影片
🇭🇰 赏茶 ·真·白桃乌龙$30呢个系我哋行完山去左超级城𠮶边 见到佢出咗呢个期间限定嘅白桃乌龙 好想饮 所以嗌嘅😌我自己其实劲钟意桃味嘅嘢饮 但系桃味嘅嘢饮中伏比率真系劲高😭😭不过呢个真系超好饮 我哋饮完之后已经再翻兜咗一次 佢个白桃味超真 唔系𠮶啲好糖浆既味道 而且佢底部系真系好多桃肉 质感仲要好好 推荐大家试吓🍑·📍大埔安邦路9号大埔超级城A区地下018B号舖·#rby💛·#rbyeat #rby好去处#rby港式 #rby甜品饮品#rby大埔
继续阅读
今日见天气咁热，又未到剪头发嘅时候！咁就嚟买杯嘢饮啦！见到有波霸奶茶就谂起首歌啦「有一日我想饮波霸珍珠奶茶，点知个哥哥话『小姐冇珍珠啊』⋯⋯」入反正题！系大埔中心，我就叫左杯波霸珍珠奶茶，出餐既速度快既、而落单过程员工都好有礼貌，等候既地方，都阔落！饮品来了，哗！几大杯下！而且珍珠同奶茶比例刚刚好，冰既比例亦都系刚刚好！奶茶都几滑，茶香既味又唔差！如果奶茶再滑d会更佳！至于甜度又适中！个价钱好合理！overall! Good ！继续努力💪🏻
继续阅读
老老豆豆呢间野都唔系特别好饮，谂住好耐冇帮衬就帮衬下，职员就多，有四五个人，可惜”唔好彩”地有大户外送单，佢就停止所有堂饮单，成班人就傻佬喺门口咁等咗15分钟，更不幸地我张单仲整错咗，都算，我都系做服务业，做错咪sa个lum咪冇事，最惨系佢错咗啲表情仲好似我错咁，唔系挂，结果买两杯退咗一杯，味道方面系一肚气既味道我都系想正正常常饮杯野啫，又唔系啲好复杂既东西，我个人都唔钟意做键盘战士，既然当面反映无效唯有负评
继续阅读
赏茶一直都系我最钟意嘅台式饮品店💕 同大家分享下几款最爱嘅嘢饮葡萄柚绿加芦荟酸酸嘅葡萄柚汁 配上淡淡嘅绿茶 仲有好多新鲜嘅葡萄柚粒 口感一流 酸酸甜甜 非常开胃 好适合夏天饮🤤想要多重口感嘅朋友可以再加芦荟 赏茶既芦荟非常大粒 份量亦都好足 为饮品再添上一份清新感荔枝芦荟荔枝汁加上乌龙茶 配上大大粒嘅芦荟 好啱夏天饮😛 波霸奶绿鲜奶绿茶再加上大大粒烟韧嘅珍珠 真系食珍珠都饱🤣大埔赏茶店舖面积都算大 入面有吧台 畀你企喺度慢慢品尝饮食💁♀️
继续阅读
大热天时喺户外热到溶，一杯冻饮不能少。大埔嘅朋友带我去咗呢间特色饮品店整杯嘢叹下。餐牌上嘅选择都几多，除咗饮品之外，唔够喉可以加多啲料，仲可以同时叫埋小食慢慢叹。散叫得，套餐又得。由于食饱冇耐嘅关系，我哋2个净系叫咗嘢饮。热带水果茶要求少甜少冰，味道啱啱好。一入口已经有热情果籽，仲有条状嘅椰果，好似有桃肉，十分丰富，不错不错。葡萄柚绿朋友由于身体关系必须走甜走冰，虽然系咁，但杯嘢唔系热或者暖，而系有少少冰凉，据朋友所讲，果肉体积不定，对上一次果肉卡住饮管完全要手动取出，而呢次就轻轻松松一啜就上黎现场都几多人买，所以要等一等先有，但都值得一试。
继续阅读