1523 釗級廚房 (已結業)

同朋友聚會，選左食佢地既野。。。真係伏，唔新鮮，牛扒又好硬，無牛味，質素差，價錢雖然唔貴，但真心唔好食，唔推介，雖然唔係貴，但咁既價錢可以選其他，唔推介呢間，真係被騙，一定唔會再去

#中意嘅請分享請點讚🍻----------#黃店 💛💛1111,1113參與罷工+請手足+11月全部Tips捐星火,小店另捐Tips相同金額予立場+1118扣除成本捐星火-黎緊想繼續介紹黃店，但人手有限，有黃店推介可以inbox我，要大大力推薦比更多人去懲罰佢！！！----------🥩12oz肉眼扒配紅酒汁+薯菜 $99.9加$20變套餐 有飲品+蒜蓉包+餐湯肉眼扒好厚身好大片，今次叫左7成熟，有小小過熟變左8成，不過入口嫩滑，有小小乾身，配加紅酒汁同翠肉瓜，加埋翠肉瓜就冇咁肥膩。有驚喜嘅係個薯蓉，竟然係黑松露薯蓉，啖啖都好香黑松露味。蒜蓉包好鬆軟，好多蒜蓉。餐湯係新鮮西蘭花忌廉湯，忌廉太少變左好似西蘭花湯，唔夠濃郁。----------🔎1523 釗級廚房🚩元朗馬田路38號怡豐花園地下18號舖

元朗真係好多黃店，呢間就係其一。禮拜日食晏時間過到嚟，差唔多要等半個鐘頭先可以入座。lunch Menu選擇眾多，最搞笑仲係要圖文並茂，就算唔識字都睇得明佢係食乜嘢😎而且價錢相當公道，抵食又大份！見到飲品Menu有個叫咖啡阿華田，老闆娘話佢係親自研製選用越南咖啡，咖啡底有浸燒焦嘅味道，配埋阿華田嘅甜味都幾特別架。搞到我飲咗一半先記得影相，不過我就覺得熱飲嘅味道濃郁啲突出啲，凍飲就冇乜特別，而家天氣咁凍大家可以飲下熱飲。我叫咗個牛脷薯蓉朋友叫咗個豬扒薯蓉，牛脷同埋蒜蓉嘅味道都偏鹹特別適合重口味嘅各位，另外份量都好多，如果多人食可以嗌幾個唔同嘅一齊share添🤩

元朗啲西餐一係就貴到飛起，一係就伏到飛起。但今次依間西餐廳就味道正常，但係超抵食依個蟹肉乾果Risotto就好有驚喜，一開頭以為會好怪，但依個Risotto一嚟好多蟹肉，二嚟啲飯煮得啱啱好，三嚟啲乾果配落啲飯到又幾夾再加廿蚊，就可以有餐包，酒同一杯嘢飲一定會再幫襯

本身居於元朗，發現有七成的餐廳都不是我想入去消費的，因此積極找其他的三成。走到大渠近馬田路圖書館，當時晚飯時間外面有幾人排隊，在餐廳內傳內的歌聲吸引我停步取票。坐下後，點了豬手、小食拼盤、12安士西冷、意粉餐湯等。豬手是一個講究的菜式，別家多數不能掌握肉軟皮脆，但這家做到了，可是芥辣汁太水太欺了。然而其他的菜式都有不俗水準，值得推薦。座位只有廿個左右的小店，但從店內店外看到他們多麽熱愛香港，那才是難能可貴。

朋友推介話要食99蚊嘅扒，等位前已經問要等大約幾耐先拎飛，話等30-45分鐘左右就有位。等咗1.5個鐘都未安排到我地入去，仲要係我同朋友兩個人咋喎👿一路放啲留咗位嘅客人入去，但個侍應答我地等30-45分鐘係無包含留座嘅客人，安排極度混亂！途中都有客人等太耐走咗！侍應完全無主動同我地解釋，等咗一個半鐘都未輪到我地，嬲到我地走咗去食拉麵！一個字：差！

