影片
系呢间餐厅嘅常客一个礼拜都有帮衬一两次通常食早餐, 间唔中有食下午茶或者午餐今日食下午茶柯打咗个鸡扒米线嚟到觉得鸡扒个份量少咗好多, 好奇怪又无端端搭一嚿鸡肉同个经理反应佢就入去畀个另一份我与此同时, 发现嚿鸡扒又老又鞋又干基本上唔系正常人食得到！！今次打电话上写字楼同佢反映CS都话其实唔会煮到咁老咁干明早第二块一样系炸到干晒！！食物质素低咗咁多嘅价就识不断加！！再同cs反映, 佢话叫我换第二个餐我换咗鱼片角初头得𠮶三嚿畀我我话乜咁阴公㗎, 得三嚿？再打电话上cs先至畀多几旧我仲有我讲畀个cs听我会写去openrice, 佢好爱你不理咁话呢个系你个人做法㖞真系阴公, 食个下午茶又呓又西又投诉又打电话, 我都话我系常客, 只想静静地食一餐跟住埋单走人呢啲系咪公司管理不善嘅原因？！
继续阅读
上星期六晚去鲤景湾趁热闹，睇吓苏豪东举办嘅万圣节小型嘉年华🎃，所以提早六点半晚饭，一行五大两细选择去桃园小品，✅系一间性价比唔错嘅食肆。不过近两三年来，桃园小品最欠缺嘅就系服务态度，有一位应该系领班嘅男员工😬，负责带客人入座及落单嘅时候，往往说话粗声粗气，从来唔识讲一句唔好意思，面部表情好似你欠咗佢十万八千七。当晚入到餐厅有意外惊喜，因为已经几乎客满，但系接待有新一位年青新面孔🙂，马上安排在门口相连八个座位。过咗几分钟就嚟落单，主动覆实点咗嘅四个小菜组合，而且讲话态度亲和。另外一位接待员亦反应快速，加单一个小菜。虽然桃园小品晚饭套餐最近加咗价，当晚觉得相当满意，蒸鲈鱼清甜肉滑，梅菜扣肉十分下饭，咕噜肉亦保持一往高水准。希望呢几位新员工可以继续努力工作，我一定会多啲帮衬桃园🤗
继续阅读
本身今日想落东大街食嘢，但系冇位泊车所以就兜咗过去嘉亨湾附近，因为附近多标位泊车，一去到就已经有得泊低架车。行咗一个圈之后好多餐厅都拍乌蝇，可能因为大部份都系西餐为主，午餐食set lunch的人比较少。然后经过见到桃园小品坐满人仲要等位，跟住就入去望一望，见到好多客人枱面嘅嘢食都几有镬气，所以就决定坐低。葱香煎肉饼饭 (多葱)基本上有接近一半客人都系叫呢个煎肉饼饭，上菜的时候都几有wow factor🤣🤣 旧肉饼仲大过块面，真系好粥了，不过下次再嚟真系要记得叫少饭，一个正常女仔冇可能食得晒，肉饼非常香口，葱有熟油钻过，特别香口，但系又唔会话好咸，饭底另外有甜豉油，放埋一齐恰到好处🥰🥰巨人鸡扒•劲香葱油饭其实巨人鸡扒应该都唔错，不过相比起嘅时候佢个巨人鸡扒就一啲都唔巨人😂 普通早餐鸡扒一块，份量反而觉得少同埋有啲寡，所以我都系推介上面个冲香煎肉饼饭多啲。冻柠茶另外值得一提系佢个冻柠茶走甜，冻柠茶黎都系见唔到柠檬，但系原来佢系将所有柠檬已经榨汁放埋入去，做得唔错，完全冇柠檬皮嘅苦涩，感觉非常之新鲜清新👍🏻咁热嘅天气一流
继续阅读
呢个地点呢个价钱已经算吾错，推荐葱油饭系列，好香，好惹味😋。另外京都骨应该即点即做，口味算不上惊喜，但胜在新鲜。所有白饭有放藜麦，符合健康饮食需要👍🏻设计餐单也是用心了👍🏻👍🏻饮品方面，所以试下佢哋冻柠茶，唔系一片片柠檬，系真直接攞柠檬肉，饮落少左柠檬皮的苦涩味，但酸甜茶味配得刚刚好😎🍹
继续阅读
带囡囡去西湾河补习，有个半小时，的确要揾个地方坐下叹个下午茶。系街望入呢间食店，门面几吸引，舖内装修几好，加上呢个时间里面较少人，可以静静地坐下食下嘢。餐牌封面是这一页。我喜鸡扒，所以唔洗谂，就叫咗右上角既香煎鸡扒麻酸辣米线配冻柠茶。加埋$44蚊，可以咁样休息下个几钟，同食得几饱，都算咁上下。好过去附近间星巴克坐，之前试过坐，只系杯咖啡都三十几蚊，同埋地方较暗较窄及多人，真系多人，我觉得唔自然。呢度楼底高坐位舒服，坐得耐都ok，加上今日天气几好，太阳光充够棈神。餐牌餐具都清洁食物方面都正正常常无咩可以弹。杯柠茶味酸甜度调配得几好，好饮。米线汤底好好，应该加了味精，不过正常既。鸡扒抵赞，嫩滑够juicy，够厚肉。够晒饱肚。
继续阅读