106麵飽店 (已結業)

買果陣冇注意，買完行左一半先摸到個包硬過石頭，都算，諗住硬既都可以叮返熱叮返軟佢，點知返到公司，望到個底黑成咁。我真係唔知呢個包擺左幾多日先可以硬成咁，更唔明點解呢個包咁樣都好意思賣出去。個包根本似人地食品樣本咁，咁就六蚊！買呢間野就係有呢個風險，你可能會買到新鮮出爐，但同時你亦會買到呢d 違背良心既黑炭石頭。其實最近都好耐冇買，估唔到一買返就咁，以後唔會再幫襯^^結果我叫同事係另一間鋪頭買過個雞尾包俾我。

平時朝早經過小店，遠看都稍見人龍，好奇係賣咩呢？！趁lunch time散步再次經過，原來係一間麵包小店，店面超不起眼，只有2個櫃擺放麵包，遠觀內部則是製造工場，每天即日製作夠新鮮由於只係諗住散下步，所以好樣衰地帶唔夠錢買包囉幸好親切既姐姐豪爽咁話，唔緊要，放工先俾囉！感覺好親民呀！菠蘿包好香蛋味，表面香酥甜甜地，質感好實在，唔似某連鎖店果d食空氣咁！腸仔包既腸仔就偏咸！但整體價錢都好經濟，重點係所有包都熱辣辣以後買麵包終於有多一個選擇啦！Yeah!

今日要去銀行，估唔到搞咗成粒鐘，飯就食唔切㗎喇，行返去嘅時候經過見到呢間麵包鋪都幾多人，食番個包頂住先，揀咗個榨菜肉鬆包，貪佢唔係度度有得食丫麻，都幾過癮架，榨菜脆卜卜，呢度嘅包微微偏甜，同榨菜嘅鹹香 形成鮮明嘅對比，味道方面就唔錯喇，份量嚟講亦都正常 不過都收成七個半一個，貴咗啲喎。

起初見到同事成日買包番公司當早餐本來我去開七仔或OK後來食過之後覺得吾錯就成日來呢度除了平均每個包都平過七仔之外睇得出的而且確新鮮的而我經常買叉燒餐包同餐肉包仲有就是腸仔包至於其他包我覺得另有店比它好.話歸正題今天呢個餐肉包身接上手仲仍然係燙手入面的料雖然得半片，但夠厚亦都係熱仲有包身軟綿綿，肯定係即日製造的我彈性上班時間，呢度七點至九點下午十二點至一點半早餐及午餐排隊就必然我從來吾會呢兩段時間買，所以吾冼排隊買

這間麵包店真的不得了, 早上經常會出現人龍!只是想不到, 下午已經是3:30pm....仍然可以經常食到熱辣辣的包, 證明佢地流轉量真的很高!!! 這個菠蘿包皮包皮很薄, 一口咬下去, 就見到厚厚的一層紅豆蓉!! 真的貨真價實, 比起很多大型西餅店更有良心!! 

十月中旬‧晴還有在練跑的日子，到了尾段見這裡有包賣，就買了個大大的椰檳吃一下。微熱，包鬆軟，有椰香，甜甜的也好吃。可以想像如果配上一杯熱咖啡，更不錯。還有一樣好，就是份量不小，抵食。

因為今晚放工有野要做, 吾可以咁早食飯, 所以LUNCH就去買家個飽, 下午頂下肚先, 腸仔飽 - $5.5加咗好多呀, 之前賣$4個, 竟然加到$5.5...同埋已經吾好食, 個飽吾香, 又硬, 叮完都仲係硬, 同埋D飽完全無味, 所以下次都吾會係度買, 又吾係特別平...情願去OK買仲好, 好食好多...唉..希望呢D小店做番好D啦...我吾想下下去大型餅店買飽...

d麵包真係比起附近的麵包店平d, 腸仔包, 餐肉包之類都係 $4.而且多數都仲係暖暖地, (朝早番工時間).不過就只有普通類型的麵包. 即係唔會有好多花巧果d.蛋達就麻麻地, 凍既, 唔係幾好味.