齊齊滾

营业中

休息中

原本經 open rice 訂咗 10/29 星期五下午 6:30 入座食 120 分鐘晚餐，但之後餐廳打電話俾我話嗰日其實已經滿座，問我可唔可以改期或者早啲去食，職員 Keith 有講唔好意思，最後改咗同日下午 5:30 入座，但就只係當午餐食 90 分鐘。最終我哋下午 5:00 到，咁啱又係 Keith 招呼我哋。佢好細心解釋食物選擇，非常有禮貌，抵讚。牛肉餐有幾款選擇，我哋揀咗手切封門柳，午市$238。牛肉好味，菜丸其他配料選擇多，飲品亦有好多選擇！一人一爐，我哋揀咗龍蝦同昆布湯底，好味，但加湯嗰陣建議加水，唔好浄加豬骨湯。餐廳整體環境唔錯，如果有多啲人，例如 8 個朋友，20 個朋友，可以早啲要求間一個角落一大班人食火鍋。整體非常滿意！推薦大家去試，唔會失望！

隔咗一個月再去，今次約兩個同事打邊邊！就試番齊齊滾！上個月初次去時佢哋仲算新開，食物、服務等都好ok嘅。今次諗住耐咗會唔會差咗？估唔到又Keep得到喎！食物冇退步，牛肉、豬肉等質素感覺仲好咗，手切有咁嘅水準真係唔錯！佢哋加咗海洋盤，係另外付費。琴晚試咗併盤同埋鑽石硯，硯雖然細細隻但係新鮮肥美嘅👍🏻，併盤就普通、有中蝦、蠔、小帶子等，以呢個收費完全no complaints. 今次試鰹魚湯底👍🏻（上次龍蝦湯底嫌味道太濃搶了肉的味道）。今次發展薄薄黑毛豬片好出色！琴日都有失手嘢嘅，就係韮菜餃真係太咸，因為三個食完都話太咸就應該真係咸😂。另外冇得玩綿花糖，期待你哋甜點嘅改進。服務態度真係堅好！多謝Sam哥哥琴晚嘅介紹同埋serve我哋！下次再去！

之前無意間係金馬倫道，發現左呢間店，上到去冇咩人(因為新開😅)，環境清靜，服務態度良好，一人一鍋衛生又方便，湯底簡直係用心之作，而且驚喜連連，雖然我地嗌左個＄168，因為我地主打羊肉，羊肉非常之鮮味簡直係物超所值，牛肉不錯，雞肉滑，黑毛豬香，真係唔知有咩可以挑剔，而且配料方面都非常之豐富！見隔離C餐的牛肉非常之靚，諗住下次再嚟試過😋小插曲，個口罩斷左，啊店長即刻好窩心地送左個口罩😷俾我哋🤣🤣

服務態度真係非常好！（可能新開張關係未係爆滿，聽聞6月尾先開，仲未好多人知道😂）。地方企理、食物各方面都唔錯。食食下有驚喜，服務員哥哥捧住一盆避風塘雞翼分派比客人食用，（係唔使另外加錢嘅）。稍後又有炸豆腐，雖然唔係乜嘢特別驚艷菜式，但係又幾有心思喎。講到火鍋，湯底有好多選擇，用手機點餐又好方便。如果喺甜品方便有多啲選擇就更加好喇。無論環境、餐食經驗、價錢、服務都OK，同朋友聚會可以考慮去嘅地方。

🔸特級牛肩胛套餐（$168/位）📆90分鐘午市放題尖沙咀一向被稱為美食集中地💫朋友推薦呢間開業冇耐嘅火鍋店🥘餐廳寬敞舒適✅非常適合同朋友相聚交談👭價錢實惠不在話下💰店員熱情款待❣️服務態度良好😃鍾意打邊爐嘅朋友千萬不要錯過🎉♦ 湯底 ♦🦞香草櫻花龍蝦湯以一人一鍋形式呈上🍲食客可按個人喜好選擇湯底👧🏻龍蝦湯味道清甜🌱滿有鮮味🥰值得一試👏🏻♦ 肉類 ♦🍖特級牛肩胛、穀飼肥牛、黑毛豬、加拿大豬梅肉、羊卷肉、雞柳、脆肉鯇薄切牛肩胛色澤粉嫩🐄肉味香濃🙆🏻‍♀️羊卷肉油脂甘香🐏嫩滑細膩☺️黑毛豬肉質鮮美🐽肥瘦適中👏🏻總括而言👀款款肉類都各有特色🎖盡顯大廚功架👩🏻‍🍳♦ 火鍋配料、炸物、甜品 ♦🥗蕃茄、金菇、油麥菜、娃娃菜、粟米、芝士腸、龍蝦丸、墨丸、牛丸、豆卜、公仔麵、薯粉、讚岐烏冬......餐廳設有自助區💁🏻‍♀️供食客選擇不同火鍋配料😬有蔬菜🥬丸類🍡麵食等🍜種類高達40款🔥新鮮蔬菜連同彈牙龍蝦丸🍢蟹子丸🐟豆卜等食材一同烹調🥳配搭以上滋味湯底🥣簡直係多重享受🤤至於炸物🤡炸魚皮香口酥脆👄放入鍋中涮涮更能吸收湯底精華😈甜品方面🍴日式泡芙共有朱古力🍫抹茶🍵忌廉三款口味🤠甜度適中💃🏼口感细腻👍🏻亦為豐富嘅一餐

