影片
食家推介
寻日同另一个半揾餐厅庆祝食饭，想要庆祝纪念日，于是无意间揾到呢间喺何文田Bar&Restaurant，仲要咁啱见到佢哋有做紧优惠推广，有得买现金券再抵食啲，所以就直接拣咗间餐厅。首先想讲真系好钟意佢呢个牛肝菌汤，唔知咁到底好似有少少芝士嘅味道，酸酸地，但系奶味十足，但我觉得同出面嘅牛肝菌汤好唔同。配搭餐汤嘅黑松露面包非常之浓厚，黑松露嘅香味配搭芝士酱喺上面，成个口感非常之舒服。跟住要赞嘅系蜜汁黑椒猪手，成个猪手口感都非常之有水准，外脆内软，配搭喺隔离嘅薯仔粒都非常之入味，呢个价钱值得食。然后惊喜嘅系，晚市套餐优惠里面嘅烟三文鱼卡邦尼意粉，意粉嘅口感同出边嘅唔同佢哋嘅意粉比较幼身，同天使面口感有啲相似，卡邦尼做得非常之好，底下面仲有好多杂菌，而且烟三文鱼配搭卡邦尼意粉，口感真系好好。水牛城鸡翼，第一啖觉得有啲似咕噜肉𠮶酱汁嘅味道😂但系食多几啖就觉得系有啲唔同嘅，第一次试到味道嘅水牛城鸡翼，其实系几有风味，不过同我自己个人口味就争咁啲。最后真系好想好想赞佢哋嘅餐厅服务，非常之有心哋帮我哋喺心太软都写低咗啲纪念嘅字句，令到成个用餐体验进一步提升，餐厅员工非常之有礼貌，尤其是系猫店长「阿包」真系好得意，系一只好高冷嘅猫猫，非常之为食，哈哈真系印象深刻！有机会再到红磡区，一定会再次到访呢间咁好味嘅西餐厅！
继续阅读
今日可以早少少放工，去咗公司附近嘅Macaroni食下午茶。平时食佢嘅午餐多，估唔到下午茶一样咁高质！叫咗芝士牛肉汉堡连薯条同餐饮，嚟到睇倒已经好惊喜，汉堡同薯条都系新鲜热辣即叫即制，面包唔止热仲脆，又有牛油香，牛肉有啲肉汁唔会好干，沙律菜好新鲜，有唔同款，同酱汁夹埋可以同牛肉有好好嘅平衡，所有材料都好有质素！薯条亦系好脆唔油。仲有呀，呢个餐份量仲好够，$58唔驶加一，性价比世一呀。顺带一提，下午茶人唔多，可以静静享受美食。平时好少写食评，但系咁有heart嘅小店，诚意推荐！
继续阅读
①水牛城鸡翼 $62先来个小食，6只鸡翼大大只，味道带微辣，惹味开胃。②美国1855黑安格斯西冷 转套餐 $268套餐多左沙律，汤，饮品以及甜品。烟三文鱼沙律卖相唔错，块三文鱼几大块，蜜糖芥末酱正合我心。牛肝菌汤配松露牛油多士，个汤几香浓，多士有惊喜，几特别。主菜件西冷好大块，有筋有膏，叫左Medium，切开少少红刚刚好，口感唔会韧，就算唔点蘑菇汁都够味。跟薯菜有沙律菜，西兰花，红萝卜以及炸薯粒，份量好多。饮品饮冻朱古力再另加$15，本身觉得有点贵，但见唔到杯冻朱同普通茶餐厅饮品很不一样，感觉值了。③半熟刺身带子黑松露意大利饭 $98份量几多，两只带子好大只，煎香两面，中间如刺身般软腍。意大利饭有香浓黑松露味，仲有拉丝。套餐的是日甜品转特色甜品可减$20，所以另加$42点了餐厅招牌甜品④ 二人拿破仑卖相吸引，切果下已经听到松脆声，不过略嫌只有酥脆而不够香口，但也是非常不错的拿破仑，不会觉腻。.