龍城冰室

营业中

休息中

今次嚟到龍城冰室試吓佢地嘅早餐，雖然不是開業初期嘅擠擁，但人氣都仲好勁。我點了份F餐來填填肚子，個五香肉丁公仔麵真係欲罷不能，湯頭夠香，肉丁同公仔麵配合得嚟，攪拌一下彷彿有種"嘩，爆哂味"嘅魔法。然后個太陽蛋啊，蛋黃濕潤啖啖流心，係我心水pick。至於腸仔嘅口感就中規中矩，不過味道微咸了些。最後嘅丹麥多士，聽聞「卜卜」嘅聲響就知外層有幾酥，牛油味撲鼻而來，真係食慾大開😋！熱可立克就係畫龍點睛，甜甜哋、暖笠笠，送走了早上嘅慵懶，踏出餐廳嗰刻，都感受到心情都明媚咗。總結，龍城冰室雖然名氣未算頂呱呱，但每款食物都有佢嘅噱頭，值得再嚟光顧！🍜🍳🥐

今日早上要去藍田扮理證件，當然首先就要醫咗個肚仔先啦，原來匯景商場裏面都有好多食市：快餐店、茶餐廳和外買嘅小食都有，可能連接著地鐵站，人流都頗多。找了不久，看見有間茶餐廳排滿了長長的人龍，原來係龍城冰室，心諗咁多人排隊，呢間餐廳啲嘢應該都會幾好食，於是我都走埋去排埋一份。早晨套餐 我揀了F餐（$41）：有五香肉丁公仔麵（可轉米粉、通粉或出前一丁，不過轉出前一丁要加$3）。3.6牛乳炒蛋 （可轉煎蛋、反蛋或太陽蛋），我揀了太陽蛋。腸仔、香酥丹麥多士和一杯熱飲，轉凍飲要加$3，我揀了熱可立克。五香肉丁公仔麵熱辣辣的五香肉丁公仔麵端出尼散發著香濃的湯味，公仔麵的質地不腍也不硬，兼且有彈牙的感覺，恰到好處，配搭著微辣的五香肉丁，添加味蕾的豐富感。太陽蛋比較生了一點，仍然見到有透明還未煮熟的蛋白，不過喜歡食半生熟蛋的我並不介意，還覺得好滑和好味。腸仔偏鹹咗少少。香酥丹麥多士麵包表面烘得燶燶地，咬落去外脆內軟，還滲出微微的牛油香味，令口感大為滿足。

黑松露蝦球炒滑蛋滑蛋加上了黑松露翻炒之後，炒蛋比較深色，吃下去是十分重黑松露香味蝦球很大粒，肉質爽彈蜜椒薯仔牛柳粒牛柳粒炒得很又鑊氣薯仔表面超級香脆，外焦內軟，應該是炸完再炒加上黑椒調味很下飯

用某外賣平台order咗個菠菜汁海鮮焗飯， 預計15分鐘有得拎。去到餐廳根本佢都唔得閒處理外賣單， 睇到一袋袋食物放哂起入面但無人拎出來。而同場都有兩位男士係即場買外賣自取都一樣等成30分鐘先有食物。最後我個焗飯等咗30分鐘先有,攞上手仲要係微暖。曬時間，差。唯一焗飯既海鮮都足料嘅,不過想曬時間同食凍咗的食物先幫襯佢啦

話說今日係藍田拿嘢順便食個午餐，之前見呢間茶餐廳成日排長龍，就試吓啦！點知中伏！坐低一陣就同個扎起頭髮個阿姐落單，叫左個瑞士雞翼撈麵餐，跟住同個阿姐講：唔該比杯熱水。佢無應我，我以為佢聽唔到再講一次啦，跟住佢就好唔耐煩咁話：得啦，一陣比你。跟住比杯水我，我飲左兩大啖之後，先睇到有啲白色碎碎，好似人地食完麵包飲水吐返出來的，超級嘔心，我懷疑係唔係人地飲完杯水佢就咁拎比我，因為拿比我時係得好少水，真係內心爆曬粗口🤬跟住同個阿姐講，杯水有嘢，佢又唔應我，我再講多次，佢就話：得啦，一陣比過杯你。唔好意思都無句，依家係你比左杯污糟嘅水我！真係超級唔衛生，唸起非常有可能係人地飲過真係好嘔心，我仲要飲左半杯，依家搞到我以後都唔敢飲茶餐廳啲水。而且個面係生生地嘅，唔好食！真係唔會再去，亦都唔知點解成日排隊！唔衛生真係好恐怖，特別係依家呢啲時候！超級後悔入左呢間嘢食lunch!!!!🤬

