影片
以上资料只供参考，请与餐厅确认详情
去咗长沙湾食呢间非常低调由泰国人主理嘅地道泰国菜，间舖头叫做泰和味，舖头劲细，顶多放一张枱，要堂食就要喺行人路开枱，喺隔离地产舖窗口外面开枱食，又或者马路边拍住栏杆开枱食，试过揸车嚟到拍马路边，喺正自己架车隔条围栏开枱食，感觉特别有风味，有两个识讲唔咸唔淡广东话嘅泰国姨姨主理，因为人手有限，即叫即整，所以人多啲嘅话，都要等一段时间，食过几次都好有水准，今次唔叫饭，叫咗生菜包、椰汁鸡汤、泰式炒通菜同埋串烧猪牛鸡加鸡翼鸡软骨，椰汁鸡汤好足料，饮得出好多香料，微辣，我最钟意佢嘅椰汁味冇完全盖过辣味，好饮，生菜包好大碟，唔会太湿，亦唔会太干身，炒到出嚟味道啱啱好，唔会过咸，又唔会过淡，系个色水争少少，我钟意上色多啲啲，泰式炒通菜今次失咗少少水准，今次炒出嚟嘅通菜泰式调味不足，但味道系OK嘅，只系冇之前几次咁有泰式味，至于串烧，就一直保持到水准，全部都唔会烧得太干，唔会过腍，有咬口，鸡翼系全翼，食得比较麻烦，但烧出嚟嘅香味满分，个鸡软骨烧出嚟外面微脆，一样好惹味，最后埋单价钱一如以往平靓正，每个菜式炒粉面饭平均都系60几蚊，整体依然系抵赞，最唔好可能系个店舖细，要喺街边开枱食，崇尚卫生嘅人未必接受得到，但我觉得几有风味。
继续阅读
一间唔起眼嘅小店竟然有真·泰国风味小菜！爱食辣嘅朋友必试👍🏻👍🏻👍🏻推荐：生虾刺身厚身爽脆由其是个汁真系灵魂所在🦐，生菜包够香辣啲肉唔会炒到老晒😋，马拉盏炒杂菜够惹味🤩不过想试嘅朋友要早小小去到因为真系小店一间门口得三张勉强座到四个人嘅枱仔晏咗就可能要等一下，我今次系第一次食呢间而且我又系住响附近所以我就买外卖返归食返到屋企都仲热辣辣味度都唔会有太大影响😋系呢个疫情下又唔想冒险去旅行可以试吓呢间顶顶瘾😂💪🏻👏🏻
继续阅读
地方好细，得4个位，环境算简洁，但嘢食系有heart 嘅用咗openrice 嘅外卖自取，落单后写需时30 分钟，最后等咗 52分钟先有，因为都有唔少人等紧但嘢食质素唔错嘅，串烧$36 3串，抵食好味道～ 即烧系唔同啲金边粉个份量好巨大，够2-3人食，性价比高 有用鱼露 系泰国嘅风味，搅到我即刻好想去旅行通菜 叫咗马拉盏（辣） 嚟咗个有蒜蓉有咸肉嘅通菜，唔知系咪够正宗。建议如果日后流程好d , 若要等得耐早d 讲实，唔洗我半个钟后去，再坐系度等半个钟
继续阅读
较早前系附近买野，醒起之前bookmark左又咁岩系一条街之隔既泰菜，小店铺面比较细，黎到就买小小外卖返去试下啦。🔻生菜包食泰国菜我一定会叫既食物之一😋对比之前个2间，呢间个价钱平好多㖞，份量都多，调味都几恰当🔻串烧 串烧款式唔多，d 酱料食落都系同一种味，下次可以试埋炒粉炒饭
继续阅读
真系泰国人煮！真系泰国人煮！真系泰国人煮！教完班，夜晚9点几未食嘢就去卖外卖，依家的生活就是这样了。点左：1）泰式干炒猪肉河：这个必试。好够锅气、入味、肉碎好够。再多一碗饭捞下就食得晒d 肉碎。d 河粉系碎咗少少，但系跟蔬菜的size 好匹配。而最好味之处好干身，你唔会觉得好油腻而唔食。2）串烧：牛、鸡肾、鸡翼我觉得要加返d 酱就会更好味。鸡贤好多件，但不太硬。牛肉就干左d, 加返d 酱汁就会惹味。鸡翼最好味3）春卷：拎返屋企就真系淋左。下次真系堂食好d
继续阅读
您可能会有兴趣的...