整体食物质素算高，是日晚餐$100有找，其他主菜性价比亦高，甜品亦出色，绝对是有惊喜的平民西餐厅。.小事一桩，餐厅入面有只好靓既英国短毛猫，当我坐低落完单想同只猫影下相，点知呢个时候有个港女出现，佢一入餐厅仲未坐低就大叫「我好惊猫架，你帮我收埋佢」我听到真系反白眼！佢连只猫都未见到阿！唉，呢个客黎亲，只猫就要比人困住，仲要全间餐厅食客无得见只猫，真系超阴功啰！.温馨提示: 呢间餐厅虽然响红磡区，但其实比较近何文田站。
继续阅读
虽然位于大街，但是这间餐厅门面并不起眼，装修不抢眼门口又不大，不过经过很多次看到餐牌令人感觉贴地，今晚终于可以去试试她们的晚餐了。位于何文田站附近，很容易就找到也很近地铁站。我们点了4客晚市套餐，店员先送上蒜蓉包和餐汤。蒜蓉包大概是曾经烘热过，现在变冻了，有蒜蓉牛油味不过因温度下降了所以不突出，质地也变脆硬。忌廉汤的稠度正常，可是味道不怎么饮到忌廉味，再看看质地大概是加入了很多面粉，不太知道自己饮了甚么，又没有其他餐汤的选择😅香煎大和猪扒配黑椒野菌汁意粉($118)的份量十足，旁边的配菜都算几多的。猪扒的做法是先在表面扑上一层粉再拿去炸，不算很热气但感觉没有煎的那样有诚意。猪扒虽有一定的厚度但肉质十分软淋，更不怎么需要牙力，却令我在想究竟是本身肉质够淋，还是加了很多松肉粉呢？不清楚，但大概有用人手打过让肉质松一点。意粉偏幼身，生熟度是刚刚煮软的程度，个人来说可以硬少许，但这个软硬度很符合大众的喜好；至于酱汁方面就没有甚么特别，没有突出的黑椒味，也没有很明显的野菌味吧。个人认为配菜的表现比较突出，不是那些煮好以后一直热著令蔬菜变得黄黄的又太淋的那种，而是保持了一定的口感，特别是加入了蒜蓉制作，味道更佳水牛城汁焗鸡扒意粉($88)的摆盘有点奇怪，不需要酱汁的位置就这样空了，没有整理一下😂鸡扒厚身肉质淋滑，表面的酱汁惹味带少少辣，几过瘾。虽然是走西餐路线，但热奶茶的茶底香浓，是港式奶茶的味道，对于较喜欢港式奶茶的我觉得味道不错。细细的一间店，蕴藏着人情味；店员态度友善又客气，同样是喜欢猫的我们都交流了不少心得呢虽然食物属正常水平，但以价钱来说，可以慢慢坐在这里聊聊天过一个晚上都不错
继续阅读
性价比高 平民价 贴地西餐其实我去过好多次🙈亦带过好多朋友去食 暂时一致好评👍因为真系好抵食！黑椒烤猪手是必点的！皮脆肉松软是基本最欣赏系薯仔粒伴碟,但系绝对唔hea系炒过既 阵阵蒜头香味😋😋 $158蒜蓉洋葱炒蚬 都好入味 蚬无沙 粒粒蚬肉都新鲜! 连洋葱都食哂👍$78双重芝士夏威夷千岛pizza 芝士控至爱Pizza系薄脆批底 都重口味架! $138炸鱼柳薯条又系必点!! 鱼柳脆而不油腻而且炸浆唔会过厚 $68 真心比出面卖炸鱼柳薯条既舖头仔更出色!!! 😍餐厅真心性价比好高 价钱贴地亦好岩朋友们吹水聚下!!💕
继续阅读