101肉燥飯專門店 (厚福街) (已結業)

唔知點解都係最中意去呢一間101雖然呢到好多人等位，而且又唔係好快，不過我去過幾間101，我發覺呢一間黎野食係最快。岩晒好心急的我，我諗叫左野食到大概2 3 分鐘到野飲已經黎，野食5分鐘就已經黎（唔知係唔係我叫湯麵所以次次都咁快）一個餐的份量其實已經好夠，不過都會忍唔住口叫多個薯角，薯角果個醬一直唔知係咩醬，但成日都覺得好好食hahah (唔多唔少都係因為個醬所以先叫hahah) 不過有小小失望就係，好多時果個蘋果醋成日都賣晒。。。。好耐沒飲過啦

推薦指數：🤩🤩101肉燥飯專門店 ，算係間幾抵食的台式餐應！位於尖沙咀厚福街地鋪，其實101仲有手工火鍋店，都幾多元化😬今次LUNCH時段黎到尖沙咀，見到呢到有LUNCH SET就一於試下，Lunch set 包左一個飯/麵食、一款小食同一杯飲品，大約HK$65-80👌🏼雞翼肉燥飯份量十足，雞翼炸得香口，肉燥飯味道仍可！但始終不及台灣地道的滷肉肉燥的味道🙈台灣牛肉新竹米粉呢個稍為失望，無台灣牛肉麵應有的風味、牛肉選用的部位偏肥，令到成碗米粉過於油膩😖😖😖小食方面我地嗌左滷水大腸同鹽酥雞! 滷水大腸滷得非常入味 😋鹽酥雞亦好酥脆! 小食份量都唔小，所以呢到的LUNCH SET其實都算幾抵食，但整體未算好有驚喜。

我覺得啲汁撈飯係真係幾好味嘅，甜甜地，啲肉都幾嫩滑，好鍾意，炸玉子燒都唔錯，我平時冇食開玉子燒，所以個人認為都好食㗎喇，菜都係普普通通冇咩特別話好味，肉燥嘅份量幾滿意，食到7788嗰陣，就已經好飽，不過最尾都有照啃埋3舊玉子燒總言之，正！

個人好中意食台灣野 而依間係依過咁多間入面覺得最出色果個大愛呀！醬汁雞扒拼玉子豆腐肉燥飯出面食過好多嘅肉燥飯 依家味道雖然唔可以話同台灣食嘅9成9相似 不過係個人覺得最貼近嘅一間 而且唔好睇個飯好多怕肉燥唔夠食 份量絕對足夠！而雞扒真係好正！食落仲好juicy 加埋個醬汁 好開胃！不得不提嘅仲有滷蛋 真係食台灣野唔少得佢呀！正！不過個人對依個玉子豆腐就麻麻 佢係一個炸咗嘅玉子豆腐 但係覺得食落嘅口感唔太吸引 係成碟裡面較為失色嘅一個不過！絕對無阻我再去嘅衝動！

今日同朋友聚舊，本身諗住去尖沙咀一間cafe，但係揾唔到路，途經見到有一人一鍋，就入左去食。三個人叫左兩個鍋，一個壽喜燒，一個麻辣卜卜蜆鍋。壽喜燒湯底幾甜，麻辣湯底一開始上完全冇味，之後叫侍應加辣就幾好食。火鍋餐都幾平，60幾蚊，包一個鍋，一份肉，一個麵同一杯野飲。叫左一個手打麵，一個米線。仲有一份101小食拼盤，不過賣相真係一般，一開始以為係火鍋料，咬落好凍，好似放左好耐咁。珍珠奶茶比較普通，跟餐加10蚊加大。仲有加3蚊轉嘅茉莉綠茶。三個人食左212蚊，71一個人，都幾抵食。不過餐廳有最低消費，一個人最少要叫一份野食或者一杯野飲。份量都唔算多，可以叫多啲火鍋料落，小食就不了。

