龍朝牛雜牛腩專門店

营业中

休息中

牛魔王幼麵 ＄48（肺、腸、肚、膀、腩、筋）呢個係選擇困難症首選，乜都有份量又夠多 牛肺爽脆 腸又肥 牛筋夠味又淋 48蚊好抵食 中意食牛雜真係首選崩沙牛腩河 ＄42牛腩大概都有8舊 都幾多肥瘦適中 脂肪位入口即溶 甘香又唔會太多 最最最值得講嘅就係蘿蔔 吸曬牛骨湯 又夠淋 好好食淨鮮蝦雲吞 $32雲吞皮滑 蝦彈牙夠新鮮大隻大細都適中 女仔一啖食曬岩岩好🥰+$14配通菜及豆漿通菜配腐乳，都係大路嘅食法，佢哋嘅腐乳好濃，鹹香味十足

中午放飯又同同事們去搵食，諗住試下d未食過既餐廳，係唔知食乜既時候就見到呢間龍朝，就廢事諗咁多入去食，先睇個環境都幾整齊企理，燈光鮮明有幾張4人枱同6人枱。睇過下餐牌見到有崩沙腩，一定要試，另外都仲有d飯餐，肚餓既可以選擇食飯，另外枱上竟然有樽菜脯俾你任食，鍾意食菜脯既朋友呢次爽皮啦。崩沙牛腩河崩沙腩位置近牛肚皮同橫隔膜，有少少筋膜同肥膏，食落口感豐富，牛腩味都幾足，大約有7-8塊，河粉質素都唔錯，唔會煮太腍唔易斷唔易散，配料有2件蘿蔔，蘿蔔無渣但唔算好甜，都可以，湯底黎講就唔算濃味，所以再加返少少潮式辣椒油同菜脯就昇華晒，真係好耐無食過咁好食既腩河。牛雜河同事就揀左牛雜河，佢就話牛肚比較硬d，d牛似後擺落去食落乾身d，始終無崩沙腩咁正，勝在幾大碗，河粉有質素。另外加14蚊跟套餐就多個油菜同飲品，我地就揀左菜心同通菜，菜既部份我略為覺得煮腍左少少，同埋比較油，而菜都唔算好甜，只屬一般，飲品都係奶茶咖啡之類，正常水準。整體而言對呢間龍朝既食物質素都算滿意，想食崩沙腩呢間都係幾好既選擇。

呢日心血來潮突然想食牛什，睇左食評D人個個都話好好食，於是就決定過嚟試下😅，坐低叫左碗牛魔王河，點知⋯⋯🥲，D牛肚可以好似塊牛皮咁硬，其他就都算正常但真係唔係好食，即係中伏

呢排喺元朗返工 中/西/日/韓幾乎樣樣都食齊 等我今日就食下魚蛋粉麵先 粉麵當中我最鍾意食牛雜一個人的午餐太豐富了吧 我叫咗個牛雜飯 有紫菜湯奉送 淨牛丸 凍奶茶 埋單價$80有找 仲要食到超飽 好滿足 好抵食牛雜同飯都好多 原來咁大碗 我覺得可以叫一碗兩個人share食都可以 牛雜抆到好淋 牛肚一咬就撕開 吾黐住牙 牛腸好肥 好彈牙 整體好食五香汁好濃味 用來拌飯吃一流 紫菜湯好清甜 有碗湯濕濕個口 都幾好牛丸淨食 一碗有七粒 好抵食 佢嘅牛丸真係真材實料粒粒彈牙爽口 仲有大量蔬菜墊底呢個湯底實在太好味 又唔想浪費 所以我用咗黎湯撈飯 仲要加埋菜譜 又香又辣 口感爽脆 弄得我越吃越多超誇張 一個女人仔差唔多清曬成枱嘢食

這天同朋友來到元朗行山睇紅葉，行完搭巴士落到元朗市區朋友有事走先，於是我就自己搵野食。呢間位於教育路的牛雜牛腩專門店，經過門口已經聞到濃烈的牛腩香味，於是就決定試一試佢！ 餐牌上推介崩沙腩必食，但又見牛魔王河是銷量第一，作為牛的愛好者，我想會一會呢碗牛魔王。 =牛魔王 $48=果然聞名不如見面，呢碗牛魔王銷量第一係有原因的！首先湯底是以慢火熬製的牛骨湯，牛味濃郁而不油膩。而且材料貨真價實十分充足，有齊腩，肚，湯，肺，膀，筋，仲有籮白。 牛坑腩非常之軟冧，一口咬下完全唔會感覺難咬而且非常之入味，牛肚爽口，牛筋彈牙，牛腸牛肺牛膀也很入味，值得一提的是籮白，軟冧冧無渣又索曬牛骨湯，正！ =炸魚皮 (細) $12=炸魚皮我見好多枱都有叫，咁梗係要試埋啦。魚皮炸得酥脆恰到好處，薄身但唔硬，放進牛骨湯底三秒即食，正！ 另外可以$14加配油菜及飲品，我加了生菜加腩汁。 豐富地食了河粉，牛腩牛雜，菜及魚皮，大滿足！豐豐滿滿的離開元朗區了。

