影片
2025年2月14 晚上黎食，可能人手唔够，都要等下，见到全部员工都好到踢晒脚，其中一个最后生既楼面，好想表扬下佢，因为完全唔够人手，派飞，叫飞，落单，捧餐，执枱，执外卖，埋单，全部都要做，其他员工都好忙，大家都好尽力serve 客，后生女仔全程都好好态度，控场做得几好，每个task 都尽力做，尽力满足客人，讲返食物，当然系一如以往既好味，建议餐厅放返派飞机系门口，同埋QR code 落单，应该可以减轻人手不足问题
继续阅读
职员态度差又恶劣😑，上餐又很慢，要杯热水职员非常肤蚬了事最后也欠奉，食物质素较差又唔热，而汤则非常咸故所以性价比极低. 附近有很多美食的肯定下次不会再来了(服务费是白付的!)
继续阅读
巳经食过几次,每次都觉得好好食食物系即叫即整,所以炸物出到黎都好好食~温泉蛋滑蛋吉列猪扒丼饭配唐扬炸鸡配椰果荔枝茶抵食又好食!滑蛋吉列猪扒唔热气唐扬炸鸡炸得刚刚好椰果荔枝茶好饮~吉列鸡扒寿喜烧牛肉丼都系好食!吉列鸡扒脆卜卜,寿喜烧牛肉甜甜地好食
继续阅读
新都城商场最角落位有间日式猪扒专门店，呢间日本出名平民食店，开咗好耐每次入去食都系坐满人，证明实力有几隐阵牛舌吉列猪扒定食$85牛舌有牛味，口感软腍有咬口，猪扒肉质唔系特别嫩滑，正常口感。份量充足鸡扒牛肉寿喜烧锅定食 $75牛片生熟刚好，鸡扒肉质都大块，份量好充足，酱汁𩠌饭一流个汤太咸，饮咗一啖饮唔落去最好食系个炸蚝$45 即叫即炸，生蚝都新鲜，配沙律酱劲好味总括肉质不是嫩滑那种口感，但不会overcook，胜在份量够，又坐得舒服。
继续阅读
#小秘书 #演唱会后群症 发作，返屋企冲个凉、再执吓啲相已经系凌晨三点💤 成晚辗转反侧… 人在家、心仲喺 #亚博 😆 成晚失眠，唯有早啲起身，清理吓凌乱嘅书枱同房书间，比自己放吓电😉 搞搞吓时候都唔早，朋友仔原来已经一早到咗😅 我只好嗱嗱临换件衫就出发🚕本来谂住简简单单食个 #下午茶 就算嘅我，但系有人就话点都要有啲饭气先至够饱肚，仲话突然好想去 Ca-Tu-Ya 吉豚屋 吉列猪扒专门店 食 #炸猪扒 🐽 一向就得人嘅我，梗系唔会say No… 不过对呢餐就真系有啲失望😏 我叫嘅 #吉列鸡扒牛肉寿喜烧锅定食 份量都唔少，不过配套就认真要改善😅 饭碗摆到埋嘴边先发现有一角崩咗，为咗唔想𠝹亲个咀，我只好硬着头皮要求换过… 冇谂过师傅居然喺我面前，就咁将碗饭直接倒落另一个碗就算，咁无仪态都得嘅？ 而 #寿喜锅 上面嘅 #鸡蛋 上枱嘅时候已经熟透，似乎同餐牌上嘅照片系两回事😅 主角 #吉列鸡扒 口感亦不似预期，咬落去一大层肥膏、肉嘅气味仲有啲怪😏 … 所以最终我都只系饮咗个汤，成盘食物嘥晒😝－向胜价比高嘅 #吉豚屋 似乎有啲失手😅 难怪星期日嘅下昼时间都坐唔到3成食客啦😏📍 吉豚屋吉列猪扒专门店 (将军澳)欣景路8号新都城中心二期2楼2006-07号舖
继续阅读