）x 2，烤菠蘿同埋粟米。首先講下個包，火炙芝士辣肉醬包有茄汁同少少肉碎，好食得辣嘅我就覺得一啲都唔辣。佢條腸用左荷蘭腸，份量好大同埋好好食。澳式風情就用咗煙肉，芝士，菠蘿，千島醬，食落就清新啲唔會太膩。齊柏林嘅薯條都算高質，薯條粗身之餘仲落咗千島醬同埋茄汁，食落好夾又唔會太乾身。薯條仲熱辣辣㗎，份量仲好多！至於個冰/烤菠蘿都無咩好講，因為佢真係一舊普通街邊買到嘅菠蘿咁。個粟米就好健康，如果落埋牛油就會好食好多。

🌭召集所有鍾意食熱狗嘅人🌭💛—————————————————————聽到熱狗都知我去左齊柏林食啦係咪先😎作為包控嚟講又有素食腸腸食真係好幸福🥳.🌭田園風味熱狗 （$30+$10轉素腸）佢地用嘅係beyond sausage個包就有番茄青瓜絲洋蔥配埋千島醬但啲青瓜我就覺得有啲冰同埋水～所有撈埋個醬有啲濕😂但份量就十足嘅！.🌭士林原味熱狗 （$32+$10轉素腸）哩知係Orginal熱狗款！原味＝無得輸！茄汁同芥末先係一對👩‍❤️‍💋‍👨雖然影相條腸好似縮左落去😂但係好食嘅🥳🥳🥳（只要有醬就有愛😂.🍟小食薯條&可樂 （＋$12)薯條嘅評價係：薯好食✅醬好點✅.聽聞下星期開始會轉第二款腸仔大家快啲去試下個分別啦～～～.📍 齊柏林熱狗 @zeppelinhotdog元朗鳳攸東街9號好順意大廈A座地下40號舖.💰Total: $94味: 7/10飽:7/10抵: 7/10 .我包包🥖將會繼續同大家跑素 搵盡全港甚至世界各地既美味素比大家.#vegetarian #vegan #veggie #vege #eatclean #plantbaseddiet #hkig #hkfoodie #food

香港漢堡包店多不勝數，但專賣熱狗嘅就真係唔多。聽咗呢間熱狗店個名好耐，但一直都冇機會試，今日試過之後果然係名不虛傳。佢哋嘅熱狗特點係高質，大份，CP值高！佢哋嘅熱狗全部都係即叫即整，我今日叫咗澳式風情熱狗，餡料有芝士，煙肉，菠蘿同紐倫堡腸。佢哋嘅熱狗係烤到好脆，咬落去啖啖熱熔左既芝士，配合埋千島醬真係好正，份量絕不欺場。可惜呢間熱狗店無得堂食，想食到新鮮熱辣既熱狗，唯有即場係門外食，如果有位比食客坐低食就好了。

三扒兩撥立食左個熱狗+薯條...立食嘅地方好窄, 兩個人企都略少位好彩當日得我一個~火炙芝士辣肉醬熱狗, 新鮮整嘅話, 5會難食得去邊!個包好鬆軟, 芝士好夠, 不過辣肉醬5多夠, 5夠香..整體嚟講係好味嘅~下次試其他口味

戇居居搭車去到先知，zeppelin不設堂食，唯有企街用餐🤦🏻‍♀️但又剛巧開始落雨🌧轉位去避雨亭又要餵蚊🦟仲要遇到流浪狗想分食🐕⋯⋯終於感受到勞動階層之前因限聚令下要踎街食飯的狼狽😓火炙芝士辣肉醬熱狗澳式風情熱狗細薯條2款熱狗都熱辣辣，賣相又吸引，又滿佈芝士🧀真係大件夾好食🤤雖然menu標明辣肉醬熱狗有2隻辣椒🌶️🌶，但完全唔覺辣；澳式風情熱狗因有菠蘿及千島醬，酸甜惹味👍🏻薯條熱辣香脆，美中不足是醬汁沒另上，而是預先加入薯條中，以至部分薯條變腍☹️

