1520放題餐廳 (已結業)

一間食完令我即刻有意欲想寫食評推介既餐廳。　果日無意中喺ＳＯＧＯ門口攞到呢間餐廳張傳單，寫住＄１６８一位任食雞煲，仲要有埋張＄２０ｃｏｕｐｏｎ（買單時＄１４３）。平時其實都唔會特別留意呢啲傳單，因為一般都靜係會揾熟悉既地方食嘢，但果日因為諗唔到食咩，所以就諗住一試。上到餐廳樓上時七點幾，但冇咩人，（後期先知原來新開），仲覺得有啲擔心會唔會好難食，一向心態都係任食多數質素都唔會太好仲要咁既價錢任食打邊爐更加冇咩信心。今時今日其實食一餐飯一人冇二百都走唔到，太平多數都唔會有咩好食。　入到餐廳啲感覺幾好，因為用咗鮮橙色為主調裝修，啲枱櫈類似韓國地道食燒肉餐廳既枱。　一坐低，餐廳啲侍應態度好好咁過嚟介紹有咩食，嘢飲任飲，仲要有啤酒，紫貝天葵，仲有各色汽水。　我同朋友揀咗重慶雞煲即係靜辣味，後期先知原來四川先係又辣又麻，下次再試。個雞煲味夠濃，雞好滑，講真好耐未食過啲雞煲雞可以咁滑，望落應該都足料有半隻雞咁多。　跟住就係任點時間，呢間嘢啲嘢食種類真係好多，平時喺出邊食散叫都未必有既田雞，鬼馬油炸鬼，天梯,但呢度全部都有。　真係超正，最重要係唔係得個揀字，啲食物真係新鮮，肥牛好靚，蝦，田雞好新鮮。

前日做完GYM，約了班GYM友食飯。上了呢間放題大吃大喝一番。我地一行4人點了侍應哥哥推介話係，全港首創‘黑胡椒雞蟹煲’ ,堅講無介紹錯。D雞好入味，而D蟹亦夠新鮮，真係有成隻蟹咁多。Only食雞及蟹係唔夠呀！食得放題當然要食盡佢啦！我們叫了克木耳, 金古, 魚皮餃、田雞, 雪花肥牛,豬潤…………。好多好多。真係打唔晒咁多。當然我最愛的肥牛及魚皮餃梗係叫了n咁多次la。D魚皮餃幾好咬口而D皮又不厚。正呀！至於飲野我叫了佢地自家製的紫貝天葵。我們大吃大喝一番後，每人食多杯雪糕就走了。