今日入咗元朗探朋友仔，LUNCH TIME好想食牛腩麵，一於買外賣上朋友屋企食，順便買多幾樣淨食齊齊開心SHARE～揀咗朋友屋企附近既龍朝牛雜牛腩專門店，位於元朗教育路，店舖整潔明亮夠哂光猛。牛腩麵牛腩肥瘦相間，軟嫩Q彈又多汁，麵條彈牙爽口有嚼勁，大滿足~淨墨魚丸入口富有彈性，爽脆又彈牙，正。淨鮮蝦雲吞大大隻好有咬口，餡料豐富又鮮香。芥蘭、菜心新鮮翠綠夠哂脆嫩，健康之選！炸魚皮炸得夠厚身，油脂豐腴，特別厚實香脆～蘿蔔味道鮮甜，無苦澀味，甜軟又入味。

屯門教育路嗰頭真係好多野食。今日我去探朋友，順便去其中一門牛腩店斬料返屋企。餐廳光猛乾淨。如果堂食嘅話，選擇唔算少，就算麵底都有6種，伊麵係少有嘅選擇。銷量第一嘅牛魔王麵都係48蚊，有內臟，牛腩，牛肚，牛筋，性價比高。我就叫左崩沙牛腩＋牛筋（雙拼，大size $150) 。崩沙牛腩牛腩位置每嚿都有少少肥膏加筋膜包住。入囗鬆化。牛香味同油香味好濃。好好食。牛筋牛筋抆到好冧，索到湯汁味。 食每一啖都好似食咗好多collagen落肚咁。餐廳細心地將湯汁同牛腩分開上。分量足料抵食。

這間位於元朗的粉麵店，主打牛腩，有我至愛的崩沙腩，而且價錢大眾化。炸醬撈麵幼麵麵質爽口，淋上炸醬汁酸酸辣辣十分開胃，而且份量十足。崩沙牛腩米牛腩帶點牛油脂，入口肉質鬆化，牛肉味濃郁，而且帶有油脂甘香，加了自家製的辣椒油更添風味。牛三寶河這裏外賣有分湯，河粉即使外賣返到屋企，依然保持爽滑，牛筋入口溶化，牛肚炆至很腍，牛腩需不及崩沙腩甘香，但都幾香牛肉味又夠腍。淨墨魚丸墨丸爽口彈牙，裏面有粒粒墨魚肉粒，幾有咬口。炸魚皮香脆。

阿媽出咗去玩，所以晚餐要自己搞掂， 食完午餐經過呢間鋪頭，決定嗌外賣就最方便🤣 以下份量可以2-3人分享～淨牛腩（例）$68夾出嚟發現牛腩嘅份量其實唔少👍🏻 牛味香濃，肉質軟腍幾嫩口，有肥有瘦，加埋腩汁配生菜底。淨牛筋（例）$68份量都幾多，牛筋外層軟腍，咬落口感彈牙，係滿滿嘅骨膠原吖🥰 同樣有腩汁配生菜底。包兩小盒辣椒油🌶️炸魚皮（大）$20大大包好香，口感非常酥脆，容易咬又唔介口，我食唔停🤤 靚女夥計態度好好，招呼周到👍🏻 下次可以試下堂食😊

今次嚟到元朗呢個美食集中地，想同大家推薦一下呢間位於教育路嘅牛腩牛雜專門店~崩沙牛腩河 $42整齊排列嘅崩沙牛腩燜得好入味同軟腍，肥瘦部位均勻，而且好足料，大家記住要叫加腩汁！牛魔王河 $48餐牌寫明銷量第一，又點可以唔試吓，而且鍾意食牛嘅朋友見到一定會必點，材料好豐富，事關一碗就有齊牛肺、牛腸、牛肚、牛膀、牛腩、牛筋，特別欣賞牛筋、牛腩同牛肚，牛筋彈牙，膠質豐富，牛腩燜得好淋，牛肚好爽口，河粉吸晒湯嘅精華，湯底飲得出熬製咗好耐，好重牛味，搭配埋清甜嘅蘿蔔，真係好滿足呀🤤淨鮮蝦雲吞🦐 $32淨係睇雲吞嘅大細就知道餡料好足，蝦肉都好鮮甜~炸魚皮(大) $20每次必點！炸得好香脆，而且大大一碟，份量好多，最啱浸落湯度食😋另外想食菜嘅朋友仲可以加追加油菜($10)

