12燒

营业中

休息中

位於葵芳廣場地下的🔥隱世串燒寶藏小店🍖由五星級酒店退休主廚親手主理人均消費：$50-100💰性价比超高🔍除了串燒，這次還點了這裏的招牌，法式蕃茄濃湯拼芝士燒豬扒飯😋一上桌，香氣撲鼻！份量超足！平日不太愛吃豬肉的我，第一口就愛上了 ！燒豬扒口感外焦裏嫩！一口下肚，幸福感滿溢！ 🥣正宗法式濃湯風味的醬汁，配上起司的綿綿絲絲，與豬扒完美融合！每一粒米飯都吸爆了肉香和蕃茄濃湯，濃郁美味串燒也不能少，日式燒法融入店主自家秘製醬料，每一串都是精心傑作！每一口都是滿滿的驚喜🍢

正到爆！葵青嘅朋友推介嘅燒烤舖！食完真係超水準發揮❤️價錢仲好抵！因為全部即叫即整，所以等嘢食會耐啲！法式番茄湯拼芝士豬排飯 🌟🌟🌟🌟🌟🌟呢個我真係強烈建議必點！！我朋友同老闆識嘅～傾計嗰陣，老闆同我哋講呢道菜嘅做法，先知原來用料超級好，完全唔係預製菜！番茄湯🍅係用正宗法式做法熬，酸酸甜甜，撈飯正到無得頂！豬扒就用日式方法醃，甜甜地🥹烤魷魚🦑 🌟🌟🌟烤魷魚鬚同普通燒烤差唔多，我叫咗孜然味！烤牛肉🐮 🌟🌟🌟🌟烤牛肉值得試，我都叫咗孜然味！烤雞腿肉🍗 🌟🌟🌟🌟🌟呢個我超like哈哈哈～可以叫蜜糖味！

一直都有食開這小店，這小店來講不計串燒目測都有成30 以上種類的飯，小店來講確實算很多款色。最近仲推岀個豬扒系列，看來這店對這個豬扒都很有信心。見到每張檯都有這張menu 似係想主力宣傳這豬扒系列。我這種常客當然來試下。這店一向岀品都不錯，今次我就試試他們講最近大受好評的法式濃湯芝士豬扒飯。飯一到與照片相同，沒有照騙整得好靚。先試一口濃湯味道一流比那些以蕃茄為主題的餐廳更岀色.到試一啖豬扒超好味，豬扒好淋又juice真係不知怎形容的好食78蚊食到咁高質嘅飯真係值得一定會經常來食這味道真係自己來試下，我不知怎形容。只可以講吃了一次對其他豬扒都不感興趣了

過往經常和姐妹到葵廣行街, 今日Search 下Openrice葵芳有咩好嘢食,見到這間12燒幾多正評就同姐妹去試下.到門口發現無人係連服務員都無心念會不會中伏. 但由葵廣行到過來咁熱不想回去再搵食.心想死就死照入去試一試. 進去後廚房的人走出來給我們QR CODE 落單.相信係間一人小店.現時小店難做相信真係靠自己勤力才生存到下去不過點經營不關我事食嘢最緊要. 掃CODE 發覺這個串燒店不簡單串燒種類很多,還有很多飯可以選擇. 真想問老闆一個人點搞到咁多嘢我點左個餐廳寫住大受好評的法式蕃茄濃湯豬扒飯睇張相幾吸引.(女人都係食照片）我的姐妹們選了沙嗲安格斯牛枊飯,茶漬羊架湯飯,日式葱油牛舌丼.再加幾串串燒試下.沙嗲安格斯牛枊飯：牛枊好好味沙嗲汁很夾,廚師炒得好有鑊氣. 上菜很香茶漬羊架湯飯：這個很少見,我姐妹話這個係日式飯慢煮羊架很入味軟林林配上一個甜中帶有茶香的湯很開胃日式葱油牛舌丼：上菜好有日式感覺（懷念日本）牛舌燒得很香葱油汁比其他店出色法式蕃茄濃湯豬扒飯：這個上碟眼前一亮好似去左法國餐廳的上菜一樣美.蕃茄湯很清甜開胃（如果可以多D就更好）再咬一啖豬扒,真係大顛的好味分左D比姐妹

