影片
更多
2017-06-30
1377 浏览
我最愛食辣野，打邊爐，個個朋友都知道！有朋友仔食過呢間新開嘅小店真心誠意推介，好！朋友打電話落去BOOK位，我就負責拉埋其他朋友仔黎闖一闖試下呢一間餐廳先！位置： 佢係粉嶺聯和墟度，呢度一向都聚集左好多好野食！地舖唔難搵，跟住地址去就搵到。我呢個九龍人，我黎嘅時候搭港鐵去到粉嶺站A2出口，沿電梯落直行，會見到小巴，巴士都去聯和墟！到左聯和墟和泰街，沿住和泰街行留意就見到，門面光猛。環境：間舖頭坐得幾舒服，新開張地方光猛整齊，佢有2層，枱同枱之間空間感OK。佢地嘅打邊爐味好香，門口已經陣陣飄黎陣陣香味！食物：我好開心呢度涮涮鍋有好多選擇，要有傳統雞煲又有、食烤魚又有、叫特色湯底打邊爐又得、又有好味嘅涼菜同埋小菜小食，不時又有唔同驚喜推介，我地呢班朋友好多心樣樣都試下！飲品要開紅酒、啤酒、汽水、餐廳自家製飲品都好齊全。就係因為我地咩都想試下，店員又好細心推介招牌菜，我地就精選左以下嘅食物黎試一下！未人齊時，我地就叫左佢地大師手工涼菜黎試下！涼菜篇冰鎮話梅涼瓜車厘茄：出面行完一輪，大家見到呢個涼菜時大家勁開心，有冰墊著上桌，有話梅香嘅涼瓜，涼瓜最啱夏天食，夠清涼又消暑，佢嘅苦味啖啖的，最緊要
位置： 佢係粉嶺聯和墟度，呢度一向都聚集左好多好野食！地舖唔難搵，跟住地址去就搵到。我呢個九龍人，我黎嘅時候搭港鐵去到粉嶺站A2出口，沿電梯落直行，會見到小巴，巴士都去聯和墟！到左聯和墟和泰街，沿住和泰街行留意就見到，門面光猛。
環境：間舖頭坐得幾舒服，新開張地方光猛整齊，佢有2層，枱同枱之間空間感OK。佢地嘅打邊爐味好香，門口已經陣陣飄黎陣陣香味！
食物：我好開心呢度涮涮鍋有好多選擇，要有傳統雞煲又有、食烤魚又有、叫特色湯底打邊爐又得、又有好味嘅涼菜同埋小菜小食，不時又有唔同驚喜推介，我地呢班朋友好多心樣樣都試下！飲品要開紅酒、啤酒、汽水、餐廳自家製飲品都好齊全。
就係因為我地咩都想試下，店員又好細心推介招牌菜，我地就精選左以下嘅食物黎試一下！未人齊時，我地就叫左佢地大師手工涼菜黎試下！
涼菜篇
冰鎮話梅涼瓜車厘茄：出面行完一輪，大家見到呢個涼菜時大家勁開心，有冰墊著上桌，有話梅香嘅涼瓜，涼瓜最啱夏天食，夠清涼又消暑，佢嘅苦味啖啖的，最緊要係有好特別嘅話梅香味，更有層次地帶出呢種甘甜味！呢個小菜好啱清清喉嚨，呷一口冰涼啤酒！好嘆！
巴蜀跳水羊腩片： 呢一度菜係我最鍾意同最有驚喜嘅！！！！留下深刻印象佢個秘製醬汁同羊腩片都好好食，我又特別鍾意食羊！呢個又係個個朋友食完都好鍾意佢嘅菜式！羊腩片啖啖肉又無骨又諗，有羊味，記得記得記得點埋佢個秘製辣汁，麻香辣味十足，同個羊腩片勁夾味，加埋佢嘅青瓜條一齊食，好FRESH！同埋。。。我真係好想打包成個辣汁番屋企撈麵食！
櫻花蝦涼拌萵芛：店員推介今日可以試到呢款涼菜，萵筍我每次打邊爐都會叫，鍾意佢翠綠爽口好味，但第1次見櫻花蝦同萵筍呢個配搭好驚喜！刀工一流嘅師傅將萵筍切成細絲， 細心咁加埋好多櫻花蝦個人LIKE爆，入口好清新同埋好鐘意櫻花蝦卜卜脆嘅感覺，櫻花蝦加落去，感覺都矝貴左！
