影片
以上资料只供参考，请与餐厅确认详情
琴晚好想食韩国嘢，本来想食韩烧，但系太大阵仗又要堂食，所以睇吓附近有冇其他韩国菜选择，不过元朗真系少咗好多，唔知系咪执晒！跟住我就揾到呢间小店，依家小店都好犀利屹立不倒几十年！价钱非常之便宜，大件夹抵食！我哋一家四口嗌咗：杂锦拌饭$43宫廷紫菜寿司 $32煎泡菜饼 $40牛肉盖饭 $45最后竟然食唔晒！以呢个价钱嚟讲，系物超所值，味道系家庭式煮法，味道唔会太过浓烈，但系又入味！佢哋俾咗两包辣酱我哋返屋企啰，真系非常好味！点乜嘢都好味！其实我觉得佢个卖相就普通，但系食落个味道浓过佢个卖相！买party tray都好抵，下次可以试吓𠮶个寿司party tray！但系最好打电话去订，因为都等咗成四五个字！
继续阅读
第一次试呢间店，透过外卖app我叫左一份泡菜炒饭&宫廷紫菜寿司外送到府，等左20几分钟左右，食物到达时仍是温暖的，味道很好！呢个紫菜寿司斋睇样唔太吸引，不过食落口系会令人停唔到口想再食，寿司材料配搭合宜，饭嘅软硬度和酸度适中，系开胃菜式。我本身系唔太食得辣嘅人（只能食到印尼捞面嘅辣度），同捞面比较嘅话个泡菜炒饭辣度差不多，唔算太辣，不过会有少少越食越辣嘅感觉，但配搭左紫菜寿司食就可以减轻辣嘅感觉，而且两款食品一齐食好开胃&暖身，同埋唔想停口。价钱合宜味道赞好我会再食呢间下次要试佢其他食品
继续阅读
经过见到价钱都几抵见餐牌都几多选择～于是买返屋企试试～买左个经典的韩式炒年糕和酸辣泡菜汤饭～整体都ok可能我要求唔高会再回访个泡汤好好味，剩饮个汤都ok味道偏咸但辣度刚刚好，份量都可以
继续阅读
睇开韩剧觉得好挂住韩国就叫咗啲韩国野食首先叫咗个牛肉盖饭味道都几好好肚饿时食觉得好好味而家睇返都好肚饿…芝士寿司 𝒐𝒌正常 系有少少似之前去韩国食之前去韩国食过一间 一般 普通 嘅餐厅 味道都有啲似可能因为太耐冇去韩国有得食吓韩国野都已经好开心🥲不过海鲜煎饼我就真系麻麻地..有少少热气 都几厚粉 主要系食啲粉海鲜都有少少嘅个煎饼唔知系咪俾个盒焗亲我觉得好一般 我估堂食整完即刻食会好好多挂 可能真系各人口味唔同就算我而家好肚饿 见到个煎饼都系唔想食(• ▽ •;)𝑺𝒐𝒓𝒓𝒚( ⁼̴̤̆◡̶͂⁼̴̤̆ )
继续阅读
朋友生日想食韩国野，就系想试呢间，因为有齐哂我地想食既野，所以我提早一日系OpenRice落单。呢一间系隐世小店，但都多选择，份量多，价钱优惠👏🏻👏🏻仲要难得食到正宗韩国味道，尤其泡菜煎饼同寿司卷好好味，极力推介，店家预备埋两包甜辣酱可以配粉丝、寿司卷同鱼串，鱼串好弹牙，唔会稔哂，索哂啲汤汁，唔太辣好岩香港人口味，卖相都好吸引，拣外卖自取，好准时就拎到，但店家都无一早整好哂，系即整即煮，所以都唔会冻哂，搭到车返去仲热辣辣😋😋。
继续阅读