葵芳村入面應該係最好食最有特的餐廳.今次同同事食新嘢.  今期試左佢地個豬扒主題. 絕對值得推介.蕃茄湯一流不太酸不太甜剛剛好配上這塊世一豬扒無得頂豬扒質地軟林林肉汁保全得很出色.加上香濃芝士.一塊真的不夠喉.非常好味.這個汁很特別真的用香蕉肉整.食落甜甜的跟大啡菇很配撘相信廚師用了不少時間去鑽研.值得欣賞這種創新口味.  送飯一流這個日式丼飯當然無得輸由串燒店出的牛舌必屬美味.加上一向知這店的牛舌出色配上他們自制的葱油汁.又可以食兩碗飯總括這家店的食物非常高質.可能位置不太顯眼所以不算多人知.幸好每次來都不太需要等位希望佢地推出更多好味特式食物. 每日LUNCH靠他們了絕對值得一試.

朋友聚會，想係葵芳呢度坐低吹下水，葵港個頭就多人又坐唔耐，就係葵芳廣場近村裏頭搵到呢間串燒小店。今晚毛毛細雨，快快腳入去掃code 落單叫野食啦。唔洗幾耐，串燒就黎到啦。第一round 就叫左牛舌、煙肉腸、牛柳粒之類試下先，味道都唔錯，街坊小店算係咁。跟住未飽咪叫多兩三款飯黎填下肚啦，個黃金雞粒炒飯幾好食喎，炒飯香噴噴，加埋雞汁食一流。再食埋另外兩款，肚滿滿了。朋友們如果想有個輕鬆聚腳點，可以黎呢度試下

呢間燒烤店好評如潮就諗住試下味道，嗌左幾樣嘢，岩岩攞到手的棉花糖即刻食已經變成1 pat嘢全部黐係包裝袋度，凍冰冰之餘啲黃油都未溶，魷魚須硬邦邦，好似擺左好多日，四季豆未熟透仲食到一陣生味，其他食物都係一樣，點單時服務員一直係廚房見到你但就係唔過黎，（當時堂食一個人都無，除非佢做外賣），要叫佢過黎先會幫你落單，否則就當你透明的，一句禮貌用語都沒有，服務態度唔好，食物質素一般，唔會再幫襯，專登黎試味的大可不必

見到呢間餐廳冇負評差唔多都係好評就一於試吓 叫咗一口牛肉粒（孜然）、雞軟骨（川味小辣）、雞髀肉（泰式酸辣醬）、泰式牛舌粒飯 、白飯 1.放餐具的櫃 有啲污糟😖2.雞軟骨 雞髀肉 一口牛肉粒 都好吃😋3.但係嗰個 泰式牛舌粒飯嘅牛舌粒唔知點解變咗泰式牛舌“片"飯。🙃 4.牛舌片上有細嘅黑色一片片物體 ,疑似黑色鍋塗層脫落😖。問過侍應佢話應該係黑椒或黑蒜,但係我唔信黑色一片片會係黑椒⁉️😅,洋蔥有少少炒燶咗……

勁無奈中午12：20我入去坐低一直無人喺舖面serve, 要走入廚房先有人畀張Code你落單，12:22出飛,咁我就等啦。等到13：00都仲未出餐（之前已經問過有無漏單女職員話無），我入去問佢佢話等多5分鐘得，結局當然再一次失望啦。13：06走入廚房同職員講取消，一句「好啊！」就算，道歉都無，好似當你係附近屋邨啲阿伯咁，得閒落街捉盤棋先去食飯唔洗返工咁😅等唔緊要，但等咗差唔多成個lunch hour會唔會過份咗啲？咁樣服務幾好食都無用, 絕不推薦附近上班人士幫襯，除非你玩斷食😂