夜晚好肚餓好多地方都滿曬， 唯獨呢間比較鬆動，就入咗去試啦， 點知 一碗台灣牛肉麵都整到咁難食，真係要檢討下， 一來就見到成碗湯上面浸住油咁兼湯底一啲味都冇，連用有味道嘅湯送麵嘅希望都冇，如果嘗試一大口湯跟麵一齊吃就成嘴成面都係油，而牛肉雖然係大大嚿但係就沒味道之餘十分鞋，麵條亦冇口感，其實食食左一半己經唔想繼續，雖然價錢唔係貴但認真失望。即使小食都唔好得去邊，同樣炸墨魚丸食到一口油，連燒雞翼都沒咩味，總而言之，多油而冇味道的一餐。希望餐廳重新評估下食物質素，真的需要改善。

睇youtube介紹台灣美食，睇到我好想去台灣食好西☹️但無時間去，只好叫個外送，獨留家中食台灣野。醬汁雞扒拼玉子豆腐肉燥飯(包飲品) $70美味指數 : ⭐️⭐️⭐️⭐️碗飯都幾多肉燥，有肥有瘦適中，甜甜地既港式滷肉飯。炸玉子豆腐就唔太嫩滑，每碗有三件，炸粉幾特別，似糯米糍咁有彈性。蛋就唔入味，雞扒有醃過，煎得還好，食得好飽。凍珍珠奶茶(跟餐) 美味指數 : ⭐️⭐️⭐️我選擇左少甜少冰，奶味唔太重，茶都唔太香，珍珠幾好咬，附送就唔要求咁多啦，但唔會比錢買黎飲。香草芝士薯角 $40美味指數 : ⭐️⭐️⭐️炸得唔錯，唔會覺得好油，大約有十三舊，但香草芝士汁，就真係唔多似，甜甜地咁，食落口似甜既白汁。環境 : (外送)服務 : (外送)價錢 : ⭐️⭐️⭐️⭐️⭐️美味 : ⭐️⭐️⭐️⭐️101肉燥飯專門店 (尖沙咀)尖沙咀厚福街10號地下A舖

間舖頭唔算太大， 服務態度亦都唔好…… 不過嘢食得數係對得住個價錢嘅! 份量亦都足夠， 尖沙咀嚟講價錢公道。 不過期望可以改進行員工嘅態度， 呢樣嘢真係好趕客。 同埋杯珍珠奶茶唔好飲， 完全唔係台灣珍珠奶茶嘅味道!!!

幾年前見到旺角開咗呢一間101肉燥飯就食過一次記憶中佢都幾平又抵食 今晚喺尖沙咀做完運動見到厚福街都有呢一間所以就入咗去食夜晚10點都仲係好多人 喺門口見到原來依家有鍋食一個餐60幾蚊 可以打埋邊爐 今次揀咗牛肉 個鍋就叫咗牛肉壽喜燒飲嘢呢就加咗$3要珍珠奶茶因為我哋兩個人所以另外嗰個呢就叫咗一個晚餐有鹽酥雞翼新竹米粉 小食要左花枝丸嘢飲就唔使加錢嘅 兩個人食 都食唔晒咁多嘢新竹米粉好食 花枝丸不過不失啲牛肉呢個價錢 都唔可以要求太多杯珍珠奶茶就唔多夠味啦 香芋珍珠OK如果想大件夾抵食呢個都係一個唔錯嘅選擇

第一，Order食物叫極都唔應，個店員望住手機行過來，仲要以為隔離枱想點野食。。。第二，個店員上野飲，佢放係我地隔離枱，完全唔知杯野係咪我地，根住問佢杯野係咪我地，佢望都冇望我地仲要寸寸地咁話係啊。。。 我地話放隔離唔知係咪我地，後尾係另一個同事同我地講sorry...人生第一次服務態度咁差嘅員工。。。

食物尚可，飲品（朱古力奶昔）實在奇特。不會再來。the food is average, but the chocolate milk shake is very, very awful. The flakes in the chocolate milkshake gives it a very bad texture. on top of that, the milk shake is very watery , i doubt it uses actual milk in the drink. won't come back in the future.

