1樓冰室 (谷亭街)

营业中

休息中

行過幾次見到佢門口餐牌嘅花膠泡飯都好似好吸引,一直幻想呢碗泡飯都會有啲花膠膠質,有啲黏黏地嗰種感覺。當然知道50蚊亦都唔可以奢求啲咩,不過當碗泡飯一送到上嚟嘅時候,我眼前明明見到嘅係一碗冬瓜泡飯。碗飯裏面有好多好多嘅冬瓜粒,中間有一嚿花膠,當然幻想中既什麼花膠膠質一定冇,不過最起碼佢唔會腥。諗住碗湯會有少少黏黏地,但係就一啲都冇,完全係一碗冬瓜泡飯嘅感覺。我叫咗嘅係花膠雞扒湯飯,雞扒係幾好食嘅,醃得都幾好。泡飯就明顯啲湯有好多味精,其實佢一啲都唔難食,如果佢當佢係一碗冬瓜雞扒湯飯,咁會係相當稱職,而且$50係合格既,只係味精多咗少少。不過如果當佢係花膠雞扒湯飯,抱住呢個心態入嚟就會好失望。所以去唔去試就取決於你想食花膠湯飯定係冬瓜泡飯啦。

日日都訓到日上三竿先起身，已經吾知咩叫早餐啦。但因為今日有野做，所以要好早起身，亦終於可以有時間坐底慢慢咁食個早餐。見尼到吾洗等位，所以就決定係尼到食早餐。叫左個雞扒早餐，塊雞扒比想像中細塊，不過都算嫩滑，仲keep到少少汁。塊皮煎等幾香脆，不過d醬汁比得太少啦，根本就吾夠點。餐飽幾鬆軟，應該係嘉頓出品。但個飽無烘熱過先上碟，所以係冷的，好難搽牛油。薯餅係成份早餐最好食的，脆卜卜，吾會太油膩，不過薯餅都幾難吾好食。

叫咗越式蔥油豬扒，配肉燥飯，同熱飲。味道不過不失，正常，但豬扒較細塊，但較薄，唔會咬唔落，都ok啦。但肉燥飯就爭d啦，得肉碎同冬菇，無乜咬口。外賣自取有9拆~~

呢間係一樓冰室響元朗既新分店 之前響另一分店試過喇沙米線覺得好好味 今日下午茶時段來 叫左一個單點既喇沙米線 一個下午茶餐既豬扒米粉 呢碗喇沙米真心得 米線底好多 餸又多 有成4、5塊蝦餅 豆腐 炸蝦 蛋 同豆卜 好豐富 湯底好夠味 蝦餅煙煙unun咁好好味但另外碗豬扒米就唔得 個湯係完全無味 就咁比d熱水洽熟佢就算 豬扒都係無乜味 最後要問waiter 比隻碗撈埋d喇沙湯來食 因為真係完全無味😟😟下次來都係會穩陣d食番喇沙/咖哩系列就算

啲嘢唔好食, 其實唔駛多講, 但口水多係我習慣, 如果你係想搵美食🤦‍♂️下面文字可以直SKIP💁‍♂️ 夜晚番黎元朗, 試一下新店1樓冰室1️⃣近年都好多打住冰室名號既茶記, 裝修稍為特別少少🏗️賣一兩味懷舊嘢黎搶下FOCUS📸呢間都係類同, 但又學唔足🤬 舖頭算大, 室內加左兩塊霓虹燈牌💡 但望望餐牌其實都係平時茶記食物, 咁既設定下, 我都係穩陣咁揀雜扒餐黎安渡晚上😬 先黎既羅宋湯, 其實還算平穩, 菜, 肉骨都算夠料, 味道還好👌 然後黎既凍奶茶少甜🍼冰何其多🥶 其實放左一陣已經淡而無味, 唔係講緊甜, 係連茶味都無 黎到主菜, 鐵板雜扒餐, 上枱真係熱辣辣滋滋聲既🔥 但摷落去, 就知唔對路😑成個餐得一塊豬扒🐷同火腿 (唔係火腿扒, 係薄身火腿🙃)一隻小炸蝦🦐一隻雞翼🐤後粟米🌽一片紅蘿蔔🥕一塊瓜片🥒一大塊菠蘿🍍睇黎呢個係雜(菜)+一塊扒餐而唔係雜錦扒餐😧你話扒少都算😵但跟餐既薯條真係無味直上, 鹽都無灑過🧂就算加埋黑椒汁都生活淡淡似是如🥛 埋單71蚊, 有時真係爭唔落呢啲連鎖店😥要扮懷舊冰室又學唔足, 煮正路嘢又無心機, 話佢貴又唔係, 但比咗錢💸浪費左個腸胃空間, 真心無癮😣