龍津串燒 (已結業)

已經凌晨諗唔到食乜去到深水埗入咗呢一間龍津串燒竟然有意外驚喜 唔錯 叫咗一啲海鮮同埋蔬菜 質量都不錯 自己較為喜歡係大頭蝦同埋雞翼， 大頭蝦睇落去燒到好似好乾咁但係呢食落去反而感覺又彈牙又， 最估唔到係隻雞翼燒到外脆內軟脆卜卜加埋個孜然粉辣辣地簡直係超級好味

今日放工同老婆唔知食乜好經過呢間串燒店好多次都冇幫襯今次就試下啦！點知竟然有驚喜喎！首先講燒生蠔，喺出面食過好多燒生蠔都係蒜蓉蔥呀辣椒咁啦味道都差唔多但係呢度唔知加咗啲乜粉特別好食㗎喎，個重點係咁啱依家佢做緊特價十蚊一隻超抵第二樣驚喜就係新鮮魚皮出面而家好少食到以前老店做出嚟嘅爽脆，佢做到而其他串燒都正常ok嘅,如果想食串燒都會再嚟

📍龍津串燒 (深水埗)深水埗黃竹街37-41號崇德大廈地下B及B1舖之前睇社交平台介紹過呢一間餐廳 專登過嚟試試✨汁燒大啡菇 ✨豆皮✨安格斯牛仔骨✨厚切豬腩肉✨翠玉瓜✨尖椒✨蒜燒鮑魚✨泰式花甲 整體食材新鮮 而味道及調味的確不錯 廚師的確用心製作食物但製作過程太耐 點餐後 最少等左15分鐘都未有得食同埋不斷不斷有漏單情況…職員甚至將食物落錯枱…情況混亂食食下都冇心機繼續影相…整體用餐體驗✨味道(3/5)✨環境(2/5)✨服務(2/5)
✨抵食(3/5)

琴晚9點幾去食 一坐低 寫完張餐單比佢 等左半個鐘都冇野食，佢仲拎張新餐單比我落order,我心裡吓左一聲，即係耐到佢都唔記得有我依個客，我問佢地有冇幫我落單，佢地話仲要等大若15分鐘。真係痴線，食個串燒要等9個字。格離多人嗰枱先係客，少人嗰枱就唔係客?最後我要比埋野飲錢(先走得，依d鋪頭你地食埋我嗰份啦，真係不知所謂。間鋪又唔係大，一係就溜單，一係就唔跟單次序做。細細地間鋪幾枱客都做到敢，做唔掂就摺左佢啦

深水埗宵夜串燒好去處 即叫即燒生蠔都係$20/隻 仲營業至凌晨四點 門口有泊車位幾方便 串燒選擇好多 價錢唔貴 如果呢區想食串燒可以去試試.一定必點⭐️燒生蠔$20/隻 每人限點兩隻有蒜蓉同埋泰式兩款口味 試試蒜蓉味重蒜香之下都感受到生蠔好鮮甜 高質必點見到入嚟嘅客人 全部都有點生蠔 識食.除此之外 個人鍾意⭐️燒豬頸肉$30/2串焦香 肉質小爽⭐️蒜蓉/泰式燒扇貝$40今日扇貝都好大隻 肥美 係平時常見泰式生蝦酸辣汁嘅味道 幾開胃 但都幾辣⭐️蜜汁燒白鱔$48串燒必點白鱔 皮脆 鱔肉彈牙 juicy⭐️燒大頭蝦$25超大隻厚肉 蝦肉都唔霖 鹽燒之下蝦殼燒到超級香特別講一講⭐️滕椒魚皮$44魚皮厚身 好爽口 麻香十足好惹味.佢哋串燒選擇好多連⭐️燒賣串燒⭐️芝士丸串燒$16都有.仲有食串燒必點大量蒜蓉食物⭐️錫紙蒜蓉粉絲花甲$42花甲完全冇沙 新鮮 粉絲吸哂蒜蓉汁超好食⭐️錫紙蒜蓉金菇$30⭐️惹味蒜蓉燒茄子$36.#龍津串燒 (深水埗)地址：深水埗黃竹街37-41號崇德大廈地下B及B1號舖.⭐️評分：味道：4.2/5環境：3/5服務：3.5/5抵食：3.8/5.（記住分享比朋友 追蹤/like 感謝你哋支持

餐廳目前只做串燒，如果想食炒飯、炒粉面就沒有了。串燒的食物質素平均，但價錢中上。另外，廚房人手不足，可能因為周五夜晚多客，由點菜到有得食第一道菜，足足要等半小時多，建議好肚餓的話千萬不要考慮 不肥餓但冇耐性等的話也不要考慮 這裡較適合一班人只為聚會吹水而不為食的朋友可考慮第一道燒好的是芝士腸 由於等得耐太餓 食左唔記得影相第二道是韮菜 我就像這韮菜 收割的不只是錢 還有時間第三道一次過來的是 豬頸肉、尖椒、多春魚、牛舌第四道來的時間相差不遠 是豆皮第五道是花枝丸、露筍豬肉、奶饅頭、粟米粒串第六道是雞中翼、燒茄子第七道是雞軟骨、雞腎和牛柳粒第八道是扇貝

