影片
以上资料只供参考，请与餐厅确认详情
招牌菜
今日晚了起身，两点钟左右落街食下午茶。大快活的下午茶由两点开始供应，时间岩岩好。我叫了一份即煎西多士（糖胶）＋豉油皇鸡脾配粒粒红豆冰。西多士煎得好香，又唔会㶶边，配上牛油及糖胶。切开西多士，入面的面包好新鲜，沾满了糖胶。红豆冰好足料，香滑的淡奶配上饱满的红豆。
继续阅读
好耐冇试过夜晚食港式快餐，谂唔到食咩，食下大快活先，见到佢有个晚餐非常之抵，豉油鸡髀加一个肉酱细意粉，转埋冻柠茶，先至$50左右，仲有一样嘢非常之好嘅，就系可以添加白饭，姨姨服务员普遍都好好礼貌
继续阅读
记得之前食过大快活嘅猪扒包系好好食好有质素加埋个热奶茶超正但今次真系劲失望🙍♂️块猪扒薄咗好多薄过个包好hea... hea到唔识讲一个包加一杯奶茶差唔多30蚊块猪扒比我嘅感觉系求其行入街市买一块全场最平最薄嘅猪扒食唔晒然后等到第二日再拎出嚟食嘅感觉个包系OK嘅 块猪扒真系唔知咩事 Hea到..麦x劳$12包真心好食好多🤭🤭🤭🤭
继续阅读
朋友话去大快活找食咖哩，味道同质量都还可以，咁就试下啦～去到未到2点，基本上午餐好多嘢已经卖哂，好在净系想试下咖哩，仲有咖哩腩可以点，五十几蚊无嘢饮，加埋杯红豆冰变左60几蚊，都唔平。等紧拎𠮶阵，红豆冰已经放左上盘，但咖哩牛腩竟然仲要整，白饭同红豆冰喺出菜位足足差唔多10分钟，杯红豆冰变成红豆汁，咖哩都未出到，加上又不断有人排队拎嘢食，而家疫情，都几担心卫生问题。终于拎到咖哩牛腩，薯仔有2大旧，牛腩细细粒大约5元硬币的大细5至6粒，仲有3至4件牛筋左右。咖哩味比较甜，𩠌饭都几开胃，但咖哩的香料唔算好突出，整体只系ok, 薯仔太多相对牛腩太少。朋友点左个新出的脆爆厚切吉列鸡饭，呢个有啲惊喜，个饭等左好耐，应该系新鲜炸块鸡扒，咬落好香脆，鸡扒厚切，有肉汁，但肉味老实讲就平淡啲，食耐冻左的时候，啲雪味出返黎，而且有骨。而饭系配左日本咖哩，味道无阿活黄咖哩𠮶种咁香，如果个咖哩牛腩的咖哩配呢块鸡扒应该正少少。
继续阅读
每日早上返工点都要善待自己嘅！我好钟意食蛋嘅！而我都听过大快活既滑蛋早餐好好食😋！！我谂成份早餐嘅精华就系呢个滑蛋嘅所在！^_^佢整到超好食又滑又香！再叹埋杯柠檬茶！正？返工特别醒神
继续阅读