屋企人生日，見到唔少元朗人都話呢間好食，所以就試下，book枱既時候問我地要唔要留隻豬手，問得應該都好食，咁就留左一隻。去到佢有個推介，$99.9有12oz牛扒，咁抵梗係試試啦，再叫左個蟹肉沙律，黑毛豬鞍，3個主茶加錢包湯，蒜蓉包同飲品。個湯幾好飲，大家都話好特別，蒜蓉包黎到仲出煙既，唔係好多間餐廳做到。飲完湯等左一陣，豬手黎啦，好脆，好好食，留一隻既決定係岩既。之後幾樣野都到啦，最後係沙律，呢樣有小小美中不足，估唔到沙律竟然最後到，但好食既。牛扒: 有小小似港式扒房用粉醃林既牛扒，叫8成係做到8成既，味道一般，但咁既價錢算係咁。Pizza: $68所以好細塊，見到打左個突，但咁平都冇理由俾番pizza hut個size你啦。豬鞍: 好食，值得一試。4個大人埋單$800，食物又有質素，難怪一致好評。

呢間小店都唔係第一次幫襯，為左鼓勵下店主，今次就寫篇食評啦！今次黎到揀左個套餐食，有餐湯，有個沙律前菜，有份fish & chips，有份扒，再有兩杯野飲。 價錢同食物都非常合理，大大份，食物都好好食。前菜沙律無嘜特別，但真係好大份，餐湯都好飲但希望可以熱啲，至於fish & chips，魚好滑好好味，扒就出奇地juicy，食得出有肉汁。 值得推薦及鼓勵下👍🏻 會繼續支持。意見：希望套餐可以多少少款選擇，或者可以加錢轉牛扒

1523釗級廚房係朋友介紹的西餐廳。地方位置稍遠離元朗市中心，但正因如此，在此進餐會得到寧靜閒適的感覺。.餐廳座位不多，但位置寛敞，坐得舒適，不會像其他地方為了做更多生意，而故意把座位排得密密麻麻，令人坐下時，要背貼背地座，吃也吃得不舒適。..12o級肉眼扒配紅酒汁（$99.9)餐廳做緊12oz 肉眼扒限時特價，只需$99.9，非常抵食，出面閒閒地都要$200架👍🏻 而味道方面，餐廳採一人廚房，即叫即做，所以火候同味道都控制得幾好。叫左5成熟，熟度岩岩好。入口嫩滑，吾鞋口。配埋紅酒汁同配菜翠肉瓜一起吃，不會膩，剛剛好👍🏻會再來的🥰

今次黎到1523 釗級廚房去到都幾多人入去食🙊叫咗個1️⃣慢煮原雙德國咸豬手🐷 （$169）同2️⃣限時優惠-特選肉眼扒 12oz🥩 ($99.9)另外加咗$20跟餐🍽啲野食一黎到既時候個反應係「真係好大份呀😱」，到最後真係食唔哂要攞個盒裝走🤣（留意到隔離枱都係咁，所以真係唔係我地細食🙈）▪️慢煮原雙德國咸豬手🐷 （$169）個皮炸得幾香脆，啲肉就有啲黏黏地骨膠原feel🤣，有芥末醬點，個醬有啲辣，點少少就夠，點太多會掩蓋咗豬手本身既味道🤭▪️限時優惠-特選肉眼扒 12oz🥩 ($99.9)呢個價錢黎講真心大件夾抵食🤩！牛扒叫咗五成熟，質地偏軟身，有個紅酒汁🍷既醬比你點最正既係配菜係黑松露薯蓉黎‼️Sorry實在太鐘意黑松露🤣🤤，呢個細節位加咗好多分🙈唔知呢個限時優惠做幾耐🤷🏻‍♀️，所以要去就快喇🙊▪️餐湯餐湯係椰菜湯黎，飲到新鮮既椰菜味，第一次試，都幾特別🤔▪️蒜蓉包🍞個包好鬆軟，都大舊，最重要係蒜蓉味好強烈，超鐘意😍

好少寫食評，但呢餐飯真係不得不提呢間餐廳價位算平，但入到去環境太迫，搭枱坐得唔舒服！好似倉梗一般茶記咁...重點係叫左塊5成熟牛扒 & 雞扒1）雞扒係好大塊，但厚度不一，較厚既地方唔夠熟，睇menu完全唔知有芝士......2）牛扒第一刀切落去可以話係全熟，不過未算食唔到，食食下就會變7成，可能因為厚度不一，火喉都差好遠，一塊扒有齊全熟、7成熟&5成熟眼見都有啲人幫襯～唔知係我唔好彩定點，但真係無下次btw, 薯蓉係幾好食