👍🏻蒜蓉燒蠔 & 泰式鮮蠔 $20/隻👍🏻蒜蓉燒扇貝 $100/3隻👍🏻蒜蓉燒鮑魚 $30深水埗宵夜好去處🔥！開到凌晨4am都有嘢食，鋪頭出面有得泊車，揸車去食宵夜都好方便所有串燒都係即叫即燒，燒好即刻送上枱整體海鮮做得唔錯，當中最鍾意燒扇貝，裙邊非常爽口，扇貝肉鮮嫩彈牙鮑魚同燒大頭蝦都唔錯，鮑魚新鮮爽彈唔韌，大頭蝦蝦頭好多膏🤪！但最抵食一定係燒蠔，做緊優惠，蒜蓉同泰式一樣係$20/隻，蠔肉大隻肥美多汁唔腥蒜蓉汁鹹甜微辣，唔會太濃味遮蓋晒鮮味泰式汁就係泰式生蝦嗰種，比想像中辣，酸辣開胃，啱晒重口味人士仲有多款燒魚，黃花魚、馬友、白鱔、秋刀魚等，火喉掌握得啱啱好-肉類串燒比較推薦豬頸肉同豬腩肉豬頸肉細細塊，焦脆香口油香重，豬腩肉就厚身少少，肉味更濃呢度仲有得飲椰青，係串燒店幾少見😯-部分串燒價錢參考🔸燒大頭蝦 $25🔸錫紙蒜蓉粉絲花甲 $42🔸蜜汁燒白鱔 $48🔸秋刀魚 $30🔸燒馬友 $88🔸燒黃花魚 $68🔸牛柳粒串 $30🔸厚切豬腩肉 $20🔸豬頸肉 $30/2串🔸豬仔髀 $32🔸一夜乾雞翼 $24🔸京蔥雞肉 $20🔸蒜蓉燒茄子 $36🔸原隻椰青 $32-味道：7/10性價比：7/

深水埗都有幾多串燒檔，但呢間坐得係最舒服，冷氣位有7、8張檯，室外位置都好寬闊，唔似其他舖咁差兩步就係車路。至於食物方面都有驚喜，d蠔肥嘟嘟好鮮好甜，咁大隻之前係$100/3隻，而家做埋優惠$20一隻，勁抵食之餘燒蠔方式都有兩款，一款係蒜蓉燒，蒜蓉味夠香而不過咸，另一款叫泰式汁，呢個簡直食上癮，個汁香、辣、咸、酸、甜恰到好處，同個女仔傾偈得知真係泰國人主理，無諗到呢間舖咁中式都會專登搵個泰國人專門做呢個泰式汁。要俾十隻手指公佢。我哋仲食左：燒鱔：鱔本身好彈牙，加埋蜜汁包住鱔食落夠juicy。粟米粒串：香甜，女仔最鍾意，因為食落方便，唔會好輪盡，真係心機之作。燒賣：師傅燒得真心好，外脆內軟，唔似其他燒到成粒乾哂。仲有食左一夜乾雞翼，燒白鯧仔，台灣腸，錫紙花甲粉絲，大頭蝦，馬友，黃花，原條茄子都燒得美味。因為有朋友唔食得太辣都無所謂，佢哋檯面都放定兩樽辣椒粉同孜然粉，好細心。特別一提有款小食叫捧捧魚乾比起雞泡魚干香d同埋軟身d，出面亦都唔見有呢款魚干。我哋食夠300蚊有張9折卡下次可以用，呢次嘅食之旅個個都好開心大滿足，一定會再嚟encore。

✨宵夜之選🍢深夜海鮮串燒🍻✨又到串燒時間😋位置係深水埗同太子中間小店開至凌晨4:00 近馬路邊渣車都方便前身係粉麵檔 除左有粉麵食🍜主打一系列串燒有海鮮、雞、牛、豬、羊、小食、錫紙類等等好多種類選擇 平均都係$10幾蚊串👍🏻而燒魚類選擇亦特別多 如秋刀、黃花、白鱔、白鯧等🐟串燒可以自選辣度 小辣至大辣🌶️最近做緊$20燒蠔優惠😍燒蠔非常大大隻 接近手掌咁大😳推薦用泰汁燒🤤酸酸辣辣好惹味😋仲有泰汁燒扇貝蒜蓉燒鮑魚$38就有花甲粉絲 $32大大條蒜蓉燒茄子 性價比高👍🏻蘆筍豬肉卷同燒煙肉芝士大啡菇都必點粒粒粟米串飲品除左啤酒 汽水 豆漿 竟然仲有椰青😳另外仲有串燒到會 六人套餐$1200同十人套餐$2100

