龍城冰室

营业中

休息中

今日放咗工之後去咗龍城冰室食午餐, 見到有個午餐c餐係茄汁鴛鴦扒意粉, 扒方面有兩塊, 一塊係豬扒, 另外一塊係雞扒, 兩塊扒都係煮得夠淋身, 比較易入口配菜方便會有紅蘿蔔同埋翠玉瓜, 茄汁方面係足夠嘅, 另外會有啲蕃茄, 啲意粉同埋兩塊扒嘅份量都唔小, 呢個餐夠飽呀呢個餐會包埋一個中式湯或者西式湯嘢飲方面都會包埋一杯熱檸茶餐廳裝修咗冇幾耐, 我見到有啲綠色嘅植物做擺設, 同埋餐廳環境都幾新淨呀, 餐廳嘅卡位都吾少, 我今日有卡位坐, 坐得比較舒服呀

今晚同左家人黎食晚餐門口裝修中，入面環境幾休閒😎是日晚餐有4款，包湯同野飲，價錢好抵啊👆🏻呢個係一人餐嘅Menu叫左覺得幾抵食嘅一人餐，揀咗鮑魚一品雞煲，跟中湯再加$9要雜果賓治。仲叫咗個鍾意食嘅椒鹽豆腐。個雞煲一上黎出哂煙好香😃，之後就開始尋寶之旅。因為同佢鮑魚兜兩兜，所以鮑魚潛左水，要搵搵。結果搵到3隻個雞煲好足料，好多雞件。啲雞件係多肉小骨，仲煮得幾入味👍👍👍椒鹽豆腐一上菜都脆，不過呢啲炸嘢梗係要趁熱食啦。中湯都幾足料，唔係得啲水有啲湯渣雜果賓治都好鮮艷好靚，而家好少茶餐廳有啦！環境都幾闊落，晚市多人都唔覺得好迫好嘈。鮑魚黎講唔會太靭，味道好入味。都對得住個價錢下次再encore😻值得推介！

又黎到塞車塞人嘅觀塘啦😂😂無論咩時候條街都可以咁多人🙄特登等到Lunch Time之後先黎食個下午茶少D人仲有卡位坐 正呀😍下午茶款式有好多 兩點半起有得食有成两頁紙俾你揀😲 嫌唔夠Heavy可以揀焗飯鐵板餐都有😂▫️特厚花生醬西多士🥜食西多士最緊要塊多士夠厚身😍一塊厚牛油放上面 配一枝白雪清純糖漿切開中間花生醬都唔少 食落無油益味金黃色外皮好正呀😍😍我就最鍾意切哂一舊舊再加糖漿🤤▫️焗鮮茄牛脷飯🍅見到佢個金牌焗飯真係忍唔住叫🤪掙扎左一陣要焗豬扒飯定牛脷前者成日食 於是揀左牛脷👅大大舊蕃茄好足料 茄汁唔會煮得太杰牛脷好大塊 味道唔會太鹹 配埋個炒飯底 粒粒分明唔會一PatPat▫️香滑奶茶☕️去茶餐廳點會唔飲奶茶架😍奶味較重 飲落好香滑 就算唔加糖都好夠甜配西多士真係一絕呀🥰

觀塘實在太多人與車，放工去買野，係附近嘅龍城冰室食埋飯先走，呢間冰室平時都係食早餐多，今次就食下個晚市啦，餐牌好厚，選擇好多，有是日晚餐，餐廳精選，都係價錢比較實惠既套餐，有湯有餸有飯有飲品，又有好吸引既皇牌鐵板套餐，今次我地點左晚市鑊氣小菜套餐，加多個小菜share黎食，有份量又抵食！-套餐：海鮮湯海鮮雜菜煲$75套餐跟埋一個飯、一個中菜湯同埋熱飲(加$3)海鮮煲材料豐富，有魷魚、蝦、魚塊、青口、帶子、幾款菜、粉絲瑤柱、菇，好雜錦，我地都覺得蝦同魚塊既味道比較出眾，味道唔錯，其他正常，湯底唔會好咸，送飯一流。中湯係鮮牛蒡甘筍粟米煲豬骨，味道正常。-小食：蔥燒牛仔骨$48牛肉味道少少咸，都係一味唔錯既送飯的選擇。