同樣是這幾年密密開的連鎖茶餐廳, 紅茶冰室的食物水準比龍城的來得出色, 它們除了一般茶餐和碟頭飯外, 烘焙品也代替了很多街坊麵包店的功能, 而紅茶的烘焙品比龍城的來得熱燙, 除了味道和口感上的差異外, 也某程度上代表了生意的多少, 從菠蘿油更能見到. 龍城的菠蘿油除了上枱時不夠熱, 上面的菠蘿皮烘得不夠, 除了色澤不夠深紅, 吃起來一咬就散開如碎屑, 就是焗得不夠的證據.午餐的焗飯點了芝士海鮮焗飯, 同樣焗製, 水準比菠蘿油正常得多, 至少入口夠燙, 芝士外焦而質感軟溶, 有拉絲效果, 吃起來也夠香. 海鮮份量的種類同樣充足, 當然不能期待它的鮮味和鮮度, 但至少沒有雪藏味, 配以味濃的白汁和芝士, 下飯不錯, 要挑剔的也許是炒飯底不夠乾身, 配以汁醬就顯得有點軟糯, 但作為功能性的午餐來說, 水準還是可以.The pineapple bun of Dragon City Cafe is not good enough and it is not hot and crispy for the topping. The cool sensation and soft texture sh

呢頭咁多餐廳，係龍城至成日排長龍，點都要搵機會試吓。佢哋要求齊人至可以入座，咁都合理嘅，態度語氣都還好。今次試咗幾款食物。首先叫咗個豬扒常餐，佢個出前一丁都煮得幾好，軟硬適中亦彈牙，豬扒都夠大塊。而佢塊多士係丹麥多士，好香牛油味，炒蛋亦都好味道。另外叫咗煙三文魚沙律，同其他餐廳一樣操作，穩陣，菜都夠新鮮，醬汁帶來微微酸酸甜甜，開胃爽口跟住試埋魚柳all day breakfast，份量好足，有大塊魚柳，沙律底，加炒蛋、煙肉、腸、同火腿牛角包，樣樣其實都新鮮好味，魚柳都好香脆。職員們雖不笑容滿面，但都唔係差嘅。最緊要個價錢都好親民，所以抵佢要排幾個字至有得入座。

港式冰室｜📍龍城冰室（藍田）♡香鍋麻辣雞♡｜💰$65💡跟餐會奉送熱飲一杯，凍飲要另+$3💡一上枱已經聞到好重麻香味🤤雞肉食落頗嫩🫶🏻青椒同洋蔥食落都好惹味❤️‍🔥不過餐牌無顯示有唔同辣度供客人選擇，原設辣度大概係譚仔小辣咁上下🤤越食越惹味💓好送飯，所以略嫌飯唔夠多😂如果食唔到咁辣可能要自行通知店員睇下可唔可以減低辣度，整體嚟講呢個菜色都幾出色💓估唔到普通茶餐廳可以做到呢個水準，呢款絕對可以一戰！♡芝士流心西多士♡｜💰$26西多士炸至金黃色，外脆內軟💛配上有鹹香嘅牛油同超多嘅蜜糖，賣相的確唔錯。雖然切開無想像中嘅流心畫面🥲但都見到內層嘅芝士相當誘人🤤食完都幾滿足🫶🏻$26嚟講cp值唔錯

😌 小編依日傍晚約咗朋友，見未夠鐘，去咗近地鐵站嘅一間茶餐廳食嘢打發下時間。 🥪 特厚花生醬西多士 😋😋😋😋西多士好厚身，目測大約有3cm。火喉控制得幾好，👍🏻 橫切後見到中層有明顯花生醬，味道濃郁，上下兩層方包面頭煎炸至金黃，內裏仍見到白麵包嘅部分，整得好靚仔。仲食到陣陣鹹味，食唔出係咩味。🧐 ☕️ 凍奶茶 😋😋😋😋凍奶茶調配得幾好，奶同茶比例都好均勻。加咗冰，唔會溝到好水。😊下午茶 💵 約港幣$40/人💁🏻‍♀️ 依間冰室嘅卡位係有啲窄，下午茶時段會有唔少附近嘅街坊嚟坐下食下嘢。大家如果同長者去開藍田，而又唔啱掃街嘅話，可以考慮下去依間㗎！佢哋仲有幾間分店，有興趣去試下！最後，喜歡嘅話，歡迎follow @foodirectory.hk！