今日真係好多野做，仲要去元朗銀行處理事情，攪攪下個lunch 三點先有時間去食。肚餓到打鼓，呢啲環境，最好選擇緊係走唔甩河粉麵。一來快靚正，二來我一向最鍾意食，尤其是牛腩河。見到呢間「龍朝牛雜牛腩專門店」，係門口未入鋪頭，已經比佢啲牛腩香味吸引住，唔使諗就食佢。坐低睇完餐牌，一心諗住食佢個「金牌崩沙腩」，點知 …… 可惜真係太受歡迎，一早沽淸了。心諗唯有退而求其次食「牛魔王河粉」（$48），可轉套餐包一碟油菜及一杯冷熱飲品（只需加$14）。原來「牛魔王河」是消量第一，果然真係有原因嘅，河粉夠滑溜，牛腩牛肚甘香可口又入味，仲配有牛腸、牛肺、牛膀及牛筋，全部炆得剛好。最正係碗河粉有蘿蔔。跟餐碟油菜都份量足，我今日食蠓油芥蘭，烚得啱啱好，非常嫩脆，配埋杯凍奶茶，十分爽皮皮。真心覺得非常扺食！其間見到個煮麵師傅雖然做到冇停手，但佢仍面帶笑容同每個客人道謝和說再見，深深感受到佢真很熟愛自己的工作，呢種敬業樂業精神十分難得。

元朗出名多美食，而且每家食肆都甚具特色，這家位於元朗教育路的龍朝牛雜牛腩專門店，不用我多說，從店名已估到他們專門以牛腩和牛雜為主打。店內有各式各樣牛的粉麵，有牛腩、牛三寶、牛雜、牛筋腩，當然少不了牛魔王至愛的牛魔王粉麵。除了牛肚牛雜外，店內亦有雲吞、魚餃和各種丸類可供選擇。招牌牛雜麵（HK$34)招牌牛雜麵有牛肺、牛腸、牛肚和牛膀，食材新鮮，每一種的軟硬度都拿捏都很好，軟腍之餘又留有嚼頭。麵條採用優質全蛋麵，口感爽彈得來有蛋香，比起鹼水麵更香滑。崩沙牛腩河（HK$42)一片片的崩沙牛腩整齊排在碗內，牛腩的牛味濃，忟得入味，配搭自家製的菜莆和清湯蘿蔔就更錦上添花！油菜/飲品（+$14)加$14 升級至套餐，有油菜一碟及一杯冷或熱飲品，價錢實惠。門面內在環境大大盤香噴噴的牛腩和牛雜。掛了一排排的牛腩、牛雜。餐牌

牛魔王河$48銷量第一嘅牛魔王河粉，有齊晒牛肺、腸、肚、膀、腩同筋，可以一次過試晒牛不同部位嘅美味。先試下個湯底，相比起試過嘅其他同類店鋪嘅湯底，佢呢個湯比較冇咁重口味，但都好濃郁惹味。牛筋彈牙，牛肚爽口，腩肉肥瘦適中，黑掹掹嘅牛膀口感特別，索晒湯汁好好味，牛肺牛腸都唔錯，仲有啲蘿蔔，軟腍冇渣又入味。河粉份量十足，食到好滿足。崩沙牛腩米$42崩沙腩肥瘦均勻，食落油潤軟腍得嚟又爽口，牛味濃郁，非常入味，配爽滑嘅湯米粉嚟食，超讚！炸魚皮(小)$12炸魚皮都好受歡迎，好多食客都會點。佢嘅炸魚皮比較薄身，唔會太硬，酥脆得嚟有空氣感，味道又唔會太鹹，就咁食或用清湯稍為浸軟食一樣咁美味。淨豬肉丸$32大大粒豬肉丸，爽口彈牙唔會成口粉，肉味濃郁，味道唔錯。

放工落了元朗買外賣返去同阿媽一齊食，老人家喜歡食粉麵，所以去了龍朝買牛筋、雲吞及四寶河。這裏主打牛產品，所以是必食之選，粉麵都是由$30起，價錢貼地。先要了淨牛筋例牌，份量十足，牛筋更是入口溶化，膠質豐富，充滿牛肉香，阿媽都咬到。紫菜四寶河有魚旦、墨丸、魚皮餃、魚角及豬肉丸，一次過可以試到5款口味，魚旦彈牙，墨丸爽口有粒粒墨魚肉，辣椒油更是精華所在。淨鮮蝦雲吞有七隻，蝦肉爽彈鮮甜，有點大地魚鮮味。

忙完一日行程趕住急急醫肚，本身想食碗牛雜飯，就走入舖頭。地方唔大但好新淨整齊，姐姐落單快手，樓面員工都有禮貌同招呼。見到餐牌有牛魔王($58)食，除左牛雜之餘又有牛腩、牛筋，感覺好豐富，貪心啲決定要轉食牛魔王😋，仲叫左支涷豆漿($10)飲住等。紫菜湯先上枱，之後碗飯見到牛雜同牛腩份量都好多。牛腩軟嫩滑溜，肉味香濃好送到飯。牛筋彈牙，牛雜各部位都好香口，其實淨係食牛雜都好飽了，飯底好努力清左一半🤣