龍津美食

营业中

休息中

其實我唔明點解每次叫多醬，好少次數會真係多醬都算，今次就簡直過份直頭好似冇醬咁，我已經同姐姐講咗好幾次唔知佢係咪同我鬥氣，一個鍾意食多醬嘅人見到一塊咁嘅餅真係冇曬胃口

撈面加魚蛋賣$18，撈面連半個碗仔都裝唔滿，姐姐煮左半分鐘就撈上來，食落面條仲係生嘅，好彩係即刻食，唯有叫佢再煮一個面餅。佢幫我煮過一個新嘅面餅，煮左足足5分鐘，依然好硬，又無咩味，以前都會煮一個$3一隻嘅營多撈面，宜家直頭係無牌子嘅面餅加不知名調味品，仲要係永遠煮唔熟嘅面。辣魚蛋未煮夠時間，完全無味（係咸味都無，簡直健康之選），表面白晒晒。雖然都唔期待好食，賣嘅又係平民小食，都唔係貴價野，但係里個質素真心對唔住佢個價錢。

简单来说，好味，价低，服务亲切。内地人来这边很多东西吃不习惯，但他家的东西真的是好多我都喜欢吃。我点过好多种类，肠粉吃过，鱼丸吃过，煎酿三宝吃过，味道都很棒。他们不会拿放冷的东西给你，会做成半成品再加热给你，所以都很好吃。我计划把他家其他的东西也都吃一遍。非常推荐

我最近成日都食北角雞蛋仔，今日經過嘅時候已經閂咗門買唔到，但係又口痕喎，所以嚟咗屋企附近嘅華輝小食食雞蛋仔。平時買開嘅，北角雞蛋仔要$25一底！我覺得係非常貴嘅，以前食雞蛋仔好似唔使$20不過依家見到華輝小食都已經加咗價，之前$16兩底🤣依家$15一底我食完之後覺得北角雞蛋仔係貴得有道理嘅。我去買啦，佢唔係即叫即整，而係俾一個擺咗應該一段時間嘅雞蛋仔俾我。而且係凍嘅真係食唔落我鼓起勇氣，返去同佢講叫佢換一底俾我啦咁佢都肯換嘅，俾咗一底啱啱整好嘅俾我但個問題係，即使係即刻整好，熱辣辣嘅，都係好難食….原來食過好食嘅雞蛋仔之後，真係返唔到轉頭。佢即使係熱辣辣，啱啱整好，但都係唔脆。亦都冇乜蛋香味。餡都唔軟。最後我係冇食晒….

嗌左份大牛雜40蚊，個兜已經細，仲要裝唔滿。我再三講「我大牛雜啊！」，個阿姐話「係咁㗎啦」早啲收檔啦！仲有個男人，我話要10件三寶，我一路講，佢一路好串咁話「講啦！仲要乜啊」我講緊啦

炸大腸串 ($14) ●●●●○推推👍🏻好juicy aftertaste甜甜地😹 食落乾淨冇渣 但真係非常邪惡 同埋比圖片少咗嚿 T^T韮菜豬紅大腸 ($25) ●●●○○我哋叫咗走大腸，所以姐姐俾返多啲韮菜豬紅我哋湯汁香辣🌶️豬紅嚟講呢 質感幾腍 輕微痴牙 唔知係咪本身啲味已經滲咗入湯嘅緣故 本體冇乜味 得表層仲有味 入面就淡口啲🩸韮菜ok 有鮮味同埋份量好多！🌿🐷嘅評語（我代打）格仔餅 ($14) ●●◐○○呢個價算唔錯，但係冇特別入面嘅醬（佢話係花生醬、煉奶）搽得唔均勻 而且唔夠鬆軟🧇 除非突然口痕，唔係嘅話都唔使喺呢度買 ٍ ٛ . ̫ . ٛ ٍ📍龍津美食💰: ●●●●○

今早經過舖頭，想買個早餐，見到阿姐戴住外科手套在舖外執地下D食物殘渣，我好奇睇下佢會唔會換手套，點知佢真係冇換手套，直接再處理食物！！！好惡心，依家疫情下，仲有D咁既事，真係難以理解。

琴晚去買小食，俾咗一百蚊，轉頭講我記錯俾嘅係五十。一張紅一張綠點會俾錯？我趕住返屋企一個人未計較，不過搵D黑心錢有咩意義？周圍又唔止你一間小食店。知呢間係新開，本想長期支持，不過呢種經營理念，做唔長

每次經過都會買十蚊燒賣魚蛋加辣辣汁調配得適中好味其實十蚊買一送一即一蚊粒可以有咩要求丫？但佢又真係整得算係咁熱辣辣無唔熟咁都叫放得入口丫係咪先問心 都好食架 我覺得識食 一定係食佢個辣如果唔係食黎做乜？

買個雞旦仔食，點知仲要受佢氣， 已經見住佢比我之前位客人 已經燶晒 但仲好意思比人！ 下一位客人 提佢不要咁燶 反比佢鬧 他們的態度差到不得了 地説 得到未到你啦！ 嘩 咁樣做生意 我走都走吾切 一蚊都唔會幫親佢！請也不吃

其實唔好以為佢真係有甜品只係食完飯同老虎加兩條化骨龍經過記得同事話佢夾餅好好食（我都熟客仔但字試過）就問老虎食唔食港式窩夫呀？老婆見到就準奏啦買左兩底試試佢食落又真係好好食喎佢唔係厚所以加上有少少脆既口感個漿本身唔係好甜加埋都係個d牛油花生醬煉奶沙糖出黎效果比車仔既更好食佢份量比一般既細同薄但對食量唔大或者口痕搵甜野食既人真係幾好加上佢$20有兩件真係抵食之選份量細左但又會平返d價錢公道加上佢營業時間好長（未見過佢關門）真係隨時都有得食抵我做佢熟客仔

自從一開左龍津之後都比較少幫襯隔離既小食店，因為佢比較平，魚蛋燒賣依舊十蚊，雖然份量比一開業果陣少，但都仲起碼係一蚊一粒！比起隔離既小食店平，我個人就覺得魚蛋燒賣哩d野最緊要平！所以龍津絕對係我first choice👍🏻

建議黎大圍嘅各位去其他街邊小食店啦~呢間去過幾次服務態度真係非常差，叫左雞蛋仔故意將放到凍曬個份俾客人，而且唔知點解間店舖入面有位阿叔對客人態度特別差，見有人行近就好唔友善望住人地，仲串返個客，唔知想點...所以各位想食街邊小食嘅話不如去附近其他比較好，費事突然受人氣啦主要係小食唔好食，特別係雞蛋仔，又凍冰冰又無味道，完全無蛋嘅香味...食完想嘔返出黎仲有就係衛生方面都唔係幾好，會將放左好耐嘅嘢食俾客人食。

龍津真係好抵食！又平，食物質素又唔差，性比價高！魚蛋燒賣買一送一，$10有2串。加埋沙爹醬，辣辣地，好正！炸雞翼都好好味，$9，原本炸好左，買個時會幫你翻炸，好味！

龍津平就大家都知，好多時都有買一送一，我最鍾意佢既雞蛋仔！外脆內軟，d肉又多，次次行過都忍唔住買一抵一路行一路食～不過留意雞蛋仔同格仔餅都係冇買一送一架！唔好搞錯呀