朋友飯敍，有時要選擇適合的地方都要俾啲心思，今次選擇火鍋，但今時今日因為疫情嘅關係，個人嘅衛生標準高咗好多，所以揀咗呢間新新地嘅火鍋店有一人一鍋試試看. 火鍋湯底有六款選擇，有冬陰功，壽喜燒，沙嗲，昆布鏗魚，櫻花蝦同麻辣湯底. 我選了 櫻花蝦湯底，不是太鹹.同普通嘅日式火鍋店一樣，自取嘅食物包括蔬菜；丸；麵；飲品. 另外我揀了晚餐牛肩胛肉，切得好薄，但是美味的， 真是太抱歉了，完全忘記了拍下用QR Code 點餐嘅食物，唯有口述吧⋯⋯有牛豬雞，雲吞餃子，炸魚皮同甜品係迷你泡芙. 總結大家都食得很開心

嗰日係網上見到尖沙咀新開左間一人一鍋，就諗住去試下，因為之前食嘅一人一鍋體驗都唔係幾好，所以就抱住冇乜期待嘅心情去啦，去到之後覺得反而同自己本身嘅諗法相反，嗰度可能因為新開嘅原因，人唔係好多，適合鍾意安靜嘅人去食，員工服務態度好好，下次會再去！真心jeng！價錢都算公道，唔貴

店子裝修滿有香港情懷，盡如遊覽了香港的景點一樣，如凌霄閣、尖沙咀鐘樓、天壇大佛、灣仔會議展覽中心。至於食物方面，蔬菜新鮮，牛肉非常美味，甜品中的泡夫超級好味。店員熱情款待，與食客打成一片。

朋友話最近金馬倫道開咗間新火鍋店，自己又好耐未烚過，咁一於趁今晚酷熱天氣(晚上仍高逹卅一度)🥵🔥走去試下，其實朋友已一早卜咗房喇 😋朋友卜咗房，老板安排咗間有兩張4人枱嘅房比我哋，房間冇清到場，影到朋友，所以唔貼出嚟喇，最實際嘅，大家自己卜位上嚟體驗下啦😜有一張相係影咗專用升降機嘅，直達二樓的，大家唔好坐大廈其他客用升降機。環境實在太靚，靚到都唔記得影梗係影食物最實際啦，不同部位牛類，豚類，應有盡有，依家 21年6月晚市仍做緊每位 $238，真係抵食，抵到爛，我哋今晚食咗乜，請看看下邊嘅相啦

一個月前已訂定位齊齊出黎滾一滾，基於係尖沙嘴區，各人回家交通都十分之方便，格調並不似坊間既火煱店，座位舒適及環境寬敞。重點係自已用QR code落單，二分鐘之內已經送到你檯面，每次都不需要不停舉手去追單。👍👍講一下我最喜愛的食物先！就係炸物，炸雞翼，炸紫洋蔥圈，炸金菇，完全不會感到一囗油，廚師真係無得頂！基於我不食牛肉，我未能表達到意見，但我D朋友話封門柳好正。😁而我就最喜歡食係魚類，手唧丸，魚片，魚腩，好新鮮。黑毛豬一定不要滾得太耐，剛熟就會好嫩滑及好正。有10幾種既蔬菜選擇，每一類蔬菜都好新鮮。仲有好多種丸及餃子選擇，可惜，沒有空間去品嚐。今晚好好彩品嚐到限量版啫喱杯。如再新增多一些甜品就更加完美！

簡單食評一則： 一人一煲，個煲夠大，火力夠猛，水唔洗加。雖然有牛，有豬，有羊，有雞，但都只係滾左不同既牛肉款式。牛柏葉和魷魚幾好食。 用QR code 去追加食物，幾方便。

揀左封門柳餐，牛有牛味，丸有丸味，呢個天氣配冬陰功湯正呀最驚喜係廚師原來會捧啲熱食小食，果日誤打誤撞食到炸金菇，好食!!!!!!另外有得自製窩夫, 新開餐廳嚟講都算多食物飲品供應，仲有手工啤添!!!!