在尖沙咀闲逛的时候偶尔解决常餐的一家店，101肉燥饭尝试过好几家分店，最满意的还是天后店。尖沙咀店店面不大，桌椅摆放的有一些拥挤，晚上用餐的时候店里还有一股消毒水的味儿。有点影响用餐。点了红烧牛肉饭和珍珠奶茶，奶茶味道不错，很好喝。饭实在做的有一些咸了，吃的嗓子不舒服。总体而言挺一般的。

上次食過尖沙咀8鍋臭臭鍋, 今次直接係厚福街搵食. 101 肉燥飯專門店平日係唔少TST人既 lunch 食堂, 全因價錢夠平又大份!🌝打開餐牌, 直接睇涮涮鍋~🥘我和女朋友分別點了「沙茶牛肉小火鍋」和「蕃茄濃湯牛肉小火鍋」, 配米線和手工拉麵. 另外, 我地都加左3蚊叫珍珠奶茶同芒果汁, 都係大大杯咖🥤坦白講, 呢個涮涮鍋有牛肉片、魚腐、包心菜、玉子豆腐、豆腐卜、台灣腸、栗米、金茹等...配料超豐富，而且有台灣特色！跟餐可點台灣手工打麵、新竹米粉 👅 唔酬要再追加食材, 一個人已經食得飽飽~!除此之外, 門口仲推介3款65蚊涮涮鍋, 都勁岩獨食朋友(PS 果晚有個小插曲, 有一台客人A, 比侍應甲單打...😹 我大概get到是因為食物遲遲未到, 客人A追了幾次都無反應...而侍應甲就當然追番廚房啦!! ...但大家都知啦, 廚房佬最大, 侍應又夾係中間....所以個侍應甲都燥左..發洩了在個客人A身上..而另一邊廂侍應B又唔小心倒瀉了飲品落客人B.....唉, 全場得2個侍應企堂...收錢、執台、落單、傳菜都係佢地...😵😵 老細唔該諗諗佢啦)—————————— 食物質素：7/10

😑 碟飯一放低, 同事們已經話要諗定下午茶食咩好…一 d 都唔吸引! 尖沙咀厚福街, 一條滿佈食肆的短小街道! .🐔醬汁雞扒拼玉子豆腐肉燥飯 ~ 我第一次見咁細塊雞扒, 係一開二嗎🤔????? 三粒玉子豆腐, 包層好薄既粉漿炸。嘩! 玉子豆腐好滑 🍛三杯雞肉燥飯 ~ 三杯雞得幾粒😑, 半隻滷蛋, 一大匙肉燥喺飯面! 三杯雞無乜味道, 一陣雪味, 份量又少😑! 肉燥反而幾好, 夠味又唔肥! 🤤.鹽酥雞翼肉燥麵 ~ 三隻雞翼! 同事自己食左一隻, 其餘2隻分晒比人🤔, 唯一碗麵係食晒既! 🙄+錢有飲品, 甜到一個點! 唯一好處係大大杯, 走冰後都大大杯!🥃🥤.🤔其實...厚福街咁多選擇, 究竟係邊個話要去呢間既呢?🤯 應該拖出去打😡…唔係話難食, 係唔好食 lor….呢個價錢大大大大把選擇 ma….

近排天氣凍同朋友想打邊爐搵到呢間好似幾抵食所以走黎試吓一黎就有位入唔洗等都幾多位我地兩個人都俾左張六人枱俾我地之後就同其他2人一齊share 張6人枱因為一直都唔多人所以先繼續坐一人火鍋都幾多選擇最後嗌左沙茶雞脾肉小火鍋同蕃茄湯牛肉小火鍋個鍋黎到我地見個鍋有啲細 以為唔夠食仲好貪心咁嗌左個午餐肉同魚皮餃但係其實食落一定夠飽個人覺得比吉野家份量大20%其實都幾多雞俾肉一煲入邊有至小有五至六舊而且個沙茶湯汁好入味成舊雞肉都充滿住沙茶味至於個番茄湯就唔多夠味相對有啲淡其實我覺得加錢要幾啲午餐肉同魚皮餃就唔抵原因係只係得每樣三件上菜個一下望落去 見到有啲少得可憐所以其實加$12有小小嘢就唔係好抵再加上其實原本嗰個鍋加埋啲面一齊食已經飽到上心口所以唔好眼闊肚窄食晒個鍋先好嗌啊