今日黎試德國咸豬手，應該係依間餐廳既主打菜之一。價錢$168，都可接受，唔會太貴，但份量多小小就好啦哈哈首先講下d配菜先。翠肉瓜有d過油，食完個碟板仲油滴滴，薯條ok，可以再熱返小小。同埋唔知係咪我地掛住傾計放耐左，好似唔係好夠脆。至於隻豬手，係正既，唔會太韌，入面d肉都係軟身，唔乾，而且個味道幾好，唔會淡茂茂，就咁食唔點醬都好食，點左又有另一番風味。不過問我下會唔會再點依個豬手，我諗又未必，因為感覺上依個價錢可以食到更正既野下次黎試其他！

去完圖書館🏢出來，沿着馬田路怡豐花園搵食，這裏咁多間餐廳大部份是小店經營 ，價錢都較平民化，最後選擇咗呢間！|店鋪不大，餐廳内得幾張細枱,午飯時候有幾張枱己坐了一班學生哥👨‍💼。有趣的發現店內貼了一張「一人廚房，即叫即整，請耐心等候」，莫非出菜慢🧐我有時間、不打緊😉🔖套餐選擇都多，大約有8款，附送是日餐湯🥣及熱飲☕️。大部份餐都是配薯蓉🥔，加$5可轉飯🍚或意粉🍝。是日餐湯「蘑菇湯」 ，🍄菇味非常濃郁，湯既濃度適中，但不是忌廉底，啖啖菇粒，好飲😋滑捋捋雞扒🐔配薯蓉 $59 ，嘩🤗雞扒好大份，足足2大塊，肉質都算ok，再餸埋薯蓉食，終於食唔哂，仲有三片翠玉瓜伴碟埋單無加一$59食飽飽👍🏻

🍽一間幾抵食既餐廳印象中 每日都有唔同既優惠(肉眼/雞扒/豬手/set) 📌👉🏻今日優惠係 肉眼нĸd99.9 好大份👀不會質素一時時 今次冇乜牛味 而且好似太過鬆軟(唔知係咪落咗鬆肉粉)🤔order咗七成熟 但上枱係全熟🙊有小小失望 不過配既薯蓉,餐湯(蘑菇湯),蒜蓉包都好好味🤤·卡邦尼 份量很多 但不是我喜歡的那種味道🤨之前食過黑松露大蝦意粉 味道不錯喔·洋蔥圈入面係洋蔥粒+薯蓉👐🏻口感幾得意既

星期六早午餐時段，約埋老豆出街食好「西」，因老豆係食肉獸，問佢食咩都係以「扒」為先我咁乖既梗係搵間性價比高既餐廳同佢探索吓元朗既靚扒啦近近地就㨂左間在球場隔離既小店佢話晨運時都有經過架，不過唔知人地有扒食姐餐廳内得幾張細枱，外面擺定幾張櫈好明顯預左有機會要等，好在老豆未太餓，等左10分鐘左右就有位午餐時段有幾個sets可選擇，加$10就多個湯同飲品價錢公道啦！入到店内感覺似鄰家飯堂咁，放住零零散散小擺設，「一人廚房，即叫即整」我們唔急既，無所謂兼且老實說等一陣就有野食喇我們父女二人組，明試靚扒，就F+G “丫唔該加埋餐湯飲品是日餐湯「雜菌湯」連老豆都話好香呀！好有菌味，清清地，啖啖菌粒，看得見的清新飲完湯已見隔離枱有主菜上，係兩塊都隻碟咁大既豬扒好期待我倆既牛界代表牛肋條薯蓉- 眼見都有筋架，最鐘意這筋肉位，仲有好多條添， 好軟稔唯一美中不足就係個汁偏酸，茄汁重手左唔緊要因另一主角黎喇「紅酒汁肉眼扒薯蓉」....嘩嘩嘩！ 好大塊！仲要係厚切呢個紅酒汁明顯好味D, 唔好以為我地只欣賞佢夠大肉質都係很不錯餐飲點左熱咖啡☕️， 店員提我地咖啡豆帶少少甜味，心諗咁得意，仲想試，飲過後..哦越南咖