影片
以上资料只供参考，请与餐厅确认详情
观塘鸡饭 个相片。漏咗。无得edit 唯有另加一个。不过主打外卖 大部份熟既都系叫鸡饭😂推介观塘鸡饭，辣鸡饭，药膳汤饭最重点系胡椒盐，啲鸡唔系好林，少鞋，但点胡椒盐劲好食。（相片系鸡饭）识咗好几年，鸡饭加𠮶啲汁同埋啲姜葱蓉系几好味。只能食得劲少辣嘅就唔好叫辣鸡饭。食到谭仔至少三小辣 平时我食野会叫小辣至中辣既 （但我又唔算好食得辣…）其实佢辣椒加上面 或者可以叫佢加少啲。但佢无汁 一定要配辣椒 太少个饭会好闷 得鸡肉同饭。而佢鸡肉唔似外面手撕鸡捞晒麻油芝麻 佢似白切鸡果类feel既手撕鸡。但无汁 干啲既 单靠辣椒配饭。但好够味。条脷都…唔会太感觉到其他味😂。
继续阅读
无味精而且性价比高既汤饭店50元都唔洗就可以食到无味精既药膳鸡肶汤饭应该系观塘都好难揾到家庭式工作细舖仔，姨姨同哥仔都好好人佢地通常以外卖为主，所以唔多地方坐买左返屋企系可以入微波炉加热个汤好饮，饮完真系好暖身。成日觉得冻饮汤就啱晒。鸡肶肉易拆，唔嚡。饭刚刚好，可以减饭既。买比阿妈老豆食都LIKE。
继续阅读
喺观塘想食下啲高质少少嘅中式嘢，唔想次次都食碗仔翅，车仔面，劲唔健康。木谷嘅菜式，就算又有酸菜鱼，又有醉鸡卷，但系都食得出少盐少油，食完唔会有罪疚感，而且又好惹味顺带一提上次食过个酸菜鱼，虽然系鱼柳，但系份量劲足！而且鱼柳就最啱我呢啲连鱼骨都懒得挑嘅人😛今次试埋个花雕药膳鸡汤，成只鸡髀都真系好足料，不过真系略嫌炖得老咗，系有少少食汤渣嘅感觉。好彩佢有配个胡椒盐，可以掩盖一下。个汤底超级香，可能加咗花雕，啲味更加之散。饮得出药材味，但又唔会好苦，系清清甜甜嘅好味😋未食过嘅朋友我会推介食醉鸡卷先👍🏻
继续阅读
上次行过见到人哋食𠮶碗面🍜好似几吸引，所以今日就坐低试下。其实我曾经试过叫外卖，𠮶个好似叫做观塘鸡脾汤饭。由于𠮶时冇得堂食，所以系外卖拎走，印象中系冇落味精嘅，亦有啲家的味道。花雕药膳鸡髀汤面连饮品 $43今次就试下佢𠮶个花雕药膳鸡髀汤面，佢好似原本系米线嘅，但系我要求转咗做上海幼面，面质爽唔会好淋，不错。店员一递上汤面🍜，浓浓嘅药材🌱味就飘埋，感觉佢都应该用咗好多药材去淆制呢个汤底。至于只鸡脾已经系煲到淋晒，一夹就开，鸡髀亦充满咗浓浓嘅药膳香味。店员另外畀咗一啲胡椒盐我，用嚟点鸡，非常好食。这个汤面仲有一杯嘢饮跟，我就点咗黄金罗汉果水，系冻嘅，都系好清香甜美又解渴，$43嚟讲又冇乜味精，呢一餐非常超值。不过座位有限，都系一间速食嘅店舖。
继续阅读
叫左酸菜鱼面外卖 返到去打开先发现唔系鱼片 系炸鱼柳？！？！咩事啊 fusion菜啊？（系嘅唔该写明啦）食落系炸鱼柳还炸鱼柳 酸菜还酸菜 面还面 好似屋企雪柜有咩队落去一齐渌咁比五蚊加只卤蛋 咸到要即刻灌水呢碗嘢盛惠$50 仲贵过谭x三x单𩠌鱼片酸辣米线！我觉得$30都唔值啊！疫情之下谂住小店生意难做 特登兜远啲去东广场帮衬小店买外卖 点知食到成肚气冇心做唔好开舖啦 好多小店小本经营都可以做得好新鲜好好食 收得客人钱 可唔可以比啲心机诚意？冇 - 下 - 次。
继续阅读
您可能会有兴趣的...