Zeppelin hot dog shop係香港有很多分店，係而家的經濟環境可以開到咁多間分店，等jo試下有咩過人之處舖頭面積不大係間小店，大部分人也是買外賣，如果堂食只有少許位置可站著食🌭火炙芝士辣肉醬熱狗 $42包夾住厚厚的芝士，加上蕃茄辣肉醬、洋蔥、芥末、荷蘭腸，好足料！包好軟熟，雖然寫住兩個辣椒但jo也覺ok不太辣，啖啖肉不錯呢好味指數：😋😋😋😋🌭️田園風味熱狗 $30這是jo很喜歡的口味！包夾住維也納腸、番茄、青瓜，大大條維也納腸有濃厚芝士味道皮又夠脆，加上蛋黃醬和千島醬，好清新！正好味指數：😋😋😋😋😋洋蔥圈 $20洋蔥圈上面有少少燒烤醬，炸得不錯，粉也唔算厚，但拎到番屋企就林哂唔夠脆好味指數：😋😋😋🍟芝士辣肉醬薯條 $26薯條好多芝士呀！少少辣，肉醬量剛剛好，好惹味好邪惡哈🤣味道不錯，只是薯條一樣有少少林，始終外賣拎返屋企無計好味指數：😋😋😋😋.整體來講價錢唔貴，份量好多，兩個人都食唔晒，熱狗質素不錯好大件，不過我建議如果拎番屋企食薯條可以放焗爐或氣炸鍋翻熱會好食好多，jo太肚餓懶哈哈整體評價：👍🏻👍🏻👍🏻👍🏻..

澳式風情熱狗😋3.5/5熱狗包質地軟熟唔係空氣包，內層烘烤微燶，大小完美配合條腸同埋配料，主角紐倫堡腸香料味唔太重易入口，不過略嫌煎得唔夠香口脆身。配搭芝士煙肉菠蘿千島醬一齊食，味道可以想像得到，冇乜驚喜，可以算係穩陣之選德國酸菜熱狗😋4/5呢款熱狗都係配紐倫堡腸，表面鋪滿德國酸菜、煙肉、甜酸瓜配茄汁同埋黃芥末，呢個味道相對酸少少比較開胃，味道唔錯比較有特色，唔想諗就可以試呢款。細薯條😋4/5無得頂，必叫牛油粟米😋4/5栗米都唔錯，粒粒飽滿有光澤份量又夠多，如果牛油味再重啲更加好🤤總結：款式選擇多，最重要係整體高質好味而且唔貴，2份餐啱啱好$100，最正係佢好多區都有分店，經過嘅話一定要懲罰下佢😋 .

Super Yummy! The best hotdogs in Yuen Long I tried the 澳式風情熱狗 this time. The sausage is so yummy. The hot dog bun is soft and hot. The sauce is a bit sweet and sour. I love it. As I was quite full and with my brother I asked the young staff to cut the hotdog in half. Those young guys working is the shop are polite and hardworking. In fact, this is the 8 times I came here to buy takeaway hotdogs since I tried it the first time in January 2020. I really highly recommend this hotdog shop to frien

一間不太起眼既隱世小店地理位置的確不是很好 唔特登行過去個頭都見唔到間鋪裝修都有型 門口有塊餐牌 簡單清晰主要係食熱狗 薯條 炸物由於當時太飽冇叫熱狗 但見到佢有幾種腸仔都覺得pro幾吸引最後叫左個芝士辣肉醬(茄汁)薯條唔知點解我淨嗌一份薯條會耐過後面兩個熱狗薯條飲品套餐有啲不解同唔開心哈哈👉🏻👈🏻好在佢係即炸新鮮熱辣咁比我表面芝士係有咬口個種辣肉醬有好大粒既肉 但一啲都唔辣仲有加茄汁 所以整體個醬比較酸要讚既係食到底都有芝士同埋肉醬

而家外賣就是皇道咁岩屋企樓下就有落去買個外賣快靚正其實因為方便都食過幾次了大大隻霓虹燈比您打卡是晚叫左最愛既2款熱狗如圖下每款熱狗可加$12轉套餐套餐可選擇2款小食或罐裝飲品今次我只加了一個套餐因為都系屋企食 飲品就不了所以我揀左2款小食細薯條同牛油粟米杯2款小食既份量就還好吧對於我呢個牛油控 啲牛油絕對可以再加多啲貪心既我已經系屋企加左薯條配左酸酸甜甜既汁所以變相有脆有淋既都幾惹味 會食吳停芝味熱狗($38)芝士控既我完全鐘意距到一個點有三重熱溶芝士、粟米、蛋黃醬、法蘭克福腸可能有人會覺得距有啲漏 但系我就覺得岩岩好麵包好軟屬 配芝士很撘 腸仔煎到脆口熱辣辣好好味黎個橫切面比大家睇下澳式風情熱狗($38)有芝士煙肉菠蘿千島醬紐倫堡腸 mix埋後撘就系貪距有菠蘿 甜甜的 味道清新友人最愛♥️店內系Open Kitchen, 可望可見入面衞生情況但係因為而家疫情 呼籲大家點完餐就系出面等大家都做多啲啲—————————就系想距既營業時間可以開晏少少相比同地方既餐廳 夜晚10點關門太早了