好難得有生蝦食的燒烤店，蝦頭仲可以椒鹽，配搭啤酒一流！食到我同朋友都舔舔脷～生蠔好新鮮，好大隻，仲有兩隻口味泰式和蒜蓉⋯啲蒜蓉實在太香了～其他啲串燒都好好食，最緊要啲食材新鮮，種類多，價錢又唔貴，同埋開到好夜～

叫左雞翼、魚皮、羊肉串、燒茄子粟米、蒜蓉粉絲花甲、蒜蓉燒蠔、油甘魚鮫、鵝肝多士。串燒其實同坊間差唔多，最正係鵝肝多士、燒蠔同油甘魚鮫。出面好少有得食。鵝肝多士- 鵝肝唔會腥，多士脆卜卜，咬落去好鬆化，一咬落去鵝肝啲油晒出嚟，正啊！！！燒蠔- 蒜蓉味好重，蠔好大隻，應該唔係本地蠔，仲大過手板！✋🏻✋🏻油甘魚鮫- 魚鮫位夠肥美，油脂及膠質重，入口甘香，油份充足餐廳環境雖然簡潔，但枱與枱之間嘅空位較多唔會好迫夾，坐喺度都舒服，唔會有壓迫感。上餐雖然唔算快，或者因為外賣較多，但可接受。重點係佢開到四點，好岩傾計消磨時間聚聚

串燒即叫即燒，食物質素唔錯👍🏻環境舒服冇限時，我地由夜晚11點黎食到2點半都冇趕我哋走。串燒唔錯，但我反而鐘意食燒物多啲。必點泰式燒蠔，燒白倉魚，滕椒魚皮1）燒蠔多汁又大隻，泰式鮮蠔好味道配搭好好，好鮮甜，下次會試埋蒜蓉味。2）魚皮爽口彈牙，份量都算多，幾麻但又唔會太辣，加埋青瓜好爽脆。好味3）燒魚燒出嚟唔乾唔腥又多肉，師傅話啲海鮮仲成日換款式嘅，呀… 仲有玻璃樽可樂真係少之又少！呢間一定會再有下次

深水埗區宵夜好去處- 深水埗區凌晨可以坐低聚腳既地方真係少之有少，地方雖小，但五臟俱全。串燒選擇算多，有魚有肉有海鮮。有燒物，又有其他小食，仲有二人餐我最鍾意食佢個鵝肝多士同鮮蠔，好少串燒地方有得食，味道好價錢唔貴。性價比都OK！鵝肝多士- 燒得好靚，出面小小脆，一咬落去油脂充滿係個口到，一啲都唔腥，雖然肥，但都要食泰式鮮蠔- 大大隻，大過我手板。醬汁exactly 係泰國嘅味道，仲好多汁，好juicy!! 另外蒜蓉味都好味道！總括嚟講食物都幾好，就係覺得燈光太光😂但絕對會再幫襯

我最近去了一家串燒店，對於他們的食物我給予了很高的評價。他們的食物不僅味道非常好，而且質量也很不錯。首先，他們的串燒非常美味。我點了一份雞肉串和牛肉串，兩者都烤得恰到好處，口感鮮嫩多汁。雞肉串的香味非常濃郁，而牛肉串則更加嫩滑。他們的調味料也很獨特，讓整個串燒更加美味。他們的服務也非常周到。服務員態度友好，迅速為我們提供了所需的餐具和飲料。整個用餐過程非常順暢，讓我感到很滿意。總的來說，這家串燒店的食物非常不錯。他們的串燒美味可口，其他小吃也很好吃，服務也很周到。如果你喜歡串燒，我強烈推薦你去這家店嚐嚐

凌晨3點終於有一間好食嘅串燒可以幫襯吓先講環境，光猛得嚟又乾淨，冷氣又夠，坐得舒舒服服，人多仲可以將啲枱拍埋，每張枱仲有紙巾任用個後生仔做嘢又爽，十分唔錯廚房兩個人做，雖然出啲嘢唔算快，不過態度好好，味道係港式味道，我覺得有8分以上我食左雞軟骨唔乾身金菇肥牛卷必食牛舌夠厚台灣腸食得出唔係平貨粟米粒粒過癮粟米非常甜甜番薯秋葵豬頸肉扇貝唔貴，新鮮飲品選擇都多細細間五臟俱全，洗手間乾淨又可以泊車喺門口呢啲細舖勝在有人情味，如果鍾意食淡口啲，就可以同個哥哥仔講唯一缺點就係第一個樓面，落單有陣時要等一等，哥哥仔未必隨傳隨到但係凌晨食嘢，呢度係一流