龍城冰室

营业中

休息中

平時我都幾鐘意食茶記 畢竟都係香港風味 又好岩香港人口味♥️今日打風 無出去 就搵下茶記食下門口有好多港式麵包買，麵包控既我覺得好吸引！！賣相吸引而且好香，佢用個暖櫃擺住d包，所以即食都會又鬆軟又熱辣辣咁！👅入到去 座椅都算舒適 有好多卡位提供！👍佢個下午茶茶餐都幾多野簡，我地都諗左好耐食咩好🤣🤣🤣佢有d好似coffee shop咁，煙三文魚牛角包配沙律個d, 好多茶記都未必有🤭最後都係揀咗常餐同炒麵，常餐就普通，但炒麵好食，好足料，好香！會再去的一間茶記🥰

今晚一個人，就去咗龍門冰室食個晚餐，唔需要等位，直入卡位，但晚飯繁忙時間，需要搭檯。餐牌好多選擇，小菜，焗飯，扒類，咖喱應有盡有，最後揀左焗芝士牛脷飯，凍奶茶。可能因為焗飯關係，等左15分鐘先上餐，焗飯係炒飯底，濃味芝士汁，厚切牛脷，好好味😋芝士味好濃，好多芝士，可以拉絲的👍🏻牛脷厚切，好有味，咬落好有質感，飯內食得出有少量黃椒。飲品方面叫左杯凍奶茶少冰，不過唔覺有少到冰，正常一杯凍奶茶，沒驚喜。

一個人食晚餐，試下呢間龍城冰室先花甲表面鋪滿蒜茸，非常惹味，但有兩隻花甲係死嘅，滿口沙🙈大白菜好多，食完有d口渴，整體麻麻呢間冰室選擇都幾多，仲有新鮮出爐麵包

藍田餐廳不少，但就好像沒有什麼好選擇，互相之間鬥難食，鬥服務差，可以的話選其他區住吧，這地方不太友好😩😩😩😩😩今晚叫的是外賣楊州炒飯，味道偏淡，沒有鑊氣，就好似把所有材料放在一起搞幾下似的，最後頂佢唔順，只好自己加鹽🙄🙄🙄以前入過去食三四次，服務好的都已經沒有做，服務差的就常駐。溫馨提示，這間店的CP值好低，如果點了外賣，就自己多留意是否已經弄好，因為某些員工可能記性比較差，不會到門口叫外賣Number，就好似我今次咁，都幾無奈😮‍💨～

最近全球也開始適應肺炎對社會的影響，就連奧運也終於開幕了🥇不少人都疲於每日追看不同賽事。每天看賽事看到不同國旗飄揚，令我記起護照已經到期，要去續領了。 .已經超過一年多沒有去旅行🎑差點忘了護照的存在，幸好現在好像差不多看到曙光，是時候先作好準備。在網上很方便申請續領後，再去了藍田拿取，順道吃個午餐。 .🏠龍城冰室位於商場的正中間，十分顯眼，在午餐時段人山人海，不過單人等了十分鐘就有搭檯位。打開餐牌非常多選擇快餐常餐早已吃厭，想來點新意思，難得這裏有咖哩焗飯就來一戰。 .🍛焗咖哩薯仔蝦球飯 $58 7.5/10由於是即叫即製，等了15分鐘就上。一個熱度十足的焗飯，就已經立於不敗之地，咖哩香氣撲鼻，澆上一圈的椰漿，入口後有濃厚本土風味咖哩，既香又辣，蝦球算彈牙，不會死實實😋

一行人食午餐鎐柱銀魚蒸肉餅配白飯 加湯及嘢飲 $49鎐柱銀魚係炸起的，食落都幾甜味，肉餅就較多肥肉，食落一般，中湯飲落無咁多味精，咖啡無咩特別常餐 沙爹牛肉配通粉 腸仔加炒蛋加 丹麥酥包加嘢飲 $49想講隻包， 丹麥酥包幾香口幾酥化，配咖啡都好夾，，呢間餐廳幾特別，印象中其它餐廳都係方包或猪仔包，好少有咁正嘅包比到你。。。一個蝦球花甲豆腐泡飯加嘢飲$74泡飯熱辣辣上，咁熱嘅天氣，見到都驚，食落都係一般，無咩特別，性價比唔值

重點1: 早餐午餐時段便利呢度嘅早餐去到12點， 午餐又可以11點開始返工lunchtime成日夾喺11-12中間，有呢啲promotion 岩哂自己。早餐都算抵食！$36 有通粉 多士 炒蛋 加杯飲品重點2: 落單上餐入座速度快通常冰室有位就坐，呢度個個員工都清楚知道邊度有位坐幾多人，所以安排好恰當。你有出面啲冰室成日舉手都冇人理，呢間啲員工唔會催你落單，見你舉手又會即刻過嚟。態度已經好過出面茶餐廳， 但始終唔係高級餐廳，本來都唔會有太高期望。整體來講，冰室唔算好特別，但cp值較高嘅冰室喺匯景花園嚟計，一定係佢

我見午市，茶市都要排隊，所以就決定一試午餐，但應該不會再食午餐。服務態度：正常水平，坐低後有水，食物係快餐，非常快有湯有飲品，食物等。環境方面：卡位多，都夠闊，但枱與枱之間有點行，我會覺得無咩私隱，或者這年代會太危險。食物質素：蒸雞，如圖有雞腳，雞翼等切件，肉不太多，肉有啲梅，味道不好味。性價比：低總結：其實我想食下午茶，但今時今日次因未夠鐘，所以試午餐，但感覺像中伏。因為下午茶我食過炸脾係得架。好味指數😋

