齊柏林熱狗店 (龍門居)

营业中

休息中

黎到龍門居呢頭，嗌完一堆煎炸野，諗住叫返少少refreshing嘅野翻上朋友屋企一齊食。熱狗成日都會選擇嗌好多芝士，又要拉絲又要邪惡咁，但見到有個 - 田園風味熱狗，減低少少呢個今日做完運動後大食既罪惡感因為係即叫即整，所以都要等返一陣嘅時間。呢個田園風味熱狗一咬落去果陣比到我清新嘅感覺，啲青瓜絲蕃茄同適量既醬配合岩岩好，可惜我唔鍾意食生洋蔥，但整體黎講都係好食。其實呢我都仲叫咗份大薯格，細份嘅薯格係紙杯size，所以係絕對唔夠喉！即叫即炸嘅薯格，都冇乜機會唔好食啦

經過 齊柏林熱狗店，叫左澳洲風情熱狗$36，+$12就有 COMBO set (可揀兩款小食或飲品)，我就揀左細薯條同罐汽水。透過玻璃窗，我可以見到即時製作過程。澳洲風情熱狗有芝士、煙肉、菠蘿、千島醬、紐倫堡腸，上面淋上面火灸芝士，更香更美味，味道接近夏威夷薄餅。菠蘿juicy多汁，紐倫堡腸肉質彈牙。雖然只有一位店員，但佢都好快手，等左唔洗十分鐘就有得食。店外有張高枱仔係人企係度食，店員仲好細心，見我食到隻手污糟晒，俾多幾張紙巾我添，服務幾好!!!

與友人們去買了兩份熱狗,+$12可變套餐，套餐裡可以選擇兩款小食，而menu得4款小食可選擇。咁我朋友說要加$12轉套餐，每款小食各一，職員用不太友善既語氣回應話咁即係要邊款呀。朋友就逐款逐款小食名講一次，另一位朋友就覺奇怪，向職員問餐牌有很有款小食選擇嗎？職員無視我這位朋友詢問，還要求朋友再講一次要邊款小食，話因為兩個人一齊說話，佢聽唔到。但我相信在這不嘈雜環境，兩位朋友既語調亦都是大高或太大聲，真係好奇怪這職員說聽不到，而且態度亦很不友善。最後等了大概10分鐘才拿到餐，熱狗味道還算ok,不過點餐既過程令我們對這間舖頭大打折扣

早幾日同朋友夜晚踩單車 例牌黎到龍門居都會買枝野飲 食下宵夜 吹陣水再踩返去 一段時間無過黎 又開左唔少新鋪頭 咁岩見到呢間賣熱狗同kebab既鋪頭 個招牌寫住齊柏林x燃味棧 前者賣熱狗巴 後者係賣kebab既 可能因為店主一次過攞到兩個代理 所以一次過做？無論點都好 對消費者黎講 多個選擇總是好事我就點左火灸芝士辣肉醬熱狗 單點40蚊 加12蚊可以轉餐 有小食同汽水 隻熱狗都幾大隻 芝士俾得好足 鋪到滿晒 不過塊包對我黎講淋左少少 條腸都唔夠脆 而且好似無乜肉味 可能俾個辣肉醬蓋過左 總括黎講 不過不失 下次試下其他款先

之前聽過朋友介紹她家樓下的齊柏林熱狗店的熱狗超級好吃，連她本身不愛吃熱狗都大讚其醬汁特別美味。不過我就一直未曾試過朋友樓下那店，反而今天我嚐了屯門新開不久的分店。今日去買外賣時正值大風雨，店員說他們在附近幾座屋宇都可提供上門外賣服務，不過個人覺得橫風橫雨要店員送外賣有點殘忍，都是自己親自買好。個人喜歡菠蘿口味的熱狗，故不用一會已想好吃澳式風情熱狗，另加一份小食6件雞塊，因為沒吃早餐的關係，更加要午餐吃飽一點，這根本是藉口，其實我嘴饞而已。打開盒子，滿滿的芝士映入眼簾，好想把它馬上咬一口。雖然芝士如此彭湃，但嚐起來絲毫膩味感也沒有，煙肉又不死鹹，清甜的菠蘿加上酸香的千島醬，開胃極了。還有主角紐綸堡腸，脆脆的腸衣，具彈性的香腸肉質，教人如何不愛。小食雞塊其實是大家所熟悉的麥樂雞，雞塊炸得外層金黃香脆，絕無油油膩膩的感覺。以為只有純雞塊，那就錯了，雞塊灑上滋味的燒烤汁和蔥花，使雞塊倍添風味。