影片
港铁奥运站 C1 出口, 步行约3分钟
继续阅读
电话号码
29499230
营业时间
今日营业
11:45 - 15:00
16:30 - 22:00
星期一至日
11:45 - 15:00
16:30 - 22:00
以上资料只供参考，请与餐厅确认详情
食家推介
流心水牛芝士火箭菜Pizza（$178），虽然Pizza都大个，但系因为好多火箭菜，所以食落去好清新，一啲都唔滞。意大利风干火腿黑醋火箭菜沙律卷（$98），佢个风干火腿同埋黑醋配得好好味。意大利云吞配黑松露杂菌汁（$158），云吞皮烟靭，入面个馅香浓，不过最精彩系佢个黑松露杂菌汁，黑松露都几香，唔会有一阵煤气味，No捞埋旁边啲芝士粉一齐食就最好啦。Tiramisu系出色嘅。免费的餐前小面包，点黑醋加埋橄榄油据说系正宗嘅意大利食法。扮吓嘢都要叫支意大利sparkling water饮吓。
继续阅读
一坐低就有断人头计嘅车厘茄小面包，可以点橄榄油或者黑醋嚟食。意粉就拣咗意大利薯仔粉团，佢有几个汁拣嘅，问waitress姐姐边款最好味，佢就推荐我哋试下罗勒香蒜汁，佢话因为呢个汁系佢哋自家制嘅，又真系冇介绍错，个汁好清新好香罗勒味，反而又冇乜蒜蓉味。佢个薯仔粉团烟烟韧韧几好食。pizza我哋就拣咗最传统嘅意大利辣肉肠pizza，呢度嘅pizza系长方形嘅，我估主要系要就个pizza焗炉，味道唔错，唔好睇佢细细个其实食落就知都几饱。我哋仲叫咗个羊架，肉质都几嫩，好食。最后食埋甜品就非常满足，佢个tiramisu好好食，另外𠮶个唔记得咗叫乜嘢名嘅蛋糕味道都唔错。
继续阅读
呢间意大利菜味道正宗，而且食材非常新鲜，我哋今晚四个人叫咗一个前菜一个Pizza同埋一碟意粉再加两个甜品share，食到非常满足，每人都唔使$200 ，简直系超值。前菜拣咗意大利风干火腿黑醋火箭菜沙律卷，火箭菜好新鲜，用风干火腿包住配合得好好，佢个呷醋汁调返个鲜味出嚟。 pizza就拣咗留心水喉芝士火箭菜Pizza，唔小心又叫咗火箭菜添，pizza个饼底做得好好食，火箭菜同埋水牛芝士都正，个Pizza几好，唔会好滞，食得出好新鲜嘅味道。 pasta就拣咗意大利云吞配黑松露杂菌汁，佢个汁做得好好，好Creamy，个意大利云吞都好好食，云吞皮有弹性，另外边嘅芝士粉好香。仲有佢免费送嘅小面包味道都好好，点黑醋加橄榄油超正。
继续阅读
因为我哋得三个人，但系好多款pizza都想试，最后发现原来啲pizza系可以双拼嘅，于是我哋就拣咗意大利辣肉肠pizza拼卡邦尼pizza，唔好睇佢咁薄，其实三个人要食晒都几饱下。辣肉肠pizza就唔使多讲啦，佢啲辣肉肠系几好味嘅，至于个卡邦尼pizza我都系孤陋寡闻第一次见。有大大只蛋喺上面个感觉就好似印尼炒饭咁样，入面嘅配料主要就系烟肉同芝士，即系好似卡邦尼意粉咁样不过就做咗pizza。另外仲叫咗一份芝士焗矮瓜，啲芝士好香，呢个小食都几滞，如果多人叫嘅话值得一试。
继续阅读
今天来一趟高级的happy hour，唔饮啤酒要饮吓红酒，仲要配埋好正嘅cheese platter同cold cut，过一个非常relax嘅下午。佢呢度嘅cheese platter一共有4款芝士，除咗只blue cheese之外，其他𠮶三款我都唔系好识分辨系乜嘢芝士，总之就系饮住红酒食芝士好正啦。佢个blue cheese几好食，个味道唔会太浓。cold cut就有意大利风干火腿同埋辣肉肠，两款都几好食，又唔会好咸。 happy hour红酒白酒同意大利起泡酒free flow都几正。
继续阅读