影片
食家推介
第一次写食评,因为呢间野实在太唔掂,唔想其他人好似我地咁中伏 我地星期六徬晚黎食,叫左个海鲜串烧餐(包括烧蚝,烧虎虾,烧帆立贝,烧白鳝, 再加十串自选串烧)七点四十分落单， 全间铺得4枱客,但系到呢一刻(九点正),都只系黎左7串串烧, 蚝/虎虾/帆立贝/白鳝同其余果3串串烧影都冇...黎左果7串串烧, 唔知点解个碟查左一pat烧汁,搞到全部串烧都系得返d烧汁味, 份量亦唔多.个餐包左一个"浓汤乌冬"同"紫菜饭", 乌冬系当当乌冬果类,都算,个紫菜饭先令人开眼界~ 第一,佢冇任何紫菜,第二, 饭唔系珍珠米而且系削嘅... 简单讲就系一碗饭加左一pat烧汁系面头.... 震惊到连相都唔记得影...有感于d食物质素咁强差人意，我地决定唔要未黎果d野,埋单走人...
继续阅读
新年流流，落街谂住揾嘢食，经过呢间嘢，见个门面干干净净，谂住应该可以，所以就冇谂太多就入咗去，点知咁就中咗伏。入去坐低叫嘢食就已经叫咩冇咩，都唔紧要喇，上菜嘅速度就系龟速，但系其实系讲紧成个舖头得3枱人。我叫咗啲串烧，但啲串烧味道真系唔好，好似蒸出黎咁，连日本蕃薯呢啲咁正路嘅食物都可以烧得差，真系自己BBQ都冇咁嬲。仲有，啲虾肠冇挑到，我系俾钱食紧屎呀！系屎呀！唔会再黎。我打完呢篇嘢，啲嘢食都未上齐呀！
继续阅读
嗱，话晒做咗F&B咁多年，都食过唔少好嘢，以呢个价钱来讲，真系有更多更好嘅选择。。。 二人前海鲜火锅套餐($348-398)套餐包括任选串烧x4、前菜x2、牛/黑豚肉、杂菜拼盘、主食x2，有蟹皇/豆乳海鲜汤拣，同主角...海鲜~原条刺身级䲞鱼 ($348)三款海鲜里面，我拣咗䲞鱼。。。鱼冇鱼味，豆乳冇豆味，所有材料都系雪藏货，解冻完就直接落煲，食落成阵雪藏味。其他前菜，正常味law...全部都系来货野，好难难食嘅比较好食嘅，就只系个串烧，有烧京葱，唔会烧得太干，但又唔会油淋淋
继续阅读
以前系大角咀返工到食晏时间都要谂一谂，因为真系好多选择！依家有时候都会去大角咀觅食，今次就食下依间嘅日式火锅～。门口装修几有日式小店风格，门口旁边嘅位置系对住街比较开扬，见到唔少客人带埋狗仔黎食嘢～ 叫左个二人前火锅餐，有两个汤底选择，包两款前菜，一个蔬菜拼盘，一款肉，两个饭/面同四款串烧，份量唔算大，两个人食岩岩好～。🔅原只龙虾配豆乳海鲜汤底🔅真系原只上哂😀 开左边容易分黎食，味道算新鲜但肉质偏实，膏嘅部份有沙🤭 豆乳汤底唔太饮得出豆乳味，龙虾滚起之后汤底味道就浓返少少。🔅串烧 - 盐烧鸡翼/七味烧黑豚腩串/烧翠玉瓜/冲绳烧菠萝烧鸡翼烧得唔错，盐味比较淡，黑豚腩肉质太硬，但味道唔错，翠玉瓜烧得刚刚好，食落有汁唔干身～ 可惜烧菠萝比较失望，怀疑旧菠萝唔新鲜，好大阵’益‘味🤢。🔅小食 - 冻豆腐/蒜味螺肉🔅豆腐大大件又够冻！淋上芝麻酱好好味😋 螺肉都大大盆呈上😆。🔅牛肉🔅肉质尚可唔硬身无雪味，建议点芝麻酱几好食😊 提供嘅豉油味道好咸🤭。🔅蔬菜拼盆/乌冬/饭🔅娃娃菜份量好多，仲有金菇，冬菇同萝卜，萝卜清甜好食👍🏻乌冬尚算弹牙，不过最后因为汤唔够而只系再加水，所以都系芝麻酱捞黎食～依个食法真系最好食😆。环境都算坐得舒服，黎饮下嘢食串烧唔错嘅～ 如果啤酒可以再冻啲就好啦，但依个shabushabu质素，真心唔抵食🤭
继续阅读
谁会想到奥海城附近会有这样的街道，整条路充满人们嬉闹的笑声，食店、酒吧及其他商舖都各有特色，总围绕著星期五的气氛。好酒的人一定喜欢这里，无论那一间店，都有不同的酒精供应著。 居酒屋的门面、开扬的座椅，还有$368的二人海鲜火锅吸引我。有两款前菜、蔬菜、肉类各一份、二份面类及四串串烧。 北海道栗毛蟹(2只)大小适中、但未算十分新鲜。不过都有点点的蟹膏，个人建议这个跟火锅是最配搭，蟹味会不知不觉渗透整个锅中。 串烧款式十分多，order了鸡皮、鸡软骨、大葱及粟米。每款都中规中矩，但要立刻吃，要不就会令味道失色。略嫌没有酱汁可以配合。 豚肉、蔬菜拼盘都没有太大惊喜，豚肉肉味不够重。乌冬非常好吃，是正宗的赞歧冷冻乌冬。 价格算是OK，唯独套餐没有送餐饮，普遍单饮也要数十元一杯，对于不嗜酒或是学生算是一大不吸引之处。汤底是豆乳汤，但及后也只是加水，令汤中的精华一洗而去，没有一个完整的收尾。另外，员工不算是细心，没有餐饮但也没有奉上水或茶一杯、有点美中不足。而且，一入店舖需要等一段时间才有员工从对面餐厅跑过来，感觉没有驻场员工为顾客服务，容易流失客人又或是留下不好的印象。 不过，欣赏店内的布置、食物的质素也不错，最令我难以忘怀却要数播著日本的老歌，看著街上人烟稠密，感觉去了日本某个小巷，去享受这个晚餐。叮叮都十分喜爱整个格局的配合，非常match，而且还有那些老歌，除了令你饱腹感觉，更有耳朵的享受。
继续阅读