麻辣拍青瓜： 呢個佐酒小食係朋友仔最愛，佢欣賞呢間餐廳做得唔錯！我有食過有些餐廳整到好酸，又油，但呢度嘅麻辣拍青瓜唔會一層好重嘅紅油浸住哂，佢嘅蒜香、麻香味、辣味做到恰到好處，少少涼菜都見功架！
飲下等下食下人齊喇，我地可以上主菜喇！因為呢度雞煲都有2款 （秘製雞煲，仲有一個蒙古香辣大盆雞鍋），又有烤魚，又有小菜，大家心大心細樣樣都想試，所以一早決定精選小小火鍋料，主力試多些主菜！
主菜篇：
蒙古香辣大盆雞鍋：一場黎到未試過蒙古香辣大盆雞鍋，又見到隔黎枱叫好似幾香，就叫左一盆黎試下！佢嘅蒙古香辣大盆雞煲，佢地落足蒙古香料秘製，所以獨有香味同平時食嘅有啲唔同，重要係佢啲雞得醃得好入味又嫩滑，唔係單靠個湯汁比味落去，配料仲有好多土豆片，同雞一齊繼續滾，土豆片入哂味，湯內蕃茄味亦滲入雞件同配料中！大家唔停口咁專心食雞，連芫茜同芹菜都唔放過大家爭黎食！我地之後再加湯放唔同火鍋料落去圍爐去！
龍爺烤魚鍋： 我好鐘意食魚，特別打邊爐時候，我地又試下佢嘅烤魚鍋，揀左魽魚！魽魚好大條，肉質入口甘香肥美，肉嫩皮脆，有個朋友仔平日唔多好烤魚都讚佢無泥味又無腥味，同埋鐘意佢炸過條魚唔會咁易散，同埋骨炸得香脆，對魚骨心理威脅大減，食得開心！師傅已經悉必加入左雲耳作為配菜，雲耳吸收呢個辣辣湯汁好好味！我地都同時加啲湯落去再之後再落火鍋配料吸下魚湯味！
手工火鍋配料：
手工即炸響鈴：佢一上枱已經俾佢吸引左，好少見到鮮響鈴咁大舊同咁脹卜卜架，相機同眼球都俾佢吸引左，食落好脆好脆唔會好油，新鮮炸果然非同凡響些，有豆香味！二話不說已經分一半就咁食，另一半就落湯度吸湯汁！大家食響鈴3秒拎上黎係常識吧！不過我個人鐘意就咁食，又或者浸好耐先食，吸下蒙古雞鍋湯汁！
手工鵝肝墨魚丸： 佢粒墨魚丸好實在好彈牙，落得佢用足料，因為佢唔會好似溝好多粉咁好諗 ，圓渾渾白雪雪咁好吸引，淥熟後食鵝肝油香溢出，鵝肝同墨魚滑係絕配好夾味！好希望佢每粒鵝肝再大粒D滿足我嘅鵝肝控願望！哈！
之前推介今日有干煸四季豆同埋水煮桂花魚，咁我地當然話要試下啦！！！！
干煸四季豆： 食多D菜試下佢個四季豆，呢個係川菜常有嘅家常菜，又係我朋友仔次次去食川菜必點菜式！幾好食喎，我鐘意佢炒得夠味又唔會太油，唔會有多餘嘅油係碟上，肉末同辣味配埋四季豆，咸鮮爽脆，炒得有鑊氣火喉剛好，怪唔知得朋友仔咁鍾意呢個小菜。
水煮桂花： 食開川菜嘅人就知，呢層紅油都唔代表佢辣度，你可以自己同師傅要求，小辣定超大辣！哈哈，佢個水煮桂花我地叫左中辣啫～桂花魚魚片好！滑！溜！夾起都滑走，HAHA，魚片厚薄切得適中SIZE又易入口。睇得出佢嘅水煮魚都水準唔錯，佢上面有好多花椒同辣椒乾，上枱味道好香！有驚喜！
我地坐下食下飲下啤酒，又飲下佢嘅自家製薏米水，好開心嘅一晚聚餐！呢間小店有咁嘅食物質素！推介！
张贴
