影片
营业时间
今日营业
06:30 - 16:30
18:00 - 23:00
星期一至日
06:30 - 16:30
18:00 - 23:00
以上资料只供参考，请与餐厅确认详情
這間祖堯坊的屋邨商場酒樓，這10年8載已經易手改名了三，四次。知道他們生意難做，今天(2025-02-11，星期二)，中午在荃新天地附近辦完公事，和同事共4人去找地方吃午飯，諗住祖堯坊有停車埸優惠，便開車上去。一入停車塲閘，沒有入埸票根提供(有指示叫司機撳掣取入場紀錄)，已經不是味兒。入到(龍廷)，問收銀員(中年女子)，泊車優惠如何得到，她頭也不抬起，只是冷淡回應，我好忙，你自己看牆上告示，……看了，是①$300元，免一小時，②$500元，免二小時。我跟住再問她身旁穿白恤衫(沒有外套，沒有領帶)的中年男子(估是經理)，我說入停車塲沒有進場紀錄提，該如何取得泊車優惠？該男子，也是冷淡回應，……我地呢度做唔到嘅，你出番閘口同更亭職員取啦。獲得極冷淡的(招呼)，算了吧，諗住快食快走。去到柜面埋單，($452元)，先前的女收銀，仍是笑容欠奉，亦沒有主動提醒我，你只欠($48元)便可以有二小時免費泊車優惠，會不會考慮幫襯多($48元)呢？老實説，若她有此親和提議，我是會繼續幫襯的。終於，拿了付費單据，出去停車塲辦理(一小時泊車優惠)，點知職員說，你是要持有酒樓發出的(一小時泊車優代用券)，我這個出閘亭才能幇你豁免一小停泊車。又死死氣行回200米外的收銀處，找回該女收銀說，車埸要酒家發出的優惠券才能有泊車優惠……她才不情不願，在櫃桶內，取出一曡泊車優惠券，撕出一張，加上蓋印，一句道歉也沒有……天呀！！！這是甚麽港式服務！！！我今次的遭遇，完全映響了我(留港消費，港人撐港)的念頭。…….不值得受氣受屈……食評也給回一個中肯價值觀，中規中矩，屋邨食物水準尚算合格。
继续阅读
拼盤同埋點心其實都唔算太特別，薄𦉘叫做即叫即煎，夠鑊氣，夠熱，已經係加咗好多分。點心嘅蒸籠夠大，拼盤又多個款式，但但味道就冇乜特別值得一讚嘅地方。馬拉糕都係冇乜特別，不算太甜，但又不覺得鬆化反而比較特別嘅係呢個煎堆仔，夠晒熱，內裏嘅流心奶黃非常熱，無論賣相定還是味道都一流。我諗嚟呢度10居其九都係附近嘅老街坊，我自己次都係探屋企人先至嚟呢個酒樓，不過想唔到，原來呢度望返落去葵涌貨櫃碼頭，雖然貨櫃碼頭嘅貨櫃數量以及流量都每況愈下，不過望到海景嘅景色，定還是祖堯邨附近嘅環境，以及公屋村難得一件嘅泳池，都係相當美好。
继续阅读
朋友仔介紹屋邨酒樓，胆粗粗去試下🤔大家點了一份燒鵝湯粉，可惜姍姍來遲，而且燒鵝味道一般，皮不脆，有點像隔夜不新鮮🙄。湯粉夠熱。叉燒腸粉及牛肉腸味道正常，好滑夠熱。叉燒包正常水準點心拼盤內既粉果皮薄餡正，即時再追加一籠潮州粉果，個個都喜歡椒鹽豆腐正常水準蜆芥鯪魚球既蜆芥超正，店家好大方，大大碟。鯪魚球熱辣辣同蜆芥好夾。沙薑雞腳好入味，煎釀尖椒像賭大小，有辣有唔辣😅😅炸雲吞好脆，酸甜醬好夾另一嘩嘩聲點心係這個咖喱魷魚勁香濃😋😋最後追加煎腸粉，煎到剛剛好
继续阅读
好多年都無喺娘家屋企附近飲茶，因為多數落葵芳荃灣飲，今日直接上去祖堯邨，就老人家覆診試喺屋企樓下酒樓！入內覺得裝修都算新淨光猛，同N年前嘅印象差好遠，感覺好好多！可以多d幫襯！服務都幾好，雖然伙記唔多，但都會主動理顧客！點了鐵觀音，茶香不是無味的，滿意！香酥叉燒酥，熱熱的，酥皮脆，如果叉燒餡料份量多啲就更加好！好味👍適合人數少飲茶，一兩個人可以選三併五併點心。蝦餃蝦屬中size,皮都算薄，燒賣都ok, 粉果多餡料但略嫌咸咗少少，淡返d更好！蝦肉蒸魚肚，兩樣料都幾好，口感&味道都唔錯咁耐無試，整體感覺幾好，仲可以好似細個時走去望吓個游泳池，可以再黎飲！👍
继续阅读
星期六唔覺意去咗祖堯邨食個午餐，午市食個炒飯套餐，迷你福建炒飯個炒飯底好有誠意。 粒粒炒飯都有蛋包住，有驚喜！ $138 套餐性價比高。 有屋村停車場泊車就喺門口，環境又開揚，送餐姐都好有禮貌！
继续阅读