通常有人嚟屋企探人或者有人嚟屋企探你，都會拎啲蛋撻同埋西餅上人地度。當我諗緊唔知買咩好嗰陣，就諗起買蛋撻。你間餐廳嘅蛋撻嘅味道，非常之懷舊，好有特色。最主要嘅係佢即刻焗出嚟，蛋撻熱辣辣。酥皮外脆內軟，咬落去唔會好多酥皮碎跌出嚟。👍好多時食蛋撻最麻煩就係一咬、啲碎跌到周圍都係。同埋食落去，每次甜品非常之甜。依間餐廳嘅蛋撻個蛋亦都唔會好甜。同埋亦都有好香嘅蛋味😝😝早上或者下午茶食一件蛋撻配杯熱奶茶，真係人生一大嘅享受。😎

態度差到一個點，無禮貌！排隊買外賣，收銀果個完全懶懶閒，掛住同同事傾計，出餐仲慢，一份三明治要等20分鐘，仲要唔係暖，催左幾次仲話「係咁㗎啦，有咩同我公司投訴咯」！跟住仲要陰陰嘴笑，同同事講佢咪試下搵咯，都未見過咁寸嘅茶餐廳伙計！仲有大家要留意，就算三明治都要加收$2 「外賣盒」錢。佢只不過比個紙袋我，最後膠袋都唔比，話要加$1! 😡😡🤬而家藍田越黎越多餐廳，無必要受氣！而且只係收現金！因投訴無門，所以放上黎比大家參考一下🙏🏻

好似係我食過最好味既雪菜米之一！佢啲料好實在、好多！加了櫻花蝦令到味道更香，仲有點胡椒辣。覺得真係好好食！！其他就正常啦～ 沙爹牛麵唔係特別好味仲有芝士火腿牛角酥都算係幾有誠意既！見到佢啲包都幾吸引～！好多人都有買返屋企食

這次再去叫外賣，好似比上次好吃，同樣叫了酸菜魚，味道仍然香濃，不算非常之大辣，酸菜份量不太多，魚就是魚塊那種，吃得大快朵頤，內裏的花椒粒都不少，但卻不算一味死辣，味道相當不錯。印象中上次那個薯仔粒牛柳不算太出色，甚至毛比起自煮的更加遜色，因此沒有需要叫外賣時吃吧。另一個麻辣菜式也相當不錯，牛肉放在類似酸菜魚的醬汁裏邊，帶點麻香，配牛肉吃好像比魚柳更加精彩。紅豆冰味道也不錯，因為是以夜晚，加上喝奶茶以及咖啡都已經有三四杯，於是毅然叫了紅豆冰，紅豆夠軟林，不算過甜，因此也不錯的。太多呢類型新開所謂「冰室」，其實都是晚市小菜，你唔出色根本冇人記得，好似龍城、紅茶、十字、金記、廉記、元朗、太子咁，好難叫人一口講出餐廳或食物的特別。我向來只喜愛真正的懷舊冰室，如美都、寶時、中國、鴻運、海安、鑽石、美都、白宮。

其實一向都有幫襯開都無乜問題，都知外賣等得比較耐，但經過今日之後我唔會再幫襯!!!嬲到我一肚火🔥🔥🔥係foodpanda 叫左個外賣自取(因為foodpanda 外gc自取平過就咁係餐廳叫外賣)第一次落佢取消左我張單打黎話我點個菜賣哂叫我揀過第二個餸再重新落單咁好啦 我再係foodpanda 再落好啦今次無打黎話無 咁我咪無理以為得跟住我就係餐廳門口等外賣18:51 落，等到19:25 都未有等左35分鐘我咪問下個職員 個外賣點一開頭係門口個女人(帶眼鏡冬菇頭) 應我d 態度差到爆，話等下啦 整緊架啦 係耐d 架啦我聽完算ok fine 我等跟住19:29 有個男職員走埋黎同我講：小姐你叫個個牛仔骨無喎，你要唔要轉其他，即刻整比你我即刻火滾.... 等左40分鐘你同我講我落個個又無????仲要無人通知我我白白等左40分鐘🤬🤬然後同佢地嘈左一輪 另外個男職員仲要勁無禮貌咁同我講野!!!一句唔好意思都無我話咁轉另一個餸比我啦但因為我再叫個個小菜價錢係平過我本身叫個個我問個職員你係咪會比返個差價我佢答我無得咁做話咩係foodpanda 收你唔係我地收嗌左一輪佢話佢要係foodpanda 成張

自己真係好鍾意鋸扒🍴鋸扒唔一定要去高級餐廳，我自己就好鍾意去茶餐廳鋸扒，茶餐廳嘅鐵板上嘅扒🥩熱辣辣 ♨️ 再臨返個黑椒汁上去咋渣聲，冇得頂👍🏻咁當然啦，唔會問你需要幾多成熟😂但係咬落去絕對唔會靭，外皮煎焗金黃色脆香。牛扒🥩餐中會配搭左一個焗薯🥔焗薯唔算非常特別配搭左芝麻醬。