影片
招牌菜
食记 (18)
最近减肥中，见到有得拣红米饭先叫，点知比到手话无红米饭得白米饭，所以送咗个汤比我，都ok掋食，味道不错的，粟米肉粒都多料，以快餐店质素同$35算好好了👍虽然无吃到我想吃的
继续阅读
宜家有不少快餐连锁店都有网上订餐优惠，虽然多数是九折，但省得就省，加上我觉得又好方便，预番时间去拎就得，又唔驶等，正!今日就拣了这间快餐连锁店，真系好耐没有食过。见佢网上登记会员计划即送$20电子优惠劵，一张$10和两张$5，当然唔执输。三点三下午茶时间，下午茶都有几多个系列，而我就选了「港式滋味」系列中的沙嗲牛肉即食面配餐饮($31)。𠮶网上点餐介面都设计得几易用，好清晰，唔错! 先将即食面改咗上海粉面，而餐饮就要了热好立克走，再加配陈皮红豆沙(+$9.5)，下午茶都食得咁丰富，哈! 沙嗲牛肉上海粉面大大碗，都有五六件牛肉，仲加咗少少椰菜、红萝卜和木耳，惊喜! 牛肉都几腍嫩，弄得入味，有沙嗲香和花生香，好味! 上海粉面就腍咗少少，但滑嘟嘟，若然沙嗲汁杰身啲就可挂在面条上，宜家就唔太够味。热好立克走($0/跟餐)即是走糖，但竟然都搭了包炼奶，好细心! 不过...其实唔加炼奶都好够味，走糖的甜度就岩晒我口味。入口暖笠笠，又唔太甜，不错!加配陈皮红豆沙(+$9.5)都大大碗，超饱肚。一打开盖就闻到陈皮香，红豆沙色泽深浓，红豆煲至起沙，好粉绵，味道香甜，啖啖陈皮香，好吃! 提外话：本应加埋所有共价$40.5，用咗$5会员优惠劵之后，估唔到仲可享网上订餐九折优惠，最后实收$31.4，我妹真系省到尽，哈!
继续阅读
平时都冇咩去食大快活，今日放工成八点几就去大快活食晚餐。餐牌都系𠮶啲菜，但系见到新出左铁板餐㖞佢有两款嘅一款系集扒餐一款系牛扒餐咁我就拣咗一款叫做海陆空杂扒铁板餐，佢包左炸薯饼，蒜蓉包，罗宋汤同埋一杯嘢饮，价钱都系$56咋。非常之抵食！呢间大快活嘅店员非常之友善，比完钱就叫你坐低等送餐到，送到餐又会同你讲返个餐系咩，仲争啲咩嘢，仲问你够唔够食啊。非常之有亲切感，可能只系一啲细舖先可以有咁嘅服务。上到嚟个餐真系满晒成个铁板㖞，全部都系足料嘅，淋上黑椒汁块板即刻渣渣声非常之有满足感。详细啲讲返，佢有一块炸鱼柳、一块煎鸡扒、一块猪扒同埋有一条司华力肠，仲有一啲配菜其实真系超级抵食。食到差唔多9:00 ，成间大快活剩返我哋两个我哋都发嗱嗱声就食晒枱上面嘅嘢食，废事阻住人哋收工啦。
继续阅读
晚餐打边炉拣越南鱼露汤底汤底无味道配料质素都比较差难食唯一好味系杯可乐….🥲牛肉质素勉强合格酱料选择唔够多以后唔会再食大快活打边炉了大家乐/吉野家都好食好多🤓
继续阅读
前几日去大快活食晚餐，快餐店来讲大快活都算唔错，呢一间店舖人流尚算唔多，啲职员都几Nice。叫咗甘笋黄姜汁鸡胸肉红米饭，呢一个系偏健康嘅选择，甘笋黄姜汁第一次食比想像中好，呢个味道比较难想像，但食落唔差，唔会有甘笋嘅草青味，鸡胸肉都几厚，但系唔干唔柴，红米饭比起白饭有咬口。
继续阅读