影片
最近试呢间齐记美食双𩠌饭，之前都2-3点先买，今日早左12点半就到，我就叫左三𩠌饭，有咕噜肉，咖喱鸡，莴笋肉片，HK$44个问题系，呢间野唔同人装，唔同时间买系完全唔同份量，好似今次早左去买，换左个姐姐装𩠌，就明显系平时少，比一般其他店既双𩠌饭都少。少既程度系，人地叫饭𩠌饭，一个𩠌装满左边𩠌格，我呢盒系两个𩠌装满𩠌格；人地另一个𩠌放满右边饭格上面，而我只系两三件咕噜肉放满半边饭格。我见隔离个姐姐双𩠌饭都装到成个盒都满晒，我叫三𩠌饭份量仲少过隔离，心谂我仲比多几蚊。但老实讲，味道方面系唔错，系有时会太咸，例如今次既咖喱鸡。可能大家觉得食个颓饭咁认真做咩，但当你食个颓饭都要感觉比人呃钱咁，就唔系咁好受，日常已经有好多唔愉快要面对，唔应该买个饭都要受不公平对待。
继续阅读
我住元朗市，方圆一公里已经有10间8间两𩠌饭，唔系讲笑😅 不过有阵时会专登行去最远嘅齐记买，今次因为唔太饿，就叫咗个三𩠌饭同屋企人share～⭐️土鱿莲藕蒸肉饼，柚子猪扒，镬气炒双花肉饼结实，好大旧兼厚身，唔会太油亦唔会太㶶食落咸香味几重，甚至乎系偏咸，可能因为太结实所以口感争啲唔够松软柚子猪扒系第一次试，柚子味超劲，甚至乎Over咗，阵柚子味仲要有啲假🙈之前试过黑醋猪扒好食好多😅炒双花即系西兰花同椰菜花，熟既程度岩岩好唔会太淋，亦唔油或者太多芡汁，唔错👍佢嘅饭压得好实，𩠌嘅份量都超级多，佢价钱唔算特别平但系份量成正比，个人认为都可以试吓
继续阅读
this this rice 两𩠌饭（$38）土鱿莲藕煎肉饼，好有厚度，肉饼好有咬口兼弹性，而且唔多肥肉，入面莲藕粒几大粒（亦多），鱿鱼粒亦不少，调味味道唔错，个人喜欢。生炸大鸡髀，咖哩粉腌味足，鸡脾亦大只，即场食应该更好。饭底多，而且软熟干身。
继续阅读
我第一次写食评，估唔到系写差评嘅食评，但今日要爆喇。今日系齐记买外卖。收银个女人态度十分恶劣。你地都系做街坊生意。我只系想支持齐记，但齐记收银态度真系太差。我谂有呢个收银女人系度我都唔会再帮衬了。我哋客人只系想买盒饭，唔会知道佢哋嘅流程。一错左就呼喝客人。虽然系几十蚊生意，客人亦唔系大晒，我当时只系叫饭但个收银一出声就大闹呢度俾钱先呀，我心谂洗唔洗咁恶呀。我上黎睇齐记个食评估唔到有几个人都话呢个收银有问题。唉。有被虐倾向可以去呢度买饭。
继续阅读
两𩠌三𩠌饭一直系大件夹抵食之选，今次就试下齐记嘅出品如何先！❥ 三𩠌饭 ($42) 🦑土鱿莲藕肉饼肉饼超大一块，夹起都几重手🤣口感扎实弹牙，有微微咸香，而且每啖都食到脆脆嘅莲藕，果然系招牌菜式😳十分推荐🥔薯仔炒豆角绿油油嘅豆角食落好爽脆，薯粒走过油有保留到一定嘅口感，加上小小辣嘅调味都几惹味🤭🐣三杯鸡鸡肉呈现住诱人嘅酱油色，内内外外都好入味，虽然外层较为干身，但未算得上干柴，而且酱汁送饭都系几好味嘅
继续阅读