Tea time食個 tea 充充電，選擇都幾多，肚餓既話會叫炒飯之類，唔太肚餓就叫左個經典既簡單下午茶餐，瑞士汁雞脾都幾入味唔乾身，夠大隻仲有最鐘意既曲曲薯條，唔會食到成口油，已經夠滿足~

早餐B $37沙嗲牛肉麵+牛角飽夾火腿芝士配煎雙太陽蛋+凍鴛鴦總評：最高5粒⭐📌好味程度：⭐⭐⭐⭐📌回頭指數：⭐⭐⭐⭐⭐📌抵食指數：⭐⭐⭐⭐⭐呢間外賣的確係要讚下，我同同事叫外賣（最少要兩個餐），大概二十分鐘送到，速度都幾快。我點了早餐B，價錢37元，這個價錢食到一個早餐，而且份量的確係多，平日大食既我都食唔晒。沙嗲牛肉麵分湯，送到來麵唔會發脹，而且麵質幾好，放湯一段時間都唔會太索湯水。凍鴛鴦味道夠濃，咖啡的苦配上調配適量糖水，好味牛角包是全個餐既靈魂之處，一口已填滿味蕾既牛油香味，配搭芝士火腿，一流。肯定會再幫襯

在觀塘返工所以已經食過好多次龍城冰室， 但後來在附近開了間新的茶餐廳我就多數去了那邊吃午餐，今次又再來用膳。 下午茶餐～海鮮湯蝦球河$43＋ 咖哩三寶＋茶走、 野菌燒汁肥牛飯$43＋ 司華力腸＋凍咖啡$3。 海鮮湯蝦球河的湯底非常清淡🤔， 我飲不到海鮮的味道，河粉粗糙偏硬😅， 不好吃。 咖哩三寶的豬皮大件， 但口感像擦子膠， 魚蛋和蘿蔔味道正常。 野菜燒汁肥牛飯真是等了又等才到， 所有食物已經食完， 催了店員三至四次才跟進😪， 味道普通， 牛肉乾爭爭的。 最正常都是司華力腸， 飲品方面也可以。 整體食物質素比之前退步了， 上菜速度非常慢， 最慘是望住朋友吃完自己還沒有得吃的感覺😅。   

喺觀塘工業區揾餐廳食飯，一定會想起龍城，餐廳以卡位為主，坐得舒服，中西餐嘅食物款式都有好多。特別係晚餐，抵食又好味！瑤柱鮑魚福建炒飯，單睇賣相已經好吸引，飯上面真係有隻鮑魚喺度，飯底炒過，上面的醬汁食材非常豐富，有蝦仁，冬菇，雞肉、青菜粒等！炒得夠味又夠香。餐湯甘筍腿蓉忌廉湯，味道濃郁creamy!星洲炒米粉，足料又有鑊氣，具有特殊風味的星州炒米粉，黃澄澄的色澤，芳香微辣的咖哩口味，材料豐富，鹹味適中。特厚花生醬西多士，厚厚的麵包夾住花生醬，再沾滿蛋汁炸至金黃色，牛油在厚厚的金黃香脆多士上慢慢溶化，跟晶瑩的糖漿融為一體，食落外脆內軟，香甜美味。

超水準早餐👍🏻龍城既早餐一向係我既心頭好，暫時食過佢觀塘同九龍灣分店既野食都係好好食！招牌秘製香辣魷魚通粉🦑🦑🦑🦑🦑魷魚好香濃，彈牙咬口，唔會話太辣👍🏻 係必點之選芝士火腿牛角酥 🥐🥐🥐🥐🥐好少何早餐會配呢種比較特別既包！牛角酥好香，芝士夠濃味😆佢啲煎蛋炒蛋🍳🍳🥚🥚都好出色👍🏻餐廳環境衛生光猛，侍應幾好禮貌～2人早餐價格都只係$90，非常抵食👍🏻👍🏻👍🏻

