影片
港铁香港大学站 B2 出口, 步行约3分钟
继续阅读
开饭介绍
餐厅提供各式中式小菜，如梅菜扣肉、京葱牛肉及生煎南非鲍等。大厨更曾于五星级酒店工作。
继续阅读
营业时间
星期一至二
11:30 - 15:30
17:30 - 22:45
星期三
全日休息
星期四至日
11:30 - 15:30
17:30 - 22:45
公众假期
11:30 - 15:30
17:30 - 22:45
公众假期前夕
11:30 - 15:30
17:30 - 22:45
以上资料只供参考，请与餐厅确认详情
正值疫情高峰期，系屋企附近揾紧有咩外卖买既时候俾店面既黑版吸引到，超值午餐葱油猪扒饭只系$40都唔洗就决定试下系咪咁抵食ORDER完等5分钟到就拎得好大既一袋，因为个饭连汤同饮料感觉真系好抵HAHA份量足够，相信正常男人食完都够饱例汤中规中矩，一般茶记味道但重点个饭就有惊喜猪扒应该系即叫即煮，有少少脆口软淋入味，带少少肥膏，非常香口再加上捞完葱油既饭，好满足估唔到揾到好野，抵食夹大件就系呢D佢既超值午餐菜式会不定时更改大家可以留意下值得一试
继续阅读
听闻哩间店噶中式菜好好味，今日一于去试试！openrice度话哩间店噶炸豆腐一定要试试，甘我就点左个炸豆腐，然后加个水煮鱼，加碗白饭，甘就一餐。炸豆腐真的好味道，外脆内软，好有口感，仲有个酱汁，加埋个酱汁更加开胃！而水煮鱼我就麻麻啦，因为条鱼好多骨头，所以我都不是太满意条鱼。
继续阅读
平时行过见到佢嘅餐牌有煲仔饭已经好想试，前几日终于可以入去食个腊肠北菇鸡煲仔饭，$78仲包炖汤，好抵！个饭好足料，侍应问我要唔要葱同鼓油，葱就唔要喇，鼓油就必需要啦！落完鼓油再焗3分钟到就可以开盖喇！有好多腊肠，少肥唔会得肥膏。鸡肉好滑，冬菇都好食。同区有间出名嘅坤记，我食过一次，要等位之余，落单后仲要等一个钟先有得食。价钱仲要唔平，差唔多要$100一个煲仔饭。想去西环食煲仔饭，我建议大家嚟依间囍囍试吓，8:30pm后仲有特价煲仔饭$58。
继续阅读
我哋本身系想去食活一鲜架 但系实在太多人等紧位啦😭又已经八点 我哋好肚饿 所以我哋就喺同一条街度行吓睇吓 之后就发现左呢一间餐厅😍我系俾佢餐牌𠮶个$58炖汤吸引住 最后都无失望 非常之唔错呀呢间餐厅🤤🤤·杏汁花胶炖白肺 $58呢个炖汤好好饮😍😍系超真材实料饮落去好舒服劲滋补又唔会有太杏 因为我本人其实唔太钟意杏汁😂😂佢入边都有成2/3旧花胶 好有诚意😈而且入边啲汤渣唔会好柴差 仲系超嫩 开心🥳·蒜蓉粉丝蒸扇贝$58呢一个系我哋𠮶日食嘅时候既是日精选 所以好抵食😂😂我哋系一入到餐厅就闻到门口𠮶台既蒜蓉味超香 就拍版叫呢个😏佢个带子都OK嘅 不过唔算话真系好大粒 不过个调味做得几好 系个粉丝蒸得干左少少 但系都ok既😌😌·京都猪扒 $88呢个都超好食 可能因为呢一间铺头系细细间 所有嘢都系即叫即整 超新鲜😎佢一上台系劲香 个肉超tender 个调味都好好 超送饭☺️☺️··📍西环石塘咀皇后大道西540-546号地下D舖
继续阅读
之前嚟过食中午饭，第一印象已经好好，觉得野食好味，价钱比其他舖贵少少，但系值。今次系经过，天气冻冻地，想揾煲仔饭食，咁岩见到囍囍门口有煲仔饭餐牌，所以谂都唔谂，就入去食喇。一入到去，有个女服务员劲勤力去serve我地，好有礼拜同好幽默；另外有个男服务员就推介佢地今期promo，不过我地想食煲仔饭多d叫完野食，女服务员拎左两碗好热嘅中汤嚟，一试，系好好味嘅老火汤，好重料嘅味道之后，煲仔饭嚟到，服务员帮我地开盖加埋豉油同葱，好细心。等左3分钟，急不及待食喇！好好味！好好味！好好味！（重要嘅事情要讲3次先得）我地叫左北菇滑鸡腊肠煲仔饭+窝蛋沙爹牛肉煲仔饭。以前喺其他地方食煲仔饭，d腊肠系好难咬开，但系囍囍就唔同，好易咬开，皮都好脆，好香好新鲜咁鸡肉就好滑、饭好香好新鲜。而蛋牛饭就特式d..阵味同平时唔似，可能佢唔系就咁牛肉，系沙爹牛肉，不过都好好味！整体上，北菇鸡饭果个好味d，下次想食煲仔饭实会再嚟呀！
继续阅读