影片
元朗好似越开越多越式餐厅，越北系食物同服务都高水准，一谂起檬粉就会想去食👅餐厅环境干净企理，坐得都几舒服晚市一人餐有有主食+小食+饮品，套餐包嘅食物唔算多，不过啱食嘅话就真系几抵叫咗个一人餐，香茅猪扒汤檬+无骨凤爪+薄荷青柠梳打($86)，猪扒煎到好香口，就咁食或者浸汤都好正，汤底够浓味唔会过咸，另外加咗少少辣椒重好味🌶 无骨凤爪比平时其他餐厅食到嘅辣，唔食得辣嘅话嘅话要注意😛 饮品就不过不失冇乜特别💁🏻♀️另外散叫咗碗顺化汤檬粉($70)，好足料，𩠌下面有红色嘅酱，初头以为会好辣，不过食落系少少辣（反而凤爪辣过碗粉🫢)纠结咗一阵叫唔叫蒜蓉包，每次见到餐牌上面有蒜蓉包都会好想食，唯有冒着食唔晒嘅风险叫咗一份🤣 蒜蓉包超级高质！！！上枱嘅时候热辣辣，外脆内软，完全唔会干，每一啖都食到好浓嘅蒜蓉味🧄（一定要趁热食！冻咗个味道就争好远）两个人食咗咁多嘢都唔使$200，好抵食😋
继续阅读
呢排食得多煎炸嘢，今日午餐想食越南嘢，喺Openrice揾到越北牛肉粉，记得好耐之前都食过一次，今次再试下先。家人叫咗越北综合牛肉汤粉，个汤好香，或者有小小过咸，不过可以接受。生牛肉片，牛肉丸及牛腩都好食，金边粉口感都唔错。我叫咗蕃茄牛腩汤粉，蕃茄汤都算几浓，同样系有啲过咸，如果可以淡番少少会更好，牛腩好香又嫩，唯一系有一旧较肥，要扣分。另外加咗个马拉通菜，可能2个粉都有小小咸，所以食呢个菜时，反而系好似唔够味，不过其实系OK的，而且又够香。会再帮衬试下其他的食品。
继续阅读
是日系元朗食左个下午茶。法式蒜蓉牛油鸡翼好香脆呀。鸡翼大大只劲好肉，闻到+食到阵阵蒜蓉牛油香味。虽然有少少偏油，但真系好好食。😛越式烧猪颈肉饭猪颈肉烧到脆脆地，爽口唔肥，份量十足。朋友话食完碟饭好饱。🌚顺化汤檬汤底辣辣地十分开胃，唔觉唔觉饮咗大半碗。汤料有齐牛腩片、扎蹄、扎肉同牛肉丸，材料非常丰富。最中谂系牛肉丸，细细个但好香牛味。扎肉有粗粒胡椒，几有特色。下午茶份量无减，仲可以优惠价加购小食，我哋加咗个蚬港炸虾饼，叹叹虾肉好鬼正。
继续阅读
💛T04越北综合牛肉汤粉$60牛肉粉好出色😋😋😋啲牛肉浸入汤度岩岩熟个吓真系好食到不得了好香！汤底好好饮好香😍葱花又多🤭🤭啱晒我😆越北三宝 米饭或捞檬$65(香茅猪扒，香茅鸡翼，扎肉）份量多到!!好抵食😵而且佢啲扎肉好特别完全唔系平时茶餐厅个啲个捞檬有好多肉之外，仲有好多青瓜丝、红萝卜丝、蒜、花生、青柠饮品方面叫咗椰青（+$26）越南椰汁冰咖啡（+$8）好饮👍🏽👍🏽河内炸春卷$18好味😋蒸粉包$23好好食！入面有啲肉碎+云耳+红萝卜丝+虾米🦐再加埋伴碟啲酸萝卜真系正😆
继续阅读
当日点了一碗海防番茄蟹檬，看见餐牌上照片是浓浓嘅汤底相当吸引，本应满心期待，到嘅时候真系吓一跳，明白无可能跟相片完全一样，但也没想到差这么远，卖相唔吸引都算，最离谱系只蟹，跟本细到食唔到，仲要甩剩一只抓，真系睇到都唔开胃，我宁愿你比条蟹柳我都起码食到入口，札肉和丸也是只有几片，几乎成碗都系得D粉，问职员，职员目无表情回答话”系咁架啦”然后转身走，碗汤檬$76，真心一点也不值第一次帮衬亦是最后一次！
继续阅读