這間位於觀塘嘅龍城，係好值得去拜會嘅！ 估唔到佢嘅早餐係咁驚喜滿分。職員落單又快，又準，最專業嘅係，佢係無用手去Mark 低你要咩嫁！出餐仲要好快添！熱辣辣嘅早餐，簡簡單單咁，係一日中最重要嘅活力來源，就係一份熱騰騰的早餐真心推介炸菜肉絲米，炸菜夠爽口，微微嘅辣香，配合呢款微透又彈牙嘅米粉，完全將米粉的米味再升華～ 好食到停唔到口啊！另外，炸豬仔都好香脆⋯ 牛油搽得啱啱好，唔太油膩，又會食到牛油香有得揀，就一定會黎呢度食早餐好開心今日係星期六早晨，唔食排隊就食到

今晚出街簡單食 搵左茶餐廳解決呢度晚市一樣有小菜食 簡單炒左個菜和蒸了一碟排骨加例湯加白飯豆豉鯪魚炒油墨菜 咸香惹味,每條菜都索左咸香魚肉味道,味濃菜鮮豉油蒜蒸排骨 選用特肥排骨,蒸完口感嫩滑又帶甘香,啖啖肉好食個汁撈飯一流每位包餐飲 和例湯 今日例湯幾清甜好大碗足料Dragon City Cafe觀塘駿業街56號中海日升中心地下A號舖消費$120評分8/10

呢個焗芝士腸仔肉醬意粉係即刻叫即刻焗出來，擺到上枱係熱辣辣，你見到表面焗到有少少黑黑地，其實咁樣係會好食啲嘅，因為會香口啲，芝士同埋肉醬嘅份量都算多，所以呢個意粉係充滿咗芝士嘅香濃味道。意粉方面都係有口感㗎。西多士都係即叫即刻炸出嚟嘅，你可以選擇奶油醬或者係糖膠，上面會畀咗一塊厚厚嘅牛油咸牛肉蛋三文治，呢個拎到上枱嗰個牛肉同埋蛋都係熱嘅，都係即刻整出嚟嘅。呢間餐廳都有好多張卡位，我哋今日兩個人去食下午茶，可以坐張四人嘅卡位。

返工途中掛黑雨，住得遠返唔到屋企🥲，唔想心理咁唔平衡，去嘆個早餐先返公司。第一次試龍城冰室早餐，茶餐廳/冰室名物沙嗲牛肉公仔麵唔少得🐮🍜，作為店內招牌食物，味道不過不失，沒有太大特別之處，牛肉份量有5-6塊，公仔麵唔是出前一丁，煮得略為軟身（本人鍾意硬身少少嘅公仔麵）早餐配有3.6牛乳炒蛋🍳併腸仔，仲有芝士火腿牛角酥🧀🥐，芝士上碟時係熱溶，唔馬虎，幾有誠意，沒有將價就貨。配埋杯熱奶茶☕️，奶茶鍾意飲熱，覺得容易飲得出夠唔夠滑身，呢杯奶嘅比例多少少，沒有茶的苦澀味，味道都唔錯（沒有加糖）不過唔夠滑。成個早餐咁多嘢食連埋飲品只係💰$33，絕對高性價比之選⭕️，十分抵食！

龍城冰室一向都係我認為幾高質嘅餐廳，今次叫咗外賣嘅福建炒飯同避風塘豆腐，價錢都幾實惠，福建炒飯就算外賣到都非常之熱辣辣，入面有三四隻原隻蝦，食落新鮮嘅，又有一隻青口同其他配料。避風塘豆腐味道十足，只係外賣林咗少少姐。

龍城冰室👻去觀塘上水彩畫班上完堂去食個下午茶好耐無食茶餐廳見到龍城下午茶都幾多選擇即刻去試下😄😄.🔅香脆炸雞髀+XO醬炒蘿蔔糕 HKD 41炸雞髀夠哂邪惡不過我鍾意間唔中放肆一次唔緊要啦😆炸完入面都仲係好Juicy雞肉唔會太乾身炒蘿蔔糕就方形Size一啖一粒啱啱好蘿蔔都幾足料😚😚🔅公司三文治 HKD 55料都算幾多蕃茄炒蛋餐肉仲有生菜點特製沙律醬烘底烘到啱啱好少少脆脆到咁份量都好大份😆😆🔅紅豆冰 HKD 8 (跟餐)紅豆好靚好甜夠綿煮得又夠淋配埋椰汁perfect match真係好鍾意飲紅豆冰🤣🤣.整體黎講：下午茶抵 款式夠多😚.🎈 龍城冰室 (觀塘)觀塘駿業街56號中海日升中心地下A號舖