冰室常餐🌕🌕🌕🌑🌑🍽招牌沙嗲牛肉公仔麵 配3.6牛乳炒蛋拼腸仔+香酥丹麥多士 ($49)😋麵質唔錯，直到最後都唔會浸到淋晒😋沙嗲好香，淡淡嘅花生味，帶少少辣😐牛肉就比較遜色，冇乜咬口，好似用鬆肉粉醃過🙂滑蛋有蛋汁，但食得出係用咗唔少油去炒🙂腸仔正常的😋丹麥多士有誠意，烘得好脆，上面仲落咗一舊牛油😋上枱之後舊牛油慢慢溶化，非常邪惡🌕🌕🌑🌑🌑🍽凍奶茶 跟餐 (+$3)🙁少甜仍然好甜，冇乜奶味‼️聽到隔離枱可以嗌兩少甜？🙌🏻以下為一個下午茶自選餐🌕🌕🌕🌗🌑🍽海鮮湯鮮蝦球湯河 (迷你版)🙂海鮮湯即係龍蝦湯，味道偏淡，河粉係粗而厚身嗰隻🙂兩隻大大嘅蝦球爽口，算唔上鮮甜，冰鮮蝦貨色😋碗入面仲有啲絲瓜、木耳同埋菇，營養幾均衡🌕🌕🌕🌕🌑🍽XO醬煎蘿蔔糕😋八舊正方形嘅蘿蔔糕，四邊都金黃色😋XO醬都有炒過，有啲蝦米乾仔係入面，鹹鹹香香幾好食🙂蘿蔔糕就係普通酒樓食到嗰隻，粉為主，幾實淨幾正常🌕🌕🌕🌕🌗🍽熱奶茶 跟餐😋熱呢杯出色，茶唔澀好順喉👍🏻嗌完嘢食上菜都好快手‼️沙嗲牛湯底食完之後好口渴，應該落咗唔少味精

好想大大力表揚下呢間店既店員👍🏻事緣自己唔想搭檯，而平日3點見唔多人，有過半數空檯+入店前店員亦話真係有需要（指人多）先會搭檯，甘我先決定安心入去不過可能我坐既位太旺場😂一而再再而三都有人搭檯（明明有過半數空檯），我每次都同店員表示：有甘多檯，可唔可以唔搭檯？而每次店員都好有禮貌地安排另一張檯比新來既人直至第三次，位客人未坐低就已經叫咗野食，我食緊野反應唔切。既然人地叫左野又坐好左，野食又入晒檯號，我真係無理由要人走。我見後面有檯+既然自己啲野食到齊，就同店員講：如果有空檯其實真係唔想搭檯，要求比我調檯。而位姐姐店員都好快手幫我拎野調檯+講唔好意思，因為其他人（其他店員）唔知。攪到我都有啲唔好意思。所以好想公開表揚呢間既員工，尤其係果位姐姐店員👍🏻👍🏻👍🏻下午茶仲要$50有找食個超大碟碟頭飯餐，仲要茶餐廳有呢個服務質素真係好令人感動🥲

餐廳賣放左好耐既飯比人食賣成58$，火都黎埋，唔想整話無咪得，一睇就知放左好耐，食左一啖覺得唔熱，飯放到淋哂，菜都變哂色，鰻魚變哂色，入口得個鹹字，咁都唔理照比客食，一定無下次！！

早餐B有水準服務態度：一般，無主動走過嚟問我食咩。環境方面：20張4人卡位，有幾張相圓枱。卡位比較細，如果人多都會好窄吓，椅坐就都幾舒服。食物質素：沙爹牛肉面，面身唔會太軟，有口感，湯夠沙爹味，牛肉都夠味。炒疍有牛奶味又滑，芝士火腿牛角包夠熱夠軟。齋啡夠甘香。性價比：中高總結：我會再去，因為仲有其他食物可以試下，初步感覺良好。我之前都食到過茶餐，不過無寫到食評，果次都好正下，因為可自由配搭食物。非常之適合我。好味指數

今日經過藍田，第一次嚟龍城冰室食嘢.....我叫完嘢食之後，食物都好快就到。我問樓面想要少許沙律醬....佢竟然答我，你個餐沒有跟沙律醬的。所以唔可以俾你我再問這個樓面是否不可以比我。我就問佢咁什麼餐先跟沙律醬。佢同我講魚柳包餐先跟沙律醬。這間餐廳真是九唔搭八，我從來未去過一間茶餐廳，要沙律醬佢話吾可以比，你這間餐廳的沙律醬是否很貴呀！態度差食品一般服務根本沒有的

茶餐廳來講呢度嘅質素都OK嘅 平時好鍾意食佢個常餐 瑞士雞翼撈麵加凍檸茶再加個脆豬 我中午嚟食多幾飽 雞翼雖然得兩隻 但係係雞全翼 所以都夠飽個瑞士汁都幾好食 個脆豬凍咗啲但係都OK嘅

有次夜晚去食飯，叫左幾個小菜，但係等左成半個鐘都未到，於是就揾左個着黑色裇杉既女人過黎，叫佢幫我問下D野食要幾時先到，点知佢竟然無去問到廚房，仲要即刻用非常恶劣既語氣答番我，話;宜家係晚飯繁忙時間梗係要等耐少少架啦，入面有好多單都做5切，追都無用，等5到咪5好出黎食囉，出黎食飯梗係要等架啦，跟住我就同佢講:我知出黎食飯係要等，但係你都要幫我問下要幾耐到先得架，之後佢都係無幫到我問就行开左啦雖然呢間餐廳d食物叫做ok,但係最主要既係呢個女員工既態度實在太差啦，5會再有下次