影片
港铁太古站 D1 出口, 步行约5分钟
继续阅读
营业时间
*最后落单时间: 21:30
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
相关文章
睇呢度之前啲食评 ， 都好同意几年前似乎转咗手 ，日本人师傅冇再喺度， 但味道依然好食， 重播放8 90年代嘅日文旧歌， 非常之有气氛。 几个月冇去食 ，但今日再去，已经变咗播普通话歌同埋旧嘅香港歌 ， 气氛极为奇怪， 师傅都变咗， 伙记又转咗人，menu都改左少少， 似乎又再一次转手， 变咗一间普通嘅香港扮日本餐厅。 首先叫咗大胜轩沾面， 个汤已经唔够热， 虽然有三嚿叉烧但系非常之肥，肥到都唔知点食 ， 同埋冇以前咁好食，梗系觉得个汤啲味争啲。以前啲水杯非常干净 ， 而家去饮水好似有洗洁精味添。 一直以来去大胜轩食沾面听日文旧歌愉快嘅回忆就咁冇咗，睇嚟以后都唔使再去 。
继续阅读
介绍返💁🏻♀️。。🇯🇵 拉面 在太古 🇯🇵。大胜轩丸一 Taishoken Maruichi。太古城太丰路3号金星阁G1018号舖。特制沾面 Special Tsukemen紫菜。味蛋。笋干。五花粒。叉烧 @ 3枚Seaweed。Marinated Egg。Bamboo Shoot。BBQ Pork @ 3pcs。HKD95 特制拉面 Special Ramen紫菜。味蛋。笋干。叉烧 @ 4枚Seaweed。Marinated Egg。Bamboo Shoot。BBQ Pork @ 4pcs。HKD98大胜轩炒饭拼煎饺子定食Taishoken Fried Rice with Pan-Fried Dumplings Set。HKD52煎饺子Pan-Fried Dumplings。HKD30 @ 3pcs🤫 Happy Friday..老细兴致大发请大家食个Team Lunch..咁我就拣咗食近排好少帮衬嘅大胜轩丸一..一够钟放饭就一行四人担住遮狗冲去揾位..点知咁早去到都仲系要排队等位..(乜原来可以订位嘅咩?)..好彩我哋Lunch Time有两粒钟..而且都算系早嚟排队..企咗两个字已经人山人海🤫 坐低之后谂咗两秒钟..为食嘅我都系拣返乜都有啲嘅特选沾面 🤫 面嘅份量当然拣返正常啦..(每次就算食正常份量嘅面都食唔晒..从来都冇谂过拣增量虽然一样价钱..)然后今次试吓拣热面..同微冷嘅拉面对比会比较软熟啲🤫 照旧啦.. 大胜轩都保持到水准以上..面条本身就系比较粗壮有少少似乌冬嘅Size..质感爽口弹牙..而且够哂挂汤..至于特制沾面嘅𩠌就系乜都有啲..𠮶三大片叉烧都算厚切..肥瘦均匀..食肉兽表示极为吸引🤫沾面嘅浓汤唔系剩系得汤..总会有少少嘅汤粉等你捞埋嘅时候味道更加浓郁..然后笋干同鸣门卷..仲有肥仔嘅五花粒粒..呢啲点少得..其实个份量多到冇可能再加木鱼汤🤫 同事仔拣嘅特选拉面其实就同沾面嘅份量差唔多..分别就系个汤浸住个面所以个汤系冇咁浓嘅..然后有四大块叉烧但系就冇五花粒粒🤫 另外一个同事仔就叫咗我从来都冇谂过喺呢度试嘅炒饭加饺子套餐..炒饭虽然都系金镶银..但系味道较为清淡..而饺子呢..唔系煎到非常香脆𠮶种..不过馅料嘅菜同肉都非常之足够..都值得一试嘅🤫 下期预告..Friday Night同寻日星期六都食咗好嘢..敬请期待。。翻兜指数：🙆🏻♀️🙆🏻♀️ （5个🙆🏻♀️为翻兜爆灯）💮已翻兜次数：5次💮。。
继续阅读
男朋友带路去到太古食大胜轩嘅沾面，一入门就比佢嘅设计吸引，去唔到旅行都好似去到日本嘅居酒屋咁，可惜当日冷气系统故障，一边食都几热。叫咗最基本嘅叉烧沾面，当然唔小得要加蛋！当日嘅流心蛋太流心，啲蛋汁已经就嚟流出嚟，惟有先食蛋再食面。面身拣咗适中，所以咬落有咬口，而汤就比一般沾面淡同稀，唔系好做到挂面嘅效果。最后叉烧都算大片淋身，不过一夹就散唔可以成片食。而当日想饮酒先叫嘅威士忌梳打都好令人失望，饮落只系梳打水，得一点点威士忌成份，完全唔推介。
继续阅读
早几年知道转左手，我谂大约应都有 3年左右，因为日本人师傅已经冇再出现。当其转左一班全女班打理出面，厨房依旧都系全男班；之前专门抄饭嘅师傅仲喺度做紧，但其余两个煮面嘅已经唔同左人。𠮶阵嘅大胜轩啲味道都仲未变，跟住废盐来袭，唔敢出街食，唯有叫外卖。估唔到当时大胜轩都有做外卖，但味道、质素已经明显下降左。到今日有时间可以入去食，入到去人面全非，服务全冇，味道尽失。好好一间日本沾面始祖又俾香港玩死左。以后只有去日本我可以食到正宗大胜轩味道。
继续阅读
同朋友食饭感到服务很恶劣。食食下听到老人侍应闹隔离的顾客，要求已经坐下的顾客换台，个台客不想换，跟住听到老人威胁：你都唔想我赶你地走啊嘛。真系眼都突埋!真系快快趣食完走左算，以后唔敢再光顾了。
继续阅读