齊柏林熱狗店 (香港工業中心A座)

营业中

休息中

咁多間分店 呢間出奇咁難食叫多D千島醬 變無醬 咁原本係咪一滴醬？明明好好食既澳式 都可以整到咁難食我想寫食評先見到佢咁多難食真係以為同名同味道 難怪午市間間門口都排隊得呢間無生意一定要比大家知道呢間係好難食！超難食！！

之前對上食嘅時候係一班後生仔整 用心好多變左班大嬸之後就好難食 認真要學下齊柏林熱狗係點整 薯條又番炸 啲包又凍嘅 炸雞扒又乾 去其他分店都冇咁既情況 係呢間好難食 唔怪之得人流少咗

我叫咗個肉醬熱狗餐配薯餅，HKD58, 問佢攞茄汁，個女店員話薯餅無茄汁，得跟薯條先會有，吹脹～～其實你一個熱狗，一塊薯餅，一罐可樂，收我HKD58, 茄汁好貴?係問到出口都唔可以比， 我理解唔到。

個漢堡包超硬，唔知係焗過龍定點，但個包底下係完全濕晒㗎嘅，算得上係食過最難食嘅漢堡，仲衰過M記，質素非常之低，好耐之前試過買熱狗都係好難食，諗住今次試吓食漢堡會唔會好啲？都係失敗。

下午茶叫左個混醬的包裏有熱血！聽個名夠哂特別，原來係一隻包含茄汁，芥末，酸瓜醬，燒烤醬，仲有大大條粗匈牙利腸既熱狗，食落去啖啖肉，有少許微辣感，愈食愈野味，加多$20配多支英女王伯爵奶茶，成個下午茶都好滿足，正。

❤️第n次幫襯啦❤️因為次次lunch諗唔到食咩就會揀齊柏林🌭️我唔食辣，基本上每次都係食澳式風情熱狗，唔使諗，水準都keep到紐倫堡豬肉腸、煙肉、菠蘿再配芝士，口感真係好夾，有菠蘿喺入面，酸酸地又無咁滯最鍾意係佢哋嘅薯條🍟次次都會加$5變大薯條熱辣辣，配埋茄汁千島醬，真係勁夾**喺度我都想讚吓個阿姨，我問佢有無唔凍嘅檸檬茶汽水，佢都好好人幫我特登拆一箱新汽水拎一罐唔凍嘅比我，抵讚👍🏻👍🏻👍🏻

做完嘢 行過荔枝角 見到 有間食熱狗 同漢堡包 嘅舖頭 諗住行過試下先 員工推薦 話最多人食 火灸芝士辣肉醬熱狗 同澳式風情熱狗我嗌咗 澳式風情熱狗 因為我鍾意食豬肉腸啱啱整出嚟熱辣辣 熱狗嗰面包燙到脆卜卜好味 黑松露蛋黃醬 薯條都好 下次再來食

行入去兩個阿姨店員係度好專心咁玩手機 大叫三聲唔該都冇人聽到 叫左個澳式風情熱狗套餐薯條一半熱一半凍 個熱狗又油又唔熱 個包又燶又淋 好難食 諗住唔好浪費食物 食左半個真係唔得 嘔左未試過可以咁難食千祈唔好去

已不是初心、不了，年輕一群不見了，香工分店易手變大嬸，食物質素、服務態度問多兩句想鬧人，怪唔之得人流少左，lunch時間去到門口無人等外賣，真係事必有因，希望係其他分店仲係年經人世界

平時返工唔知食乜就有大機會食齊柏林，因為呢啲咁邪惡嘅食物就絕對係咪我哋呢啲食唔肥人而設，作為一間熱狗專門店都有唔少嘅選擇，味道材料醬汁都有唔少不同嘅配搭，當然味道上係有閃光點嘅，當然食得多都係會厭嘅，所以得閒食一餐係幾享受😎

一試再試既熱狗首先想表揚下個包裝由於係外賣APP 叫食物送到黎仲係好靚既 個熱狗都仲係原位👍🏻👍🏻👍🏻叫左一個士林原味熱狗同火炙芝士辣肉醬熱狗兩個熱狗都好食⭐️⭐️⭐️⭐️⭐️個薯條份量勁多 不過我覺得以前既薯條好食啲⭐️⭐️⭐️⭐️

今日同家人食午餐，都係叫外賣🥡揀左齊柏林熱狗🌭️二人餐兩份都係原味熱狗，薯條，同罐裝汽水首先係份熱狗好大份，個包係軟熟唔會好似岀面個種又乾又硬醬汁方面好均勻，腸又外皮脆內軟，正薯條係波浪紋個種😍配有千島醬同茄汁好滿足既午餐

有一次去做運動前經過荔枝角，見到有間熱狗店，其實係俾佢嘅香味吸引到。跟住望一望個餐牌，見到有芝士口味，就忍唔住要買嚟試下，因為我係一個芝士控，佢成個熱狗上面舖滿芝士，個包又唔乾，真係幾好味，而佢個薯條比較飽滿同大條，好有口感。真係深深愛上咗，下次再Encore👍🏻👍🏻

老世下午茶最鍾意發掘周邊的美食，今日又俾佢發掘到一間！勁sharp 的招牌，雖然是小店擺設，但食物味道絕不馬虎。美國食物，超級好味。油炸食物不油膩，腸仔好特別，辣辣的，好入味，醬料配襯得好好，芥辣好食，食完完全無罪惡感！經過大家可以試下！有好多分店！

餐廳環境 (3.5/5)外賣小店，好多人等外賣😂餐廳服務 (4/5)咁多人等緊都仲好有禮貌食物質素 (5/5)之前試過delivery到屋企覺得凍左都仲好好食，今次外賣自取，質素更好，性價比都好高！餐廳類型外賣芝士、煙肉、菠蘿、千島醬、紐綸堡腸第一啖咬落去 成口芝士同醬汁但係竟然感覺好輕盈我諗最主要係個麵包做到好輕身 平衡返熱狗邪惡嘅配料所以一個人啪晒成個都完全唔heavy!另外岀色位係 火炙味同整個熱狗好夾(唔知係咁啱火炙左定本身都會？) 火炙味道亦減少左油膩嘅感覺薯條好脆呀 食得岀唔係岀面翻炸嘅薯條仲配埋芝士茄醬 我真係一個人啪晒一盒…加$6就咁大盒仲有杯汽水其實仲加左$6要埋粟米 但太飽俾咗朋友食超滿足的一次外賣會繼續encore希望繼續保持到質素同性價比