葵芳廣場個邊, 要走到最入先至搵到, 都算隱蔽 😅 有好多唔同款式既串燒, 仲可以夾唔同味, 總共十二隻味有, 啲味都特別, 即係唔會係個啲普通蒜蓉味, 椒鹽味, 有埋啲咸蛋, 避風塘, 孜然味等等, 呢類就係粉黎 😙 佢仲有沙茶, 燒汁, 黑椒, 相信呢啲應該係醬汁, 因為我叫親都係粉, 都唔肯定 😜 餐廳好乾淨, 價錢一般都係$20或以下, 除左牛肉粒, 茄子, 啡菇呢類就差唔多$30。由於我同朋友食左啲野, 所以淨係叫少野食, 個菠蘿好好味, 其他串燒都好味, 一路燒一路有個爐烘住, 雖然唔係好熱, 但都幫下手, 係值得推介既小店! 👍🏻佢除左串燒, 仲有飯食, 老細話如果淨係食串燒午市就搞唔掂, 老細英明 😎

12燒以其多樣化和美味的串燒小食為主，我點了牛柳串、雞髀肉、牛舌和雞腎，加上一杯可樂，整體體驗非常令人滿意。首先，牛柳串是我最喜歡的一道。它們切成了小塊，每一口都嚐得到嫩滑的牛肉和微妙的煙燻味道。肉質鮮嫩多汁，口感極佳，絕對是肉食愛好者的首選。接下來是雞髀肉，同樣令人驚艷。雞髀肉切成了薄片，烤得恰到好處，外皮酥脆，內裡保持著濕潤的口感。每一片都散發著濃郁的雞肉香氣，非常美味。牛舌是一個很特別的選擇，但卻是一個絕對值得嚐試的選項。它的質地細膩，經過烤制後，肉質更加鮮嫩。搭配店家特製的醬汁，增添了一層豐富的風味，讓這道菜更加出色。雞腎切成小塊，烤得剛好熟，外皮微焦，內部保持著嫩滑的質感。整體而言，這家串燒店每一道菜都有其獨特的風味和質感，加上可樂的清涼口感，這是一個完美的下午茶體驗。

同朋友仔嚟到葵芳村搵好野食，今次就同佢去到12燒，一齊食串燒，餐廳係以QR code下單好方便，而且串燒種類多，佢哋仲有個特色就係有成十幾款醬料可以配搭！店內店員都好Nice，仲同我哋講提早預約係會有優惠！如果下次提早打嚟book位，會送飲品/小食/甜品一份，而且每日都唔同！😍我哋今次兩個人叫咗好多串燒，當中嘅一口牛肉粒係招牌必點，我哋分別點咗蜜糖 & 黑椒兩種口味，各有特色，而黑椒味比較香口；豬頸肉燒得入味，配泰式酸辣醬一流，酸酸甜甜味道很開胃；最後點返一份燒菠蘿，解油膩感一流！而且一串有四粒好抵食！仲有更多推介：🌟串燒醬料配搭推介🌟肥牛金菇卷 - 蒜蓉味魷魚鬚串 - 椒鹽味多春魚 - 椒鹽味錫紙娃娃菜 - 蒜蓉味芝士丸 - 蜜糖味一口牛肉粒 - 蜜糖味 & 黑椒味豬頸肉 - 泰式酸辣醬雞脾肉 - 蜜糖味雞軟骨 - 椒鹽味

去葵芳通常都會去葵廣或者新都會廣場食嘢，呢2度都食到有啲厭，行過啲去到葵涌廣場原來都有幾間餐廳，今次就試下呢間串燒店🤪餐廳叫十二燒，原來喺有十二種唔同嘅口味除客人配搭，搞到選擇困難症嘅我花咗唔少時間落單🤣▫️原條茄子 - 蒜蓉 ($32)蒜蓉燒茄子係不敗嘅菜式！蒜蓉辣椒落得好夠，好快就清曬成條🤣▫️雞脾肉 - 蜜糖 ($16)肉質軟嫩帶有少少甜味，如果份量多少少就好🤏🏻▫️雞軟骨 - 椒鹽 ($16)食落爽脆有咬口，用椒鹽整簡直冇得輸▫️豬頸肉 - 泰式酸辣醬 ($16)豬頸肉彈牙，配泰式辣醬都唔錯▫️錫紙娃娃菜上枱熱辣辣，中和咗串燒嘅油膩感▫️五花腩 - 避風塘 ($16)第一次食燒到咁乾身嘅五花腩，脆卜卜幾香口，配埋避風塘碎送酒一流！▫️招牌避風塘炒飯 ($20)炒飯粒粒分明，加埋避風塘碎好惹味，果然係店家嘅招牌👍🏻▫️燒菠蘿 ($14)面層有焦糖脆皮，菠蘿甜得嚟咬落冇筋▫️黃金棉花糖 ($14)BBQ必備嘅燒棉花糖！黃金原來即係落咗鹹蛋黃，食落又甜又鹹咁就唔太啱我，鍾意嘅朋友可以一試🥸見到扇貝係佢哋嘅招牌本身想試，但係當日賣曬🫥下次要再試！Overall rating (5粒⭐️為滿分)味道：⭐️⭐️⭐️

✨招牌避風塘炒飯+串燒3 串（午市套餐 $55）串燒選擇了經典丸類，有花枝丸、牛丸和墨魚丸，丸的表面均烤至微焦，鮮嫩彈牙，更有多達12種調味，每款都可以選擇不同味招牌避風塘炒飯則炒得好乾身，香氣四溢，與串燒一樣惹味✨自選串燒兩串+飲品（下午茶餐 $40）豬頸肉：肉質鮮嫩多汁，帶有微微的炭燒香氣魷魚鬚串（+$2）：有嚼勁，搭配椒鹽更顯風味津路烏龍茶（+$6）✨雞軟骨（$16）呈微焦的酥脆口感，算大粒且有嚼勁✨錫紙娃娃菜（$28）選了招牌蒜蓉味，份量很多，而且保持到嫩脆質地可選調味：椒鹽、孜然、蜜糖、沙茶、黑椒、沙嗲、蒜蓉、咸蛋王、泰式酸辣醬、麻辣、避風塘、燒汁

屋邨通常都只有連鎖店或者茶餐廳，有自家小店的確要支持一下。小編的友人發現葵廣附近屋邨有一間有串燒小店，而且可以有堂食，便約周六去試試。大啡菇（蒜蓉）大啡菇本身就已經很好吃，多肉多汁，烤起來表香氣更濃，表面有淡淡的焦香味，反而蒜蓉味被大啡菇掩蓋咗，應該要嘗試其他調味料。🤣錫紙金菇菜（蒜蓉）這個越食越辣，是小米辣的辣味，配上蒜蓉好惹味。金估菜好肥美，食落去好有口感，份量都勁多。燒菠蘿必叫，菠蘿不算很酸甜，但水份肉感飽滿，中和了之前食串燒的熱氣及油膩感。表面的焦糖脆脆，不會很甜，不錯。多春魚（椒鹽）雖然看起來瘦小，但還好裡面超多魚春，吃起來蠻鮮，配上椒鹽味很搭。五花腩（孜然）曬上孜然粉之後，五花腩變成類似豬肉乾的口感，調味料香味少突出。燒香蕉蠻喜歡這個配搭，挺有趣，外層的焦糖配上裡面熟到爆的香蕉，外脆內軟。因為熟了，香蕉的甜味都非常突出玉子燒非常大件，口感像蛋糕一樣，裡面鬆軟，帶點汁水，比較甜。墨魚嘴（椒鹽）曬上椒鹽之後表面惹味，食落去就爽脆。12燒葵芳興芳路177號葵芳廣場地下14號舖#葵芳美食 #葵芳 #葵芳廣場 #屋邨美食 #屋邨小店 #串燒 #串燒小店 #玉子